منتدى الفرح المسيحى  


merry christmas

ربنا باعتلك رسالة ليك أنت علشان السنة الجديدة

الرسالة دى تحطها فى قلبك طول سنة 2020

وخلى الرسالة خلفية للموبايل علشان تفتكر وعد ربنا ليك

يالا اختار رسالتك من الهدايا الموجودة وشوف ربنا هايقولك ايه


  • صور الكريسماس

  • العودة  

    إضافة رد
     
    أدوات الموضوع انواع عرض الموضوع
      رقم المشاركة : ( 1 )  
    قديم 02 - 12 - 2019, 10:21 PM
    الصورة الرمزية walaa farouk
     
    walaa farouk Female
    ..::| الإدارة العامة |::..

     الأوسمة و جوائز
     بينات الاتصال بالعضو
     اخر مواضيع العضو
      walaa farouk متواجد حالياً  
    الملف الشخصي
    رقــم العضويـــة : 122664
    تـاريخ التسجيـل : Jun 2015
    العــــــــمـــــــــر :
    الـــــدولـــــــــــة : مصر
    المشاركـــــــات : 190,803 [+]

    نص برة و نص جوة

    افتيخوس .. اسم شوية مجهول فى الكتاب المقدس ..
    بيسموه ابو النيام لانه اول واحد ذكره الكتاب المقدس انه نام اثناء العظة
    كعادتنا لما نحضر اجتماع او كلمة ... العين تحول و تلاقى الجسم خدل و النعس حط على الواحد😴😴
    مع ان ممكن فى اى حاجة تانية نسهر و نقعد و نستحمل ..
    و لكنه عدو الخير عاوز يخنق الكلمة
    افتيخوس اتذكر فى اعمال الرسل بس اصحاح 20
    و خدم بعد ما قام مع يوحنا الحبيب و القديس بولس و تنيح اسقفا شيخا بسلام
    7 وَفِي أَوَّلِ الأُسْبُوعِ إِذْ كَانَ التَّلاَمِيذُ مُجْتَمِعِينَ لِيَكْسِرُوا خُبْزًا،
    خَاطَبَهُمْ بُولُسُ وَهُوَ مُزْمِعٌ أَنْ يَمْضِيَ فِي الْغَدِ، وَأَطَالَ الْكَلاَمَ إِلَى نِصْفِ اللَّيْلِ.
    8 وَكَانَتْ مَصَابِيحُ كَثِيرَةٌ فِي الْعِلِّيَّةِ الَّتِي كَانُوا مُجْتَمِعِينَ فِيهَا.
    9 وَكَانَ شَابٌّ اسْمُهُ أَفْتِيخُوسُ جَالِسًا فِي الطَّاقَةِ مُتَثَقِّلًا بِنَوْمٍ عَمِيق.
    وَإِذْ كَانَ بُولُسُ يُخَاطِبُ خِطَابًا طَوِيلًا، غَلَبَ عَلَيْهِ النَّوْمُ فَسَقَطَ مِنَ الطَّبَقَةِ الثَّالِثَةِ إِلَى أَسْفَلُ، وَحُمِلَ مَيِّتًا.
    10 فَنَزَلَ بُولُسُ وَوَقَعَ عَلَيْهِ وَاعْتَنَقَهُ قَائِلًا: «لاَ تَضْطَرِبُوا! لأَنَّ نَفْسَهُ فِيهِ!».
    11 ثُمَّ صَعِدَ وَكَسَّرَ خُبْزًا وَأَكَلَ وَتَكَلَّمَ كَثِيرًا إِلَى الْفَجْرِ. وَهكَذَا خَرَجَ.
    12 وَأَتَوْا بِالْفَتَى حَيًّا، وَتَعَزَّوْا تَعْزِيَةً لَيْسَتْ بِقَلِيلَةٍ

    الحدوتة ببساطة
    يوم الاحد ( اول الاسبوع ) .. اجتمع التلاميذ و بولس
    كان حيمشى من البلد دى و كلمة يكسروا الخبز مش معناها اكل عادى
    لكن افخارستيا لانه بعد شوية لما يقع افتيخوس بولس ينزل و يحتضنه
    و يطلع يكمل كسر الخبز فاكيد مش حيكمل اكل عادى و حد لسه ميت
    ..لكن حيكمل سر الحياة جسد الرب و دمه
    كلمة مصابيح كتيرة طبعا بيستخدموا نار و السخونة تزيد و الاكسجين يقل .. خنقة ..
    ساعات تحس ان الوصية تقيلة .. خنقة .. حضور قداس و لو كمان طول خنقة ..
    ساعات تحس ان الصلاة تقيلة ..خنقة .. الغفران و المسامحة تقيلة .. خنقة ..
    ساعات تحس انك عاوز تعيش برضه و تفك عن نفسك ايه الخنقة دى .. البيت خنقة ..
    الشغل خنقة .. ضغوط و ملل و خنقة .. طلع افتيخوس قعد على الشباك عاوز متنفس
    السؤال ...هو كده جوه الكنيسة و لا برة الكنيسة ؟!!

