منتدى الفرح المسيحى  


merry christmas

ربنا باعتلك رسالة ليك أنت علشان السنة الجديدة

الرسالة دى تحطها فى قلبك طول سنة 2020

وخلى الرسالة خلفية للموبايل علشان تفتكر وعد ربنا ليك

يالا اختار رسالتك من الهدايا الموجودة وشوف ربنا هايقولك ايه


  • صور الكريسماس

  • العودة  

    إضافة رد
     
    أدوات الموضوع انواع عرض الموضوع
      رقم المشاركة : ( 1 )  
    قديم 18 - 11 - 2019, 04:09 PM
    الصورة الرمزية Mary Naeem
     
    Mary Naeem Female
    † Admin Woman †

     الأوسمة و جوائز
     بينات الاتصال بالعضو
     اخر مواضيع العضو
      Mary Naeem غير متواجد حالياً  
    الملف الشخصي
    رقــم العضويـــة : 9
    تـاريخ التسجيـل : May 2012
    العــــــــمـــــــــر :
    الـــــدولـــــــــــة : Egypt
    المشاركـــــــات : 747,785 [+]

    انواع علماء الكتاب المقدس وتخصصاتهم


    نفرق بين 3 انواع من علماء العهد الجديد او الكتاب المقدس ، لاهوتيين العهد الجديد دارسين ومؤرخين العهد الجديد المدافعين

    (1)
    اللاهوتيين (Theologians)
    = هما الدارسين والمتخصصين فى اللاهوت اى كل مايتعلق بالله واستخدام الكتاب فى المعرفه عنه وعن وصاياه ،فى تقرير العقائد فى رؤيه إعلان الله عن نفسه ولمعرفة تعاملات الله مع البشر "ازاى نعبد الله ؟" او "يكون لينا علاقه حية معاه ؟ " من اهتمامات اللاهوتى تفسير الكتاب المقدس وازاى نطبقه ف حياتنا ونقاش القضايا اللاهوتية المختلفه زى القيامه زى الصلاة زى السقوط زى الخلاص وغيرها من المواضيع اللاهوتيه ، بيدرس اللاهوتى -وليس بشرط ان يكون كل اللاهوتيين درسوا جميع هذا المجالات -

    [١] علم اللاهوت بفروعه المختلفه [على سبيل المثال النظامى العقيدى الادبى المقارن الرعوى ]

    [٢]الفلسفه بفروعها المختلفه وخاصتا فلسفه الدين

    [٣]علوم التفسير المختلفه

    [٤] علم النفس او خاصتا فيسيلوجيه الدين ( يهتم باستخدام علم النفس فى إطار الحياة الدينيه)

    [5] الابائيات

    اللاهوتى بيقف عند النص ويسال نفسه الله قاصد ايه من النص ده وازاى اطبقه على حياتى وازاى اعرف منه اكتر عن الله وازاى استخدمه فى إثبات او دعم عقيدة معينه ، اللاهوتى ممكن يكون عالم عقيدة او قسيس او أب كاهن او مفسر ، كل وظيفته ببساطه رعايه شعب الكنيسه وارشادهم ومحاوله فهم وتفسير كلمه الله

    من اللاهوتيين البارزين : الأب متى المسكين - ار سى سبرول «R. C. Sproul» - مارتن لوثر «Luther» - ادم كلارك «Adam Clark» - بيلى جراهام «Billy Graham»- كارل بارت «Karl Barth»


