منتدى الفرح المسيحى  


العودة  

إضافة رد
 
أدوات الموضوع انواع عرض الموضوع
  رقم المشاركة : ( 1 )  
قديم 25 - 12 - 2017, 09:21 AM
الصورة الرمزية walaa farouk
 
walaa farouk Female
..::| الإدارة العامة |::..

 الأوسمة و جوائز
 بينات الاتصال بالعضو
 اخر مواضيع العضو
  walaa farouk متواجد حالياً  
الملف الشخصي
رقــم العضويـــة : 122664
تـاريخ التسجيـل : Jun 2015
العــــــــمـــــــــر :
الـــــدولـــــــــــة : مصر
المشاركـــــــات : 348,961

ديفيد وحلم الكريسماس


( ديفيد نايم وبيحلم بشجرة الكريسماس والنجمة و سانتا كلوز)
شجرة الكريسماس (تكلم نفسها) : يا سلاااااااام على جمالي وشياكتي ... مافيش حاجة أجمل من كده ... ألوان وزينة و أنوار ... ليهم حق يفرحوا بيا في الكريسماس ... أصلا الكريسماس ماينفعش من غيري ... طب بالذمة فيه كريسماس من غير شجرة ؟؟؟
نجمة : مالك يا شجرة ؟ أنتي بتكلمي نفسك ؟ وبعدين إيه الكلام إللي إنتي بتقوليه ده ؟ على فكرة كلامك مش مظبوط ... فيه حاجات كتير في الكريسماس أهم منك.
شجرة الكريسماس: يا سلاااام ... زي إيه بقى؟
نجمة: زيي مثلا ... ده أنا من أهم رموز الكريسماس
شجرة الكريسماس: يا سلاااام وإيه الدليل إن كلامك صح؟
نجمة: الدليل إني إتذكرت الكتاب المقدس في قصة ميلاد الرب يسوع وكنت العلامة على ميلاده ... عشان كده تلاقيني متعلقة في كل بيت الكريسماس... إنتي بقى اتذكرتي في قصة الميلاد؟
شجرة الكريسماس : لا
نجمة : يبقى خلاص ... إنتي أخرك تقفي في الركن كده والناس تيجي تتصور جنبك هاهاهاها
سانتا كلوز: إيه يا جماعة بس مالكم ... إهدوا شويه مش كده !
شجرة الكريسماس : يعني يرضيك تقولي كده؟
سانتا كلوز : لا إنتي ولا هي ... الكريسماس هو سانتا كلوز بلبسه الأحمر الجميل وكيس الهدايا إللي على ضهره
شجرة الميلاد والنجمة : يا سلاااااام ؟!
سانتا كلوز : أيوة ... الأولاد والبنات كلهم بيستنوني في الكريسماس ...ده مش بس الصغيرين هما إللي بيستنوني ده الكبار كمان ...أنا بس إللي ينفع أقول مفيش كريسماس من غيري ...الكريسماس من غيري مايبقاش كريسماس.
شجرة الكريسماس (بصوت عالي ) : أنا أهم حاجة في الكريسماس
النجمة : لا مش إنتي ... أنا
سانتا كلوز : لا مش إنتي ... أنا
(تنزل الشجرة والنجمة وسانتا كلوز ويصحى ديفيد )
ديفيد : إيه ده انا كنت باحلم باين ... بس يا خسارة قمت قبل ما أكمل الحلم ... كان نفسي أعرف إيه أهم حاجة في الكريسماس ... ياللا كلهم مهمين ... والكريسماس مينفعش من غير الشجرة ولا النجمة ولا سانتا ... بس أنا أعتقد وفي رأيي الشخصي إن أهمحاجة هو سانتا كلوز ( ده بالنسبالي يعني )
ماما : ديفيد يا ديفيد ... مالك يا حبيبي أنا سامعاك بتكلم نفسك !
ديفيد : لا يا ماما مفيش حاجة ...كل الحكاية إني حلمت حلم وعندي سؤال وكنت باحاول ألاقيله إجابة
ماما : طب إحكيلي يا ديفيد يمكن أقدر أساعدك يا حبيبي .
ديفيد : هاحكيلك ...
حلمت يا ماما إن شجرة الكريسماس والنجمة وسانت كلوز بيتخانقوا مع بعض وكل واحد فيهم مصمم إنه أهم واحد في الكريسماس ومينفعش يكون فيه كريسماس من غيره.
ماما : طب وإنت إيه رأيك يا ديفيد ... مين أهم واحد في الكريسماس؟
ديفيد : سانتا كلوز طبعًا ده أنا باستناه من السنة للسنة ... والسنة دي بالذات مستنيه يجيبلي بدلة سبايدر مان ده غير الشيكولات والحاجات الحلوة إللي بيجبها كل سنة... تفتكري هيجبلي البدلة يا ماما ؟
ماما : هاهاهاها بس مش هو ده الكريسماس يا حبيبي ... الكريسماس عمره ما كان شجرة و نجمة و سانتا كلوز وهدية... دي كلها مظاهر للاحتفال مش أكتر ... عارف يا ديفيد المشكلة فين ؟
ديفيد: فين يا ماما ؟
ماما : المشكلة إننا بنهتم بمظاهر الكريسماس وبننسى أهم حاجة في الكريسماس...
ديفيد: كده قربت أوصل لإجابة سؤالي ... إيه هي بقى يا ماما؟
ماما : طفل المذود يا ديفيد ... الرب يسوع ماهو هو ده أساس احتفالنا وفرحنا ... الله نفسه عشان بيحبنا حب كبير أوي وكان مجهز لينا خطة فدائنا جه وأخد صورة انسان ورضي إنه يتولد في مكان بسيط ... كل ده ليه يا ديفيد ... عشان بيحبنا.
ديفيد : أيوة يا ماما كلامك صح ... أنا عارف القصة دي طبعًا بس قليل ما بتيجي في بالي في الكريسماس ... كنت دايما باهتم بالشجرة والزينة وسانتا كلوز ...
ماما : مش انت بس يا ديفيد ... ناس كتير بتشوف الكريسماس زيك كده
ديفيد : بس أنا خلاص فهمت يا ماما ... كريسماس مش زينة و شجرة وهدية من سانتا كلوز ومش هما دول أهم حاجة فيه ... الأهم هو طفل المذود ... الرب يسوع.
ماما : برافو يا ديفيد ... ياللا أسيبك بقى تشوف مذاكرتك وأنا أشوف إللي ورايا في المطبخ.
ديفيد : أوك يا ماما

