منتدى الفرح المسيحى  


العودة  

إضافة رد
 
أدوات الموضوع انواع عرض الموضوع
  رقم المشاركة : ( 1 )  
قديم 21 - 04 - 2018, 07:39 AM
الصورة الرمزية Rena Jesus
 
Rena Jesus Female
..::| الاشراف العام |::..

 الأوسمة و جوائز
 بينات الاتصال بالعضو
 اخر مواضيع العضو
  Rena Jesus غير متواجد حالياً  
الملف الشخصي
رقــم العضويـــة : 1424
تـاريخ التسجيـل : Sep 2013
العــــــــمـــــــــر :
الـــــدولـــــــــــة : مصر
المشاركـــــــات : 69,625

أزمة منتصف العمر : mid life crisis

أزمة منتصف العمر : mid life crisis


ناس كتير بتتعامل مع أزمة منتصف العمر على إنها أزمة للرجال فقط رغم إن اللي بيعاني منها أكتر هيا السيدات وخصوصاً في مجتمعاتنا !!!
اللي بيخلينا مانشوفش اﻷزمه دي بصوره واضحه في السيدات هيا إن نظرا لمجتمعاتنا اللي للأسف مش بتقدر مشاعر المرأه وبتتجاهلها بصوره واضحه فالمرأة بتعدي باﻷزمه دي وبتعاني منها ومش بتجرؤ حتى على مناقشتها بصوت عالي. لكن بتلجأ للمعاناه منها في صمت أو في العيادات النفسيه ....

أولا أنا شخصياً ضد كلمة أزمة ﻹن الظاهره دي عباره عن مرحله طبيعيه بتحصل لكل الرجاله والستات زي كده فترة المراهقة .
المرحله دي رغم صعوبتها فأنا شايفها إنها أحلى مرحله في العمر لو تم التعامل معها بصوره جيده ...

المرحله دي بيكون شعارها هي (إعادة تقييم حياتي ) ...

هل أنا حسيت بالحب اللي كنت بسمعه في اﻷغاني وبشوفه في اﻷفلام ولا لا ؟؟
هل أنا قضيت وقتي مع الراجل اللي كنت بتمناه أو الست اللي كنت أتمناها ولا لا ؟؟؟
هل أنا غسلت ومسحت وطبخت وربيت وعمري راح في كده بس ولا أنا عرفت أحقق حاجات كتير كنت عايزه أحققها وأنا في شبابي
هل أنا لفيت في الساقية عشان بيتي وولادي وعشان أعيشهم
حياه كريمه وعمري راح على كده ولا قدرت أحقق اللي محتاجه ؟؟

أنا حققت ايه وانا كنت محتاج أحقق إيه ...
للأسف المشكله دي بتزيد أكتر في الناس اللي كانوا محترمين أوي في سن مراهقتهم وماعاشوش تجارب مراهقه فبيكونوا عايزين يعيشوا اللي ماعرفوش يعيشوه .

يبدأ الشخص اللي بيعاني في المرحله دي يقول طول الوقت ..انا مافرقش مع حد وبيكون حاسس بده فعلا !!
بتلاقي إن الراجل أو الست يبدأوا يهتموا بشعرهم وبتفاصيلهم أكتر وبيبدأوا يلبسوا ملابس غير مناسبه لسنهم أو وظيفتهم ..
بيبدأوا يغيروا أسلوب حياتهم حتى طريقة مصاريفهم وأوقات فراغهم !!!
تلاقيهم يقرروا يعملوا أكاونتات على مواقع التواصل اﻹجتماعي ويقوموا بالتواصل مع أشخاص من الجنس اﻷخر بيتكلموا ويحاولوا يعيشوا معاهم قصة حب اليكترونيه خارج العلاقات الزواجيه ...
ساعات اﻷمور بتوصل ببعض السيدات إنها تعمل علاقات عاطفية خارج الإطار الزواجي ...

وساعات بيوصل اﻷمر ببعض اﻷشخاص إنها تترك الزوج واﻷولاد واﻷسره كلها علشان مغامرة عاطفية !!
على أضعف الإيمان هتلاقيهم في أوقات كتير ممكن يوصلوا إنهم يألفوا حوارات إن في ناس معجبه بيهم لمجرد فقط إحساسهم بنفسهم وللفت اﻹنتباه !!
في الفتره دي بيكون الشريك اللي بيعاني من المرحله دي شايف شريكه الزوجي عباره عن سفاح استباح دمه وضيع عمره !!
ساعات بنلاقي ناس على العكس تماماً تلاقيهم جايين العياده بيقولوا أنا عيشت أحلى حياه في الدنيا وده بيكون على سبيل اﻹنكار للواقع اللي هيا فيه !!