    (2)
    النقاد/الدارسين والمؤرخين (Biblical Scholars)
    = ودول متخصصين فى الدراسات الكتابيهbIblical studies سواء دراسات العهد الجديد New testament studies او القديم ، أى كل مايتعلق "بنص" العهد الجديد/القديم كقطعه من الأدب وماوراءة , فى دراسته لايتعامل مع الله بل بشكل علمى منهجى مجرد مع النصوص وتحليلها ادبيا ونصيا وتاريخيا ،بيهتم بدراسه تاريخ نشأة النص وتطورة وتشكيله بيناقش اسئله زى ازاى النص ده نشأ (تكونه) الصيغ الاوليه بتاعته مين كتبه ولمين وليه و التقليد وراءة سواء شفاهى او كتابى (مصادر استخدمها الكاتب ) وكيف نشأت وتطورت التقاليد ومن أين أتت المصادر التى اعتمدها الكاتب ، واعاده بناء اقرب صورة للنص الاصلى من المخطوطات وكيف فهم النص الجماعات المختلفه على مر الزمن كيف ظهرت العقائد ، يهتم أيضا بدراسه المجتمعات والفرق المسيحيه واليهوديه الاولى وكل مايحيط ويؤثر بها واعتقاداتها ، دراسه البيئه والمجتمع الذى نشأ فيه كتبه الكتاب المقدس أفكار كل كاتب واعتقداته واساليبه وقدراته الادبيه واللغويه او التاريخ القديم بشكل عام ، دراسه وتحليل الأدب المسيحى واليهودى والغنوصى وغيرها من الكتابات الكلاسيكيه المعاصرة

    -الدارس بيقف عند النص ويسال نفسه ازاى ظهر وإيه الغرض وراءة وجه منين وإيه معناه فى زمانه وازاى نعرف أكتر منه عن المسيحيه المبكرة وهل هو موثوق كفايه كمعلومه تاريخيه ولا لا ويتيع الدليل أيا كان بدون التزامات دينيه او اعتقادات مسبقة

    -من ضمن المجالات التى يدرسها الناقد

    [١] علم الآثار
    [٢] الانثربولوجى
    [٣]علم الفيلولوجى(دراسه اللغات والنصوص وتاريخهم فى الشكل الشفاهى او المكتوب والتاكد من صحته وشكله الاصلى ) بما يتضمنه من النقد الأدبى(دراسه الأدب وتطورة وتفسيرة) النقد النصى دراسات التقاليد الشفهيه علم اللسانيات
    [٤]علم الاجتماع
    [٥] الفلكور
    [٦]الميثولوجيا
    [٧]الابائيات
    [٨] البحث التاريخى وآلياته
    ممايؤهله للخروج ببحث علمى وعمل تحليل تاريخى او نصى وبناء نظريات

    ومن السكولارز البارزين : رودلف بولتمان «Rudolf Bultmann»- مارتن هينجل«Martin Hengel» - جون كروسان «John D. Crossan» -بارت ايرمان «Bart D.Ehrman» - جيرد لودمان «Gerd Lüdemann» - كيرت الاند «Kurt Aland»


    [٣]
    المدافعين «Apologists»
    =
    هم المتخصصين فى علم "اللاهوت الدفاعى" والتعامل مع الإشكاليات التى تهدد العقائد الدينيه او الايمان وحل الصعوبات الكتابيه bible difficulties والمشكلات التى تطرح أمام الايمان مثل مشكله الشر او اى من المشكلات الفلسفيه وايضا محاوله إثبات وجود اله ، وتقديم اجابات منطقيه وعقلانيه .

    -المدافع بيقف عند النص ويسال ازاى اقدر ازيل الالتباس منه

    -ليس هناك مجال محدد يجب على المدافع دراسته لكنه يستخدم المراجع العلميه فى جميع المجالات التى تساعده على تقديم طرح دفاعى عن موضوع محدد فمثلا يلجأ المدافع للفلسفه والمنطق بشكل عام واساسى لتقديم حجج سليمه ويستخدم مقارنه الاديان فى الجدالات الدينيه او لتبيان افضليه دينه او المقارنه والرد على اعتراض معتنقى الديانات الاخرى ، يلجأ للغات الاصليه للعهد الجديد بصفه اساسيه لازاله الغموض او موضع الشبهه ويستخدم الدراسات الكتابيه مثل النقد الكتابى (ادنى و اعلى ) للدفاع عن موثوقيه كتبه الدينيه فنستطيع القول ان «المدافع» بيستخدم مجهودات «الدارس» لتدعيم رائ «اللاهوتى »

