|
 |
 |
 |
|
رقم المشاركة : ( 1 )
15 - 02 - 2019, 11:04 AM
|
|||||||||||
|
|||||||||||
 العشق هو أعلى درجات الحب ... ولكن ؟!!! كلنا بندوب فى الحب لحد ما بنغرق في محيط العشق ومهما كانت خبرتك في الحياة و تجاربك كتيرة بتغرق فجأة ف حالة عشق مع شخص معين و مبتبقاش عارف إزاي .. وليه .. ولا حتي إشمعنى ... !! في ناس النصيب بيكون معاها علشان من الأول بتعمل حسابها قبل أي موجة عالية .. بيكونوا عارفين حدودهم .. بيعوموا بعيد عن خط الخطر ... ناس ما تتدخلش جوا اوى وتتعمق في الحب .. بيسيطروا على نفسهم لحد لما الحكاية تكمل بشكل رسمي ... وفي ناس بتسيب نفسها للتيار ... وناس بتغرق وترجع تكرر الحكايه .. وناس تقول لا مش هنزل البحر ده تاني .. وناس .. وناس ... ماهو الناس أنواع .... والحب كمان أنواع ...... أصعب وأقسى نوع هو الحب الغير واضح ... الحب اللي بيكون من غير حقوق ... الحب التائه في مثلث برمودا .. المثلث المحصور ما بين 3 زوايا و 3 أضلاع .. المحصور ما بين زاوية جبر الخواطر وضلع الخوف من المواجهة ... زاوية الضمير وضلع الحرام و الحلال ... وزاوية العند وضلع الكرامة . !!! مثلث برمودا قالوا عنه انه منطقة خطر مفيهاش جاذبية و اتحكي عنها كتير أوي وميعرفش الحقيقة كاملة غير اللي شاف بعينه ومر بالخطر .. ونفس الوضع في برمودا الحب .. مهما هتسمع من الطرفين مش هتعرف الحقيقة كاملة ... دايما بيكون في نقطة مستخبية ممكن تقلب كيان الحكاية بالكامل والطرفين بيخافوا يقولوها علشان قصتهم تفضل قصة العشق اللي متكررتش .... ويمكن بنحب شكل الوجع في النهاية ... أو فقدنا القدرة على التفكير .. متعرفش ... ؟؟!! الطرفين في مركب واحد من البداية ... واتفقوا ينزلوا محيط العشق مع بعض ... ياهيفضلوا متفقين ... محترمين بعض .. مقدرين عقليات بعض ... سند لبعض وقت الوجع .. وقت التعب .. الصراحة الكاملة في كل حاجة ... الوضوح .. الأمانة ... يبقي اكيد المركب هتوصل لشط الأمان .. حتى لو المركب حصل فيها مشكلة وهتغرق .. من ثقتهم في بعض وتفاهمهم هيعدوها مع بعض .. لأنه مركب طول عمره ماشي في النور .. تعالوا بقي نتخيل ان طرف مش عجباه طريقة التاني في قيادة المركب .. او شايف صخرة كبيرة هيخبطوا فيها وساكت علشان خايف ان التاني يتوتر ورد فعله يبهدل الدنيا ... او تعب من القيادة لوحده بس رافض مساعدة التاني ... او عارف وشايف عيوب المركب وساكت .. مبيحاولش يشوف حل .. شروخ بتزيد ... تفتكروا هيوصلوا .. ؟؟!! الوضوح والصراحة الكاملة من البداية هي أول خطوة لحاجات كتير ... والناس اللي بتوصل لشط الأمان اكيد هتتمسك بنفس الطريقة في كل حاجة في حياتهم وهتكمل بالمودة .. لكن الناس اللي غرقت خلاص جوا برمودا الحب .. والمشكلة انهم لو فعلا بيحبوا بعض اوي .. بس الطريقة ما بينهم غلط .. وعلشان غلط بتزيد ما بينهم المسافات في حاجات كتير ... لحد ما اكيد طرف منهم هيضطر ينهي الحكاية ... اول ما هيشوف المركب غرقت هيفشل في انقاذ التاني . حتى لو بيضحي علشانه .. لأن التاني مبقاش واثق فيه ..