|
 |
 |
 |
|
رقم المشاركة : ( 1 )
24 - 07 - 2021, 11:05 PM
|
|||||||||||
|
|||||||||||
 الفركشه يا جماعة ليها ايتيكيت مش اللى بيحصل دى خالص ، لما الواحد يبقى ناوى يفركش بيعزم الشخص ده نتغدى سوا نشرب قهوه ويتكلم معاه فى ليه العلاقة بقيت مستحيلة ولازم نفركش لازم ابص فى عينه وانا بقوله مش ها ينفع نكمل واقوله اسباب مقنعه مش كده وخلاص ، انت ما دخلتش العلاقه دى بقرار فردى منك عشان تطلع منها بقرار فردى ، يمكن وانتوا قاعدين يكون فى وجهة نظر تانية خالص لكلامك والعلاقه لسه ممكن تاخد فرصه تانية ويمكن الامر محسوم لكن مافيش حد يستحق انه يترك بدون اسباب يخبط راسه فى الحيط حتى لو حد مش كويس فتعرفه ليه يمكن تمنع بده انه يعرض حد تانى بعدك لاذى عرضك ليه ولو هو حد كويس والمشكله عندك انت او انتم الاتنين كويسين بس مش ماشيين مع بعض ما تسيبوش بعقده لأخر حياته يتساءل هو غلط فى ايه ، كسر القلوب مش بالساهل كده فى بلاوى بتحصل ناس بتفركش بمكالمه او برساله عالشات او sms وناس بتمشى حتى من غير ما تقول انها ماشيه بيروحوا وخلاص ، فى ناس تبرر ده انه إختصار للوجع او رهبه من المواجهة بس الحقيقة انها قلة تقدير واذلال للشخص ومفيهاش اى نوع من المحبة ، فى حد اداك الإذن انك تدخل حياته لازم برضه تستأذنه وانت طالع منها انتوا دخلتوها نفوس حيه ما تطلعوش منها بيوت خربه . 
|
|
| قد تكون مهتم بالمواضيع التالية ايضاً |
| الموضوع |
| الدموع مبتنزلش بالساهل |
| الحب مش بالساهل |
| صور| ماحدش بياكلها بالساهل!! |
| قطيعة محدش بياكلها بالساهل |
| علا غانم: «محدش بياكلها بالساهل» |
العرض الشجري