منتدى الفرح المسيحى  


العودة  

إضافة رد
 
أدوات الموضوع انواع عرض الموضوع
  رقم المشاركة : ( 1 )  
قديم 03 - 12 - 2017, 10:08 PM
الصورة الرمزية walaa farouk
 
walaa farouk Female
..::| الإدارة العامة |::..

 الأوسمة و جوائز
 بينات الاتصال بالعضو
 اخر مواضيع العضو
  walaa farouk غير متواجد حالياً  
الملف الشخصي
رقــم العضويـــة : 122664
تـاريخ التسجيـل : Jun 2015
العــــــــمـــــــــر :
الـــــدولـــــــــــة : مصر
المشاركـــــــات : 348,990

أكتر وضع كنت بخاف منه ودايماً بحاول اتجنبه هو الوِحدة.. جوايا خوف مرضي كدة منه.. فا تلاقيني دايماً عامل احتياطي ومحاوط نفسي "بمضادات الوحدة" او زي ما كنت مسميها يعني.. زي النت.. زي الصداقات الكتير.. زي الخروجات والنزول كل يوم .. زي حتى الخدمة ومرواح الكنيسة .. زي حاجات كتير كنت بتلهي فيها واحس اني مش لوحدي.. اهو على الاقل في دوشة حواليا..
والحقيقة من ساعة ما اتقابلت مع ربنا وابتدى يحركني في خطته وانا اكتشفت انه زي ما تقول كدة مقرر انه يعمل عكس اللي انا مخططله تماماً.. وكانت خطته انه يستفرد بيا ويشتغل في روحي بعيد عن كل الدوشة دي، الموضوع خد كام سنة معافرة وصراع وتجاهل وخصام حتى عشان اتجنب الخطوة دي أو افوّتها. بس واضح انه مُصمم يعلمني الدرس ده .. "الاكتفاء بيه هو"..
وعشان اشوفه.. واضح انه لازم ارمي من ذهني دوشة كتير معطّلاني.. وعشان اسمعه كان لازم اسكّت اصوات كتير زحمالي روحي ومتقّلاها.. والصراحة كان صوته واضح من البداية ..
"اترك ... وتعالى اتبعني.. "
اترك كل اللي متقّلك.. اترك ناس متبّت فيهم وانت عارف انهم ادوات ابليس في موتك .. اترك دواير مريحاك جسدياً بس متوهة روحك .. اترك زحمة افكارك اللي مابتهداش.. اترك حتى احتياجك اللي مابتفكرش غير فيه وشدّك اوي للأرض .. اترك حتى ذاتك .. وتعالى اتبعني ..
واول واحد بييجي في بالي لما بقرر امشي ورا الصوت ده هو ابراهيم.. اللي اطاع وهو لا يعلم الى اين .. من وسط دايرة امانه .. للصحراء .. معندوش ضمانات ولا ادلّة مادية يحاور بيها عقله لما الاسئلة تهيج عليه .. معندوش غير "صوت" بيقوده في صحراء ملهاش اخر (أو تبان كدة ملهاش اخر).. لأرض موعد ماشفهاش عُمره .. كنعان !
والحقيقة انا بكتب الكلمتين وانا في قلب الصحراء مش في دايرة امان أو في حالة استقرار.. بكتب وانا كل يوم بصارع اشباح جوايا .. خوف من المجهول .. ندم على سنين ضاعت .. شكوك واسئلة ملهاش اجابة .. احساس وحدة صعب ملازمني طول الرحلة دي ..
ويمكن اه الظروف صعبة.. ومش عارف اشم نَفَسي من الضغط .. ولا ناس نافعة ولا مضادات وحدة بقت تجيب نتيجة..
بس في وسط كل ده.. في صوت هادي جوايا بيزورني كل فترة يسندني.. في عز يأسي واستسلامي الاقيه بيهمس لروحي كدة يقولي.. "تشدّد يا حبيبي.. كنعان قربت " ..
عارف أن ده يمكن يبان لناس كتير جنان أو وهم أو دروشة .. مش مشكلة.. بس ده بالنسبالي حقيقة أكتر من الواقع اللي أنا شايفُه .. الصوت ده بالنسبالي عكازي اللي بتسند عليه في الصحراء دي.. الصوت ده بقى زي طاقة النور اللي بتمشيني وانا تايه ومتخبط في ظروفي وافكاري واسئلتي الكتير .. الصوت ده هو ايد الله اللي بتلحقني كل ما احود عن طريقي ..
ويمكن عقلي ابتدا ييأس من كتر الحسابات، بس من جوايا عندي ثقة اني هوصل .. عندي ثقة أنه هاييجي يوم وأبُص فيه على كل اللي فات واشكره على الصحراء اللي وصلتني لأرض الراحة وعلى الرحلة اللي كبّرتني وشكّلت روحي..
ولحد ما ييجي اليوم ده.. هاتسند على وعده (اللي معنديش ضمان غيره) .. وهافضل اسند اللي حواليا.. لأني معنديش غير كدة أعمله..
فا لو أنت في صحراء زي حالاتي.. وعمال تخبط ومضغوط من كل ناحية .. والدنيا ضلمت اوي معاك..
احب اشجعك يا صديقي .. مش لوحدك ماشي ورا وعدُه في الصحراء.. في كتير سابوا ارضهم واطاعوا.. في كتير بيحاربوا معاك عشان يكملوا .. وفي كتير وصلوا قبلك وبيصلولك توصل زيهم.. وهاتوصل، ثِق في اللي دعاك ...
ولحد ما توصل.. أرجوك تشدّد.. لأن كنعان فعلاً قرّبت.. !!
رد مع اقتباس
قديم 04 - 12 - 2017, 11:04 AM   رقم المشاركة : ( 2 )
Mary Naeem Female
† Admin Woman †

الصورة الرمزية Mary Naeem

الملف الشخصي
رقــم العضويـــة : 9
تـاريخ التسجيـل : May 2012
العــــــــمـــــــــر :
الـــــدولـــــــــــة : Egypt
المشاركـــــــات : 1,207,207

 الأوسمة و جوائز
 بينات الاتصال بالعضو
 اخر مواضيع العضو

Mary Naeem غير متواجد حالياً

افتراضي رد: كنعان قربت

هاتسند على وعده (اللي معنديش ضمان غيره) ..
ربنا يفرح قلبك
  رد مع اقتباس
قديم 04 - 12 - 2017, 09:48 PM   رقم المشاركة : ( 3 )
walaa farouk Female
..::| الإدارة العامة |::..

الصورة الرمزية walaa farouk

الملف الشخصي
رقــم العضويـــة : 122664
تـاريخ التسجيـل : Jun 2015
العــــــــمـــــــــر :
الـــــدولـــــــــــة : مصر
المشاركـــــــات : 348,990

 الأوسمة و جوائز
 بينات الاتصال بالعضو
 اخر مواضيع العضو

walaa farouk غير متواجد حالياً

افتراضي رد: كنعان قربت

ميرسى كتير على مرورك الغالى كنعان قربت
  رد مع اقتباس
إضافة رد

أدوات الموضوع
انواع عرض الموضوع

الانتقال السريع

قد تكون مهتم بالمواضيع التالية ايضاً
الموضوع
قربب منك جدا
هي النهايه قربت ؟؟
قربت افلس
ليك قربت
قربت تخلص


الساعة الآن 01:37 AM


Powered by vBulletin® Copyright ©2000 - 2024