كل سنة وانت شفيعى فى السما (عيد نياحة البابا كيرلس )

[walaa farouk]

كل سنة وانت شفيعى وحبيبى يا بابا كيرلس يا حبيبى

معرفه البابا كيرلس بيوم نياحته

__________________________

سوف نحكى مواقف متفرقه تعرفو منها ان البابا كيرلس كان على علم بيوم نياحته
فى يوم من الايام كان هناك زوار بياخدو بركه البابا كيرلس بيسلمو عليه فى وسط الناس قال احد الاشخاص ربنا يخليك لينا يا سيدنا راح البابا كيرلس نظر له وقاله يابنى هما لهم 5 سنوات وكان حاضر الموقف ده ابونا روفائيل افا مينا تلميذ البابا كيرلس وفعلا ابونا روفائيل حسب من يوم ما قال البابا كيرلس هما كلهم 5 سنوات لغايه يوم 9 مارس 1971 طلعو 5 سنوات بالظبط يعنى البابا كيرلس عارف معاد نياحته قبلها ب5 سنوات رغم كده لم يتهاون عن الصلاه والجهاد

فى يوم جاء رجل وزوجته الى البابا كيرلس قالوله عاوزين عيل معناش يا سيدنا راح البابا كيرلس قالهم متزعلوش هتجيبو مينا وتعمدو عندنا فى دير مارمينا راح الزوج قاله لا يا سيدنا ليه نعمده هنا عند قداستك فى البطرخانه راح البابا كيرلس بصله وقاله لا يابنى كلها شوى ونروح مارمينا انا هكون فى مارمينا مريوط وبعد شهر الست حملت كان البابا كيرلس اتنيح ومر 9 شهور وولدت وكان وقتها البابا كيرلس مدفون فى الكاتدرائيه العباسيه وقبل الطفل ما يكمل ال40 يوم علشان يتعمد تم نقل جسد البابا كيرلس للدير فى مريوط وفعلا راحو عمدو فى الدير زى ما البابا كيرلس قال عندنا فى مريوط

تحكى تماف ايرينى ان فى احد المقابلات او اخر مقابله مع البابا كيرلس مع رئيسات الاديره البابا كيرلس قالهم انا هسافر خلاص خلى بالكم من بناتكم ووصاهم فما كان من تماف قالت له ربنا يخليك لينا يا سيدنا فى اى مكان احنا نيجى معاك نتصل بيك البابا كيرلس ضحكلها قالها دى سفريه بعيده يا امنا مفيش فيها اتصال قالت له طيب نجهزلك شنطه السفر يا سيدنا قالها لا مفيش داعى السفريه دى مش محتاجه ملابس وصللهم ودخل قلايته يرتاح

البابا كيرلس كان على علم بيوم نياحته بفتره كبيره ورغم كده لا كسل ولا تهاون فى حياته

[Mary Naeem]

شفاعته تكون معنا

ربنا يبارك حياتك

[walaa farouk]

ميرسى على مرورك الغالى