    -من ابرز المدافعين : القمص عبد المسيح بسيط - وليم لين كريج «William Lane Craig»- جون لينوكس «John Lennox» - مورلاند «J. P. Moreland» - رافى زاكارياس «Ravi Zacharias» - جوش ماكدويل «josh McDowell» - سى اس لويس «C.S Lewis»

    -هناك علماء جمعوا بين أكثر من مجال مثل جيمس دن James Dunn هو مؤرخ وسكولار فى المقام الأول ولاهوتى فى المقام الثانى - بروس ميتزجر «Bruce M. Metzger» سكولار وعالم لغه وناقد نصى فى المقام الأول ولاهوتى فى المقام الثانى - كريج بلومبرج «Craig Blomberg» مدافع فى المقام الأول ومؤرخ وسكولار فى المقام الثانى ولاهوتى فى المقام الثالث - - بن وزيرنجتون «Ben Witherington III» لاهوتى فى المقام الأول ومدافع فى المقام الثانى - ن.ت رايت «N. T. Wright» لاهوتى فى المقام الأول ومؤرخ وسكولار فى المقام الثانى - لارى هورتادو «Larry W. Hurtado» مؤرخ فى المقام الاول ولاهوتى فى المقام الثانى

    بتحصل المشكله عند الخلط بين التخصصات عند تقديم بحث او دراسه مثلا احدى مساوئ وعدم اكاديميه النقد الاسلامى بشكل كبير أنه "تبشيرى" بمعنى ان هدفه هو جذب المستمع البسيط فمثلا تلاقى الناقد يتكلم عن التناقضات او اشكاليه نبؤة العذراء او موثوقيه العهد الجديد وف المقابل يستشهد من الطرف المسيحى بلاهوتى ! وهو شخص غير مؤهل فحتى معرفته عن نقطه معينه هو اجتناها من مصدر أكثر تخصصا سواء من الدارس او المدافع ، ويبنى الناقد كل حججه على فيديو للقسيس مش عارف مين ولا الأب كذا والاولى انه لو بيقدم محتوى علمى فعلا أنه يستشهد بمن يعد مصدر اولى سواء المدافع المتخصص فى دراسه وتحليل الاشكاليات او الدارس المتخصص فى العلوم النقديه وحتى فى المناظرات والجدالات الدينيه غالبا مابيكون الطرف التانى مبشر او راعى كنيسه او قسيس !

    وعلى ما اعتقد هى عدم امانه علميه لان الشخص العادى بيعتبر الكاهن او القسيس هو الدين فما بالك لو كان لاهوتى له اسم كبير فهو بيستغل ده ، فبالتالى بيحاول أنه يخدع المستمع ويوريلو ان حجته قويه من خلال أنه الطرف التانى هو شخص غير مؤهل اساسا ودى بعتبرها سمة الجدال الدينى الاسلامى الاولى وهى "الشخص قبل الحجه" كام واحد عنده استعدادا يدرس او يراجع كام واحد ممكن يفهم الكلام المعقد إلى بيتقال ، فلو اقنعت إلى قدامك ان الطرف التانى حمار حرفيا وعنده أغراض شخصيه او على النقيض رفعت من قيمه شخص غير متخصص يبقى انت كده كسبت فقط من خلال الايحاء

    وبشكل عام بيسئ الكتير استخدام المرجعيه إلى تدعم كلامه والاستشهادات بأشخاص دون التخصص او لم يتلقوا التدريب اللازم
    رد مع اقتباس
    إضافة رد

    أدوات الموضوع
    انواع عرض الموضوع

    الانتقال السريع

    قد تكون مهتم بالمواضيع التالية ايضاً
    الموضوع
    انواع الدموع فى الكتاب المقدس
    انواع الحب ..فى الكتاب المقدس
    انواع الخطايا في الكتاب المقدس هي اربع
    انواع الحب فى الكتاب المقدس
    انا هو الرب شافيك (انواع الشفاء كما وردت في الكتاب المقدس)


    الساعة الآن 06:58 AM


    Powered by vBulletin® Copyright ©2000 - 2019