او يمكن خايف منه .. بتبقي مشاعر متضاربة ... انا عارف اه انه بيعشقني بس مش شايف فين النهاية ... واخدنى على فين ... يمكن بسبب ان كل مشكلة كانت بتتساب قبل كدا من غير حل .. ؟؟ يمكن ...!! وفجأة ... طرف بيقرر الهروب لوحده لأنه خلاص زهق أو تعب أو.... أو .... فبيفضل يدور من اي زاويه ومن اي ضلع يخرج .. و لأن زاوية الضمير وضلع الحرام والحلال تقريبا دة بيكون المخرج مع انه اصعبهم ... و أشدهم تأثير ف النفس ... بتكون غالبا هي دي الزاوية اللي بتحاول تخرج منها والضلع اللي بتجاهد تبعد نفسك عنه علي قد ماتقدر ... بس التاني ما بيستوعبش ولا يفهم كدة ... وينحصر في زاوية العند .. ضلع الكرامة فينفعل .. وعلشان اللي جوا الطرف الاول حب حقيقي .. بيصعب عليه ويخاف علي زعل التاني و ينحصر في زاوية جبر الخواطر .. فيسكت .. لحد ما الدوامة تخبطه تاني في زاوية الضمير ...!!! المشكلة ان اللي برا وسامعين من بعيد كل واحد فيهم بيفسرها على حسب اهواءه وعلي حسب مزاجه ... في اللي يقولك معقد .. واللي يقولك هتعملنا فيها شيخ وواعظ ديني ... واللي يقولك دي حجة عشان تتهرب من العلاقة او الموضوع ... بس ف الاخر هي مش كدة و عمرها ما هتبقي كده ... انت حاولت توصل الفكرة على قد ماتقدر وما نجحتش ... خلاص خليهم هما ف اعتقادهم وظنهم فيك ... وخليك انت ف يقينك ومبدأك و متنجرفش وراهم ووراء استفزازهم ... يكفيك انك بينك وبين نفسك عارف ومتأكد انك كده ماشي ف الصح ... لانك الوحيد اللي غرقان جوا المثلث وشايف شعاع النور جايلك منين ... !! وصدقني ربنا هيقويك ف النهاية لان نيتك كانت صح .. بعدت علشان العلاقة مش نافعة تكمل واحتمال تاخد شكل تاني تحت اسم الحب .. وهتعدي كل الأمواج اللي قعدت تخبط فيك يمين وشمال طول رحلتك ... وهتقدر تخرج من الدوامة اللي انت توهت نفسك فيها بايدك ... ولما تشوف بر الأمان بعنيك ... وتخطي عليه برجلك وتحس بيه ... ساعتها بس هتقول لنفسك .... أنا صح ... لكن للأسف ... هيفضل سر مثلث برمودا جواك لوحدك ... حتى لو الطرف التانى كمان طلع ... كسرته ووجعه هيخلوه مش شايف غير انك ظلمت وبس !!! بس نصيحة مني مخلوطة بسؤال ... لما بنبقى شايفين مركب فيه شرخ كبير وضلمة ليه بنركبه واحنا كلنا ثقة أننا حنصلح الشرخ ونعالجه و ننوره في قلب البحر . ؟! تقبل ليه المجازفة بعمرك .. بسنين من حياتك .. ؟!! فعلا .. الحب أعمى 
|
|
15 - 02 - 2019, 12:29 PM
|
رقم المشاركة : ( 2 ) | ||||
|
† Admin Woman †
|
رد: برمودا الحب ..
تقبل ليه المجازفة بعمرك .. بسنين من حياتك .. ؟!!
فعلا .. الحب أعمى صح يا قمر ربنا يباركك حببتي |
||||
|
|
|
01 - 03 - 2019, 09:33 AM
|
رقم المشاركة : ( 4 ) | ||||
|
..::| الاشراف العام |::..
|
رد: برمودا الحب ..
ميرسى لمروركم الغالى
 |
||||
|
|
 |
| أدوات الموضوع | |
| انواع عرض الموضوع | |
|
| قد تكون مهتم بالمواضيع التالية ايضاً |
| الموضوع |
| جزيرة برمودا |
| برمودا |
| برمودا |
| مثلث برمودا |
| مثلث برمودا |
العرض العادي
