الله يقدر يصنع في حياتنا طرق جديدة وأنهار حياة

[walaa farouk]

الآية دي مكتوبة في سفر إشعياء في العهد القديم،
وعلشان نفهم معناها كويس..
محتاجين نعرف الظروف اللي اتقالت فيها،
شعب بني إسرائيل أخطأ في حق الله..
ونتيجة خطيتهم دي الله قرر إنه يؤدبهم بالسبي،
ومعنى السبي إن الشعب يسيب أرضه
ويروح أرض غريبة..
وده اللي حصل فعلاً لما جه ملك بابل وأخد الشعب كله،
ومش بس كده، لكن كمان دمر أرض أورشليم كلها..
شعب بني إسرائيل لما حصل معاه ده
حس بالإحباط واليأس..
وفقد الأمل إنه يرجع تاني لأرضه،
خصوصاً إن الأرض اتشوهت بشكل كبير..
لكن المفاجأة إن الله بيقدم ليهم وعد مُشجع جداً،
إنه هيعمل أمر جديد ومختلف وسط كل التشوه والدمار ده..
الله هيخلق طريق وسط البرية، وأنهار في وسط الجفاف،
والخلق ده حاجة مفيش حد غير الله يقدر يعملها..
والرائع إن الله في كل مرة بيخلق فيها
بيخلق بشكل مُبتكر ومُبدع 😍
الله يقدر يصنع في حياتنا طرق جديدة وأنهار حياة ❤️
مفيش موانع أو عوائق ممكن تقف قدامه 💪
ويقدر يعمل كده في حياة كل واحد فينا.

[بشرى النهيسى]

فى منتهى الروعه
الرب يفرح قلبك

[walaa farouk]

ميرسى على مرورك الغالى