مهم جدا علشان تتخطوها ...
أعترف إنك عندك مشكله وإنك محتاج مساعده من طبيب نفسي أو أخصائي نفسي أو صديق واعي على حسب درجة مشكلتك .
ابدأوا تخلقوا أحداث جديده باستمرار في حياتكم و بلاش حياة الملل والرتابه اللي انتوا عايشينها بقالكم سنين دي .

لازم تخلق لنفسك دعم من اللي حواليك ويفضل يكون من شخص من الجنس اﻷخر ...
يعني اعملي علاقه شبيهه بالعلاقات العاطفيه لكن علاقه امنه مع ابنك أو ابن أخوكي أو أخوكي أو حتى جارك أو أي حد يرجعك تعيشي مشاعر الشباب في أمان ونفس الكلام بالنسبه للراجل ولازم الطرف الآخر يتقبل ده علشان يساعد شريكه في تخطي ده .

من فضلكم أوعوا تنسوا إنجازاتكم وعيدوا تقييم حياتكم بصوره إيجابيه :
يعني زي ماكنا نقول إن دي مرحلة تقييم لكل اللي فاتكم من الحياه بس أعتقد إن حرام عليكم أوي إنكم تنسوا الإنجازات الرائعه اللي عملتوها زي إنكم ربيتوا وكبرتوا وعلمتوا ولادكم وقدرتوا تنجحوا بيتكم وتخلوه بيت عامر بيكم باﻹضافه إنكم حققتوا حاجات كتير تاني كنتوا عايزينها في الحياه !!

صلحوا اللي وقع منكم :
يعني منطقي جدا وانتوا بتقيموا حياتكم في اﻷربعين إنكم تلاقوا إن في حاجات كتير لسه ماتحققتش والحمد لله إنتوا قدامكم إن شاء الله قد اللي عيشتوه علشان تحققوا اللي وقع .
لكن غير منطقي خالص إن طالب يعيط على إن مستواه وحش في الدراسه وهو لسه في نصف التيرم .

من أكتر الحاجات اللي هتساعدك هو إنك تبدأ تخلق معنى لحياتك زي مساعدة ناس محتاجين فعلا مساعدتك .
لو ناوي تاخد قرار في حياتك يبقى لازم تدرسه بصوره جيده وخد رأي ناس مرتاح ليهم وواثق فيهم علشان مانندفعش لتصرفات متهوره ممكن نندم عليها بعد كده .
اطلب من شريكك يديك احتياجك العاطفي بوضوح .
ولو انت الطرف الثاني ولاحظت التغيرات دي مطلوب منك تحسن علاقتك الحميميه بشده في الفتره دي .
ابدأ في إيجاد أصدقاء من سنك ومن ظروف مقاربة وقرب منهم أوي ده هيساعد كتير في المرحله دي .
ابدأ ادرس اللي كان نفسك تدرسه أو ارجع لهواياتك القديمه أو انزلي اشتغلي حاجه بتحبيها صدقوني ده هيفرق جدا ..

مهم إننا في الفتره دي إننا نطلع على أمور دينيه ماتعلمنهاش وكمان نقوي الجانب الروحاني بصوره أفضل .
ومن أهم الحاجات اللي دايما بنصح بيها هيا رجوعنا ﻹهتمامنا بالعيله ...
نرجع نقضي وقت مع العم والخال وأولاد العم والخال وكل الناس اللي كانوا بيرجعونا لأيام الطفوله والمراهقة .

رد مع اقتباس
قديم 21 - 04 - 2018, 07:55 AM   رقم المشاركة : ( 2 )
walaa farouk Female
..::| الإدارة العامة |::..

