|
 |
 |
 |
|
رقم المشاركة : ( 1 )
20 - 02 - 2019, 09:24 PM
|
|||||||||||
|
|||||||||||
 الأحكام.. هي السجن وأداة أي جاني يقدر يقتل بيها نفسه وغيره.. وللأسف أحكامنا ع الغير بتخلينا نخسرهم أكتر بالحكم ده.. ليه الحكم صعب كده..؟ لأنه غير قابل للمناقشه ولا التفاوض ولا الدفاع حتى. . واجب التنفيذ ونهائي وبالتالي صعب أي حد واقع عليه الحكم ده.. إنه يعرف يبرأ نفسه منه.. لأن غالبا إللي بياخد الحكم ده بيكون في باطنه هو.. مش بيظهره للمحكوم عليه.. لكن بيظهر ف سلوكياتنا ورفضنا للآخر وده بيخلينا نخسر علاقات وأشخاص وتعاملاتنا معاهم إللي للأسف بتتبني ع الحكم ده.. مع إن أحكامنا دي قد تكون بعيده عن المنطقيه بالمره وممكن تكون حيله دفاعيه بنحمي نفسنا بيها أو بنعمل طرح على شخص معين. . أو ممكن تكون حقيقه.. أو ببساطه إحنا مش عارفين عنه حاجه تخلينا نقول هو عمل أو أتصرف كده ليه.. بس إنت شفت فيه كام إحتماليه ممكن تقول إن الحكم ده غلط أو صح .. كتير نقول.. " تصدق أنا كان رأيي فيك م الأول كده أو كنت فاكرك كذا وكذا بس طلعت مختلف تماما عن نظرتي عنك " ده معناه إنك كنت حاكم عليه وبالتالي مهما كان الشخص مش كده. . بس الحكم بيخلينا مترجمين و شايفين كل التصرفات طبقا للحكم ده.. بمعنى لو واحد واقف وحاطط إيده ورا ضهره. . ده مش معناه إنه بيفكر أو بيراقبني أو بيتكبر على حد. . معناها إنه حاطط إيده ورا ضهره.. ومالهاش أي معنى تآني غير لما يعبر صاحب الموقف عن نفسه ساعتها هفهم.. بعيد بقى عن التخمينات و التوقعات.. التخمينات بتحملنا مشاعر زياده.. بمعنى.. لو واحد شافني وماسلمش على.. ليها ١٠٠ احتمال لكن لو عشت ف أنه بيستقل بيّ ولا مش معبرني.. أنا دخلت ف مشاعر إني قليل.. وغالبا هي نظرتنا عن نفسنا.. مش نظرة الغير عنا.. فعشان كده لما بنقلل أحكامنا بنقلل معاناتنا ف حاجات مش مستاهله نعاني بسببها.. كارل_روجر قال من #المستحيل أن تدرك #العالم_الداخلي للآخر ..لو أطلقت حكمك عليه إزاي هقدر أفهم وأشعر بمعاناة الاخر وهحس بوجعه.. ودلوقتي مفيش حد فينا ماشفش كم الناس إللي انتحرت وكمان شباب الفتره الأخيره.. أعتقد مش لأن حد مش شايفهم .. بس كان فيه ناس حاكمه عليهم إنهم بيتدلعوا أو بيستهبلوا.. بس ف الحقيقه لما فقدانهم عرفنا إنهم مش بيكدبوا أو بيستهبلوا علينا.. عشان كده الإنسان زي العمله ليه وجهين دايما.. واجهة العيوب والضعف و الصراع والمعاناه وواجهة الجمال و السلوك الطيب والخير إللي جواه. . آلأتنين نفس الإنسان.. مفيش ناس اتفقت على إنسان أنها كلها بتكرهه.. والعكس صحيح.. النقطه التانيه المهمه كتير جدا بيكون فيه أحكام صعبه بنصدرها على نفسنا.. الناس إللي تعرفنا كويس وبيكونوا عينينا ف أوقات كتير.. مش بيكونوا مصدقينها عننا.. مُجادلة منطقيتها بتنجينا من جلد الذات والشعور بالذنب الوهمي وحدة الغضب والخوف. . وحدية المشاعر عشان ماتوصلش بينا لحدتها وساعتها مش هتكون عارف تسيطر على آذى نفسك.. أنت تستحق أن تعامل نفسك ب إحترام وقبول ياصديقي بدون أحكام.. عملية التفسير لتصرفاتنا إحنا ليه عملنا كده ونفهم إللي ورا السلوك من مشاعر وإللي ورا المشاعر من خبرات .. جزء مهم عشان نفهم كويس إيه إللي بيجرا جوانا. بس خاللي بالك إن عملية التفسير دي بتكون وسواس لو فضلت تحكم على نفسك.. لأنك استخدمت التفسير سلاح تجلد بيه نفسك لأنك ممكن تكون مش قادر تقبل إن فيه معاناه وضعف وعيوب.. خاللي بالك 😊 ياما ناس عاشت في إنهيار ودخلت في اكتئاب لأننا خلاص حكمنا عليهم .. صدقوني لو قلتلكم الحكم بيقتل فعليا .. وياما قلوب اتكسرت بسبب أحكام الناس عليها .. ودفعها لمراحل صعبه.. لأن نفوسهم كانت هشه وماستحملتش.. إحنا مش شايفين غير القشره إللي بره بس.. و خالينا نكون واقعيين مفيش حد هيقدر يوقف أحكامه أبدا بس نقدر نتعلم اننا نرد على نفسنا بالمنطق لأن الحكم عمره ماكان حقيقي.. أكتب معايا.. أحكام مصدقها عن نفسك وشايفها حكم.. وحرر نفسك منها وشارك بيها غيرك وجادلها بالمنطق.. وأكتب أحكامك ع الناس إللي حواليك.. واكتب أحكامك عن الله . . واتكلم عنها.. واتناقش فيها.. حتى لو ما وصلتش لنقطه أو نهايه معينه. . بس ع الأقل خفيت عن نفسك أو إللي حواليك شدة الأحكام دي.. أما عن أحكامك على الله فهي بتأسر روحك أحيانا. . بس مفيش أحلى من إني أروح و أتكلم معاه.. الأحكام بتأسر جمالنا إننا نشوفه أو غيرنا يشوفه.. وحكمنا ع الغير بيمنعنا نشوف جمالهم.. خلونا نعيش أحرار من غير أحكام.. كونوا أحرار 😊 
|
|
21 - 02 - 2019, 12:31 PM
|
رقم المشاركة : ( 2 ) | ||||
|
† Admin Woman †
|
رد: الأحكام.. بتقتل
الأحكام بتأسر جمالنا إننا نشوفه أو غيرنا يشوفه.. وحكمنا ع الغير بيمنعنا نشوف جمالهم..
خلونا نعيش أحرار من غير أحكام.. مشاركة جميلة جدا ربنا يبارك حياتك |
||||
|
|
|
21 - 02 - 2019, 10:02 PM
|
رقم المشاركة : ( 4 ) | ||||
|
..::| الإدارة العامة |::..
|
رد: الأحكام.. بتقتل
ميرسى على مروركم الغالى  |
||||
|
|
 |
| أدوات الموضوع | |
| انواع عرض الموضوع | |
|
| قد تكون مهتم بالمواضيع التالية ايضاً |
| الموضوع |
| ينبغي أن تتقبل حقيقة قيامته |
| بتقبل الإختلاف |
| مش كل بنت بتقبل تعيش مكسوره |
| يجب أن تتقبل حقيقة أن بعض الأشخاص |
| يجب ان تتقبل حقيقة |
العرض العادي
