|
 |
 |
 |
|
رقم المشاركة : ( 1 )
22 - 03 - 2022, 09:58 AM
|
|||||||||||
|
|||||||||||
 فهمت بس بعد ما كبرت و خلفت و ربيت ان بابا و ماما كان عندهم الف حق .. لما قالي بلاش علي حاجة كنت ح اموت اشتريها ، و كان عارف ان ما لهاش مناسبة و لا لزمة ، و ان عندي منها زيها ، و انه اصلا -بس ما رضاش يحرج نفسه- ميزانيته مخرمة و ما تستحملش اي عبء تاني .. كان عنده حق لما قلت له يابابا عاوز حاجة غالية ، و انا عارف ان معاك، و اتاريه كان بيحسب حساب الزمن لبكرة ؛ النهاردة ح يشتري لي كل اللي نفسي فيه من كماليات و بكرة مش ح يلّحق علي مصاريف دراستي و يؤمن لي زواجى ، و الدنيا عمالة تغلي و تعلي .. كان بابا عنده حق لما طلبت كتير ، و هو جاب لي اللي قدر عليه، و ياما داس علي نفسه علشان ما يزعلنيش و لا يكسفنيش، و جه في مرة قال لي بلاش دي و انت عندك منها و اكتر منها .. كان عنده حق لما قال لي بلاش العلاقة دي ، لسه شوية علي الحب، لسه شوية علي نضوج اختيارك و تحملك للمسؤولية و انا كنت باتريق و اقول عليه دقة قديمة .. كان كمان عنده حق لما كبرت شوية و حبيت واحدة لا تناسبني اصلا ، و سابني أخوض التجربة ، و في الآخر بعد ما عندت، طلع فعلا كده ، بس بعد ما مشاعري اتبهدلت و عواطفي اتعورت.. عندت و اتريقت و غضبت و بعدت و أحيانا تطاولت و اهنت .. لكن في الآخر كبرت و عرفت ان بابا كان عنده حق ، بس بعد ما سابني و مشي و ما ينفعش اشوفه تاني علشان اعتذر له و ابوس ايديه و اقبل راسه بعد ما زعلته مني عمره كله .. من مذكرات ابن "بابا كان عنده الف حق" 
|
 |
| أدوات الموضوع | |
| انواع عرض الموضوع | |
|
العرض العادي