الصورة الرمزية walaa farouk

الملف الشخصي
رقــم العضويـــة : 122664
تـاريخ التسجيـل : Jun 2015
العــــــــمـــــــــر :
الـــــدولـــــــــــة : مصر
المشاركـــــــات : 348,960

 الأوسمة و جوائز
 بينات الاتصال بالعضو
 اخر مواضيع العضو

walaa farouk متواجد حالياً

افتراضي رد: أزمة منتصف العمر : mid life crisis

ومن أهم الحاجات اللي دايما بنصح بيها هيا رجوعنا ﻹهتمامنا بالعيله ...
نرجع نقضي وقت مع العم والخال وأولاد العم والخال وكل الناس اللي كانوا بيرجعونا لأيام الطفوله والمراهقة
موضوع جميل
ربنا يبارك خدمتك
  رد مع اقتباس
قديم 21 - 04 - 2018, 01:28 PM   رقم المشاركة : ( 3 )
Mary Naeem Female
† Admin Woman †

الصورة الرمزية Mary Naeem

الملف الشخصي
رقــم العضويـــة : 9
تـاريخ التسجيـل : May 2012
العــــــــمـــــــــر :
الـــــدولـــــــــــة : Egypt
المشاركـــــــات : 1,207,016

 الأوسمة و جوائز
 بينات الاتصال بالعضو
 اخر مواضيع العضو

Mary Naeem غير متواجد حالياً

افتراضي رد: أزمة منتصف العمر : mid life crisis

نرجع نقضي وقت مع العم والخال وأولاد العم والخال وكل الناس اللي كانوا بيرجعونا لأيام الطفوله والمراهقة
ربنا يبارك حياتك
  رد مع اقتباس
قديم 04 - 05 - 2018, 04:54 AM   رقم المشاركة : ( 4 )
Rena Jesus Female
..::| الاشراف العام |::..

الصورة الرمزية Rena Jesus

الملف الشخصي
رقــم العضويـــة : 1424
تـاريخ التسجيـل : Sep 2013
العــــــــمـــــــــر :
الـــــدولـــــــــــة : مصر
المشاركـــــــات : 69,625

 الأوسمة و جوائز
 بينات الاتصال بالعضو
 اخر مواضيع العضو

Rena Jesus غير متواجد حالياً

افتراضي رد: أزمة منتصف العمر : mid life crisis

ميرسى لمروركم الغالى
أزمة منتصف العمر : mid life crisis أزمة منتصف العمر : mid life crisis أزمة منتصف العمر : mid life crisis
  رد مع اقتباس
قديم 25 - 05 - 2018, 03:29 AM   رقم المشاركة : ( 5 )
Haia Female
..::| مشرفة |::..

الصورة الرمزية Haia

الملف الشخصي
رقــم العضويـــة : 230
تـاريخ التسجيـل : May 2012
العــــــــمـــــــــر :
الـــــدولـــــــــــة : مصر
المشاركـــــــات : 7,349

 الأوسمة و جوائز
 بينات الاتصال بالعضو
 اخر مواضيع العضو

Haia غير متواجد حالياً

افتراضي رد: أزمة منتصف العمر : mid life crisis

معلومات مفيدة وخدمة رائعة
  رد مع اقتباس
قديم 08 - 06 - 2018, 07:29 AM   رقم المشاركة : ( 6 )
Rena Jesus Female
..::| الاشراف العام |::..

الصورة الرمزية Rena Jesus

الملف الشخصي
رقــم العضويـــة : 1424
تـاريخ التسجيـل : Sep 2013
العــــــــمـــــــــر :
الـــــدولـــــــــــة : مصر
المشاركـــــــات : 69,625

 الأوسمة و جوائز
 بينات الاتصال بالعضو
 اخر مواضيع العضو

Rena Jesus غير متواجد حالياً

افتراضي رد: أزمة منتصف العمر : mid life crisis

ميرسى لمرورك الغالى
أزمة منتصف العمر : mid life crisis أزمة منتصف العمر : mid life crisis أزمة منتصف العمر : mid life crisis
  رد مع اقتباس
إضافة رد

أدوات الموضوع
انواع عرض الموضوع

الانتقال السريع

قد تكون مهتم بالمواضيع التالية ايضاً
الموضوع
أزمة منتصف العمر عند الرجال
زيادة الوزن عند منتصف العمر
4 نصائح لتخطى أزمة منتصف العمر.. أهمها التعاون مع الآخرين
احذرى.. هذا المرض يصيبك في منتصف العمر
خطوات عملية للتعامل مع أزمة منتصف العمر عند الزوج!


الساعة الآن 09:15 AM


Powered by vBulletin® Copyright ©2000 - 2024