فقالت سلام

[walaa farouk]

في قصة بتحكي عن ست عظيمة
هي وجوزها عملوا مكان لضيافة نبي الله "أليشع"،
لما يجي لبلدهم، وفي يوم من الأيام ابن الست دي
خرج للحقل مع باباه، فضربته الشمس،
ولما روح مات على رجل والدته،
"أليشع" النبي كان معروف عنه إنه بيعمل معجزات بأمر الله،
ومكانش في البلد اللي فيها الست،
فالست دي قررت تروح له،
شافها "أليشع" من بعيد، فقال للمساعد بتاعه:
"اجري اسألها في ايه؟"
لما سألها المساعد : "خير؟ انتي كويسة؟
جوزك كويس؟ ابنك كويس؟"

ردت بكلمة واحدة: "سلام"
الحقيقة إن الست دي كان عندها ثقة كبيرة في ربنا وفي نبيه،
علشان كده رغم إنها هي وجوزها مش بخير
وفي حزن على ابنهم الوحيد اللي مات،
إلا إنها كانت واثقة إن الكل هيكون في سلام.

الحقيقة إن ربنا قوم ابنها من الموت على ايدين "أليشع" النبي،
انت كمان، هل تقدر في الأيام دي وبرغم كل ظروف صعبة،
تثق مش في أنبياء الله، لكن في الله نفسه،
إذا طلبته إنه يديك "سلام" حتى قبل الأمور ما تتغير.
"سلام" الله يكون معاك.
القصة دي موجودة في الكتاب المقدس،
سفر الملوك الثاني، الفصل الرابع.