|
 |
 |
 |
|
رقم المشاركة : ( 1 )
23 - 05 - 2018, 07:52 PM
|
|||||||||||
|
|||||||||||
 • احنا الشعب اللي رجاله صالت وجالت وثارت علي المكياج المبالغ فيه من البنات في الافراح من خلال صورة الاميرة ميجان ، لكن في نفس الوقت وقت الجد كل شاب في دول يوم فرحه مش هايوافق ان عروسته تكون بدون ميكب .. علشان هيخاف انه يكون مختلف . • احنا الشعب اللي بينبهر بصور قصص الحب الاوروبية اللي هزمت الاعاقة الجسدية والازمات المادية والعادات والتقاليد المميتة وانتصرت بالحب وانجحت العلاقات .. لكن في وقت الجد ممكن نفسخ خطوبة علشان مساحة شقة أو مطبخ وأوضة نوم أو اختلاف علي مكان قاعة .. • احنا الشعب الواعي اللي بيثور علي الفن الهابط والاسفاف وعارفه كويس وفي نفس الوقت بيتفرج عليه وبيتابعه وبيساعده انه يحقق اعلي المشاهدات ويستمر .. • احنا الشعب اللي عارفين ان كون انك تشتغل كل يوم اكتر من ١٢ ساعة عمل مع مرتبات ضعيفة دي جريمة بتنتهك حياته وبتقضي عليه وبتحوله لتور في ساقية يلف وهو ساكت .. وعارف ان صاحب العمل واكل حقه تماما وبيتربح من مجهوده .. ومع ذلك خايف يواجه علشان مايتقطعش منه الملاليم اللي بياخدها .. • احنا الشعب اللي بنتغني بغاندي وجيفارا وعمر مختار وكل واحد دفع ضريبة حتي لو كانت حياته من اجل قضية قوية .. وفي نفس الوقت في وقت الجد اللي بيتطلب مننا اصغر تضحية واقل ضريبة بنصمت ونعمل نفسنا مش واخدين بالنا • احنا الشعب اللي عارف انه مظلوم ومطحون ومش عاجبه الغلاء واداء حكومته وكل يوم يلعن وينتقد سياستهم وهو راجع من شغله .. لكن في نفس الوقت معندوش مانع في وقت الانتخابات يديهم صوته .. علشان يمشي حاله ويقولك امشي جنب الحيط وفي المضمون . احنا الشعب اللي واعيين وفاهمين .. لكن عمرنا ما كنا ايجابيين 
|
|
24 - 05 - 2018, 09:53 AM
|
رقم المشاركة : ( 2 ) | ||||
|
† Admin Woman †
|
رد: احنا الشعب اللي واعيين وفاهمين لكن عمرنا ما كنا ايجابيين
احنا الشعب اللي واعيين وفاهمين ..
لكن عمرنا ما كنا ايجابيين صح يا قمر ربنا يباركك حببتي |
||||
|
|
|
24 - 05 - 2018, 09:57 PM
|
رقم المشاركة : ( 3 ) | ||||
|
..::| الإدارة العامة |::..
|
رد: احنا الشعب اللي واعيين وفاهمين لكن عمرنا ما كنا ايجابيين
ميرسى على مرورك الغالى  |
||||
|
|
 |
|
العرض العادي