    فى الحقيقة نص برة و نص جوة حالى و حال كثيرين .
    . افتيخس بيسمع كلمة ربنا بس برضه باصص على الشارع .
    . واحد معدى ..اه يا افتيخوس .. حبيبى .. ايه .. الرسول بولس .. اخلص و اجى 😂😂
    ساعات الواحد يصلى و تبقى ودنه مرمية فى الصالة .. فى بيقولوا ايه بره ..
    فى لابسه ايه و مالها واخدة بالها من نفسها اوى كده و و نكمل نعظمك يا ام النور😒😒 ...
    .عاوزين العصاية من النص .. لو قسناها بامانة حتلاقينا ماسكينها نص .
    .عاوزين ابدية باقل مجهود .. عاوزين معجزات لمجرد ولعنا شمعة
    و لا زورنا ديرو لا قدمنا عطية و لا نذرنا نذر ..شوية اتكال على ربنا
    و شوية على ناس ووسايط و معارف و سلطة و فلوس ..
    شوية رحمة و شوية القلوب مقفولة و قاسية .. نص برة و نص جوه
    اللى يبقى نصه جوه و نصه بره لازم يتثقل بالنوم .. لازم يتراخى ..
    لازم يتراجع .. الضمير معدش ينخس زى زمان ..
    زمان كانت البصة و لا اللمسة لبنت يالهووووى توجع ضمير الواحد
    و يبقى عاوز يعترف و مش عارف يروح فين ..دلوقتى الحاجات دى عادى مش دى
    يعنى اللى حتوجع الضمير وسط عالم اباحى مخيف مش دى اللى نحتاج نقابل فيها اب الاعتراف .
    . نوم الغفلة وراه سقوط .. اللى ماسكها من النص فيه خطايا
    و حاجات كان مستحيل يتخيل انه يقع فيها بس النوم سلطان ..
    الشيطان مجرم فى الحتة دى النوم بيجى تدريجى ..يغلب ..
    فى الجمعة العظيمة و عند الوعظة تلاقى الواحد تثقل
    و الروس عمالة تتهز ليس هذيذا او تسبيحا لا.. بنفقر و نصحى على ثوك تى تى جوم.😂😂😂😂..
    .والسقوط وراه موت .. سقط افتيخش و مات ..نكد على الكنيسة و القلوب ارتبكت ..
    بس لسه فيه امل .. يمكن ربنا سمح بالحدث ده لان الافخارستيا حياة و حب يقوى ايمانهم
    بمعجزة تناسب كسر الخبز .. اكيد مش هو اللى وقع افتيخوس لكن هو اللى اقامه ..
    . بولس نزل حضنه و طمنهم ..اقامه بس ما حبش ينسبها لنفسه
    فقال لهم نفسه فيه .. حضن دافى مليان ايمان و ثقة بيحضن ميت بارد فارق الحياة ..
    بينقل ليه حياة .. ساعات بحتاج حضن دافى يرد لينا الحياة ..
    كل واحد فينا ممكن يحضن الحضن ده و يدى حد حضن دافى يرد ليه الحياة .
    . مراتك المكسورة و اللى عندها مشكلة مع شغلها و لا عيلتها
    و لا خدمتها مش بتحكى لك علشان تحل .. بتحكى لك عاوزة حضن يدفى يدى حياة
    ..جوزك مش عاوزك تقوليله مالك و احكي لى عاوز حضن و طبطبة ترد فيه الحياة و تشجعه ..
    ابنك مهما كبر و لا كبرت عاوز و عاوزة حضن دافى يجبركسورهم
    و عظامهم الهشة و نفوسهم المجروحة و نرد ليهم حياة و الا حيدوروا على الحضن ده بره
    و يمكن ينقبوا فى الزبالة لمؤاخذة .. الساقط و اللى اتفضح عاوز حضن دافى يستر و يديه حياة

    .. مش مهم تخدم كلمة و لا مدارس احد ..ممكن تخدم بحضن دافى
    ..بقلب يسمع باحساس .. بحضن مليان ايمان يسرى و ينفخ فى الميت فتبقى نفسه فيه ..
    كلنا جوعى و كلنا ايلين للسقوط نحتاج ان نستيقظ ..نحتاج لحضن دافى .
    . من اجمل الجمل اللى اتقالت على رب المجد يسوع لما استقبل الابن الضال
    .. وقع على عنقه و قبله و لما قوم ولد صغير وسطهم علشان يقولهم يكون ليهم ايمان الاطفال .
    اكيد حس ان الولد مرتبك او خايف و هو واقف وسط شنبات و جمع فيقول الكتاب
    فأخذ ولدا وأقامه في وسطهم ثم احتضنه ..
    دخل رجلك جوه و خليهم الاتنين جوه حتى لو الواحد وقع يقع جوه و يلاقى بولس يحضنه

    رد مع اقتباس
    إضافة رد

    أدوات الموضوع
    انواع عرض الموضوع

    الانتقال السريع


    الساعة الآن 09:58 AM


    Powered by vBulletin® Copyright ©2000 - 2019