رد مع اقتباس
قديم 25 - 12 - 2017, 09:43 AM   رقم المشاركة : ( 2 )
sama smsma Female
† Admin Woman †

الصورة الرمزية sama smsma

الملف الشخصي
رقــم العضويـــة : 8
تـاريخ التسجيـل : May 2012
العــــــــمـــــــــر :
الـــــدولـــــــــــة : قلب طفلة ترفض أن تكبر
المشاركـــــــات : 91,915

 الأوسمة و جوائز
 بينات الاتصال بالعضو
 اخر مواضيع العضو

sama smsma غير متواجد حالياً

افتراضي رد: ديفيد وحلم الكريسماس

رووووووعة يا لولو
ربنا يفرح قلبك
  رد مع اقتباس
قديم 25 - 12 - 2017, 11:57 AM   رقم المشاركة : ( 3 )
Mary Naeem Female
† Admin Woman †

الصورة الرمزية Mary Naeem

الملف الشخصي
رقــم العضويـــة : 9
تـاريخ التسجيـل : May 2012
العــــــــمـــــــــر :
الـــــدولـــــــــــة : Egypt
المشاركـــــــات : 1,207,016

 الأوسمة و جوائز
 بينات الاتصال بالعضو
 اخر مواضيع العضو

Mary Naeem غير متواجد حالياً

افتراضي رد: ديفيد وحلم الكريسماس

كريسماس مش زينة و شجرة
وهدية من سانتا كلوز
ومش هما دول أهم حاجة فيه ...
الأهم هو طفل المذود ...
الرب يسوع.
صح يا قمر
ربنا يباركك حببتي
  رد مع اقتباس
قديم 25 - 12 - 2017, 10:51 PM   رقم المشاركة : ( 4 )
walaa farouk Female
..::| الإدارة العامة |::..

الصورة الرمزية walaa farouk

الملف الشخصي
رقــم العضويـــة : 122664
تـاريخ التسجيـل : Jun 2015
العــــــــمـــــــــر :
الـــــدولـــــــــــة : مصر
المشاركـــــــات : 348,961

 الأوسمة و جوائز
 بينات الاتصال بالعضو
 اخر مواضيع العضو

walaa farouk متواجد حالياً

افتراضي رد: ديفيد وحلم الكريسماس

ميرسى على مروركم الغالى ديفيد وحلم الكريسماس
  رد مع اقتباس
إضافة رد

أدوات الموضوع
انواع عرض الموضوع

الانتقال السريع

قد تكون مهتم بالمواضيع التالية ايضاً
الموضوع
زرافه الكريسماس الصغيرة وشجرة الكريسماس وهديه الكريسماس
شجرة الكريسماس وحصان الكريسماس في ليله الكريسماس
غزالة الكريسماس واجراس الكريسماس لمفاتيح الكهرباء | من ديكورات الكريسماس
الكريسماس وجماله كلمة ماري الكريسماس داخل طوق الكريسماس
أن نحمل رسالة الرب لكل إنسان وان نحمل الكلمة ونعمل بها


الساعة الآن 09:35 AM


Powered by vBulletin® Copyright ©2000 - 2024