منتدى الفرح المسيحى  


العودة  

إضافة رد
 
أدوات الموضوع انواع عرض الموضوع
  رقم المشاركة : ( 1 )  
قديم 07 - 05 - 2022, 08:14 AM
الصورة الرمزية walaa farouk
 
walaa farouk Female
..::| الإدارة العامة |::..

 الأوسمة و جوائز
 بينات الاتصال بالعضو
 اخر مواضيع العضو
  walaa farouk غير متواجد حالياً  
الملف الشخصي
رقــم العضويـــة : 122664
تـاريخ التسجيـل : Jun 2015
العــــــــمـــــــــر :
الـــــدولـــــــــــة : مصر
المشاركـــــــات : 289,941

عبد الرحمن الابنودى | بالـعـمـارة والـتـمـارة وجــيــزة النـصـارى


عبد الرحمن الابنودى | بالـعـمـارة والـتـمـارة وجــيــزة النـصـارى

يقول عبد الرحمن الأبنودي فى كتاب ايامى الحلوة ظللت معظم سنوات الطفولة أتعجب من هذا الدعاء الذي لا أفهمه في كل مناسبة تدخل المرأة الجارة أو القريبة في يدها حناء وسكر وشاي وصابون وتطلق زغرودتها في وجه العروس وتعقبها بالدعا الخالد بالعمارة والتمارة وجيزة النصار
يا رب ماذا يقلن..؟!


يوماً سألت فاطنة قنديل (والدته) عن ما هية هذه العمارة ومعنى كلمة التمارة وما دخل النصارى في كل هذا التغريب..؟!
تعجبت الأم ..كيف يا ولدي مش خابر العمارة والتمارة وجيزة النصارى..؟!
يا ولدي طبعاً ده جواز واللي يجوّز بنته بيبقى خايف واللي زينا لازم يطمنه علشان كدة بنقوله الكلمات دول عشان يتطمنوا وفي نفس الوقت دعاء علشان ربنا يوفقهم ويثبت قلوبهم على الود والعشرة والجوازة تدوم


أقولها كل ده جميل.. إيه بقى العمارة والتمارة والحمارة والنجارة وكل اللي إنتوا بتقولوه ده ؟!
تجيب فاطنة قنديل اسمع يابو لسان طويل دلوك الجوازة الواحدة مننا تدعي فيها بإيه؟ بإنها تعيش وتدوم والناس تخلف عيال والرجل ومرته يحبوا بعض ويعيشوا على الحلوة والمرة لحد ما يفتكرهم الحي الذي لا ينام مش كدة واللا غير كدة ؟!
أجيبها في انتظار الإجابة كدة تقول نمسكهم واحدة واحدة بالترتيب..

بالـعمارة...
يعنى عليهم وعلى الله عمار الديارة يعني يعيشوا ويعمروا البيت..بإيه؟ طبعاً بالخِلفة الصالحة لأن الخِلفة وحِس العيال في البيت هي اللي تعمر الدار.. البيت إللى من غير خلفة فقري وزي القبر ساكت لا ضحكة ولا بكى ولا يامّا ولا يابا.. أدي العمارة

طب والتمـارة...؟!
تقول "التمارة أن الواحدة اللي خدها جوزها عشان يعولها ويأكلها ويشربها يتمر فيها العيش والمعروف تقاسمه الحزن زى ما بتقاسمه الفرح وتمرض لمرضه وتشقى لشقائه ساعتها يكون المرأه تمر فيها العيش والمعروف اتقابل بالمعروف أهي دي ياولدي التمارة

طب وجيزة النصارى ...
وإيه إللي دخل النصارى في الحكاية وللا هية عشان السجع تمارة وعمارة ونصارى وكدة يعني؟!!..تغضب فاطنة قنديل من السخرية المختبئة وتقول أهي إللي بتضحك عليها دي أهم حاجة في التلاتة.. ده دعا لله علشان مايكسرش المحبة وتدوم الجوازة ده دعاء بعدم الطلاق لأن النصارى يا ولدي ما بيطلقوش.. إللي خدها هي إللي خدها.. هية إللي هتتشعلق في رقبته طول العمر.. زعلوا من بعض.. أتقندلوا.. راحو.. جُم.. آخرتها لبعض عشان معندهمش طلاق

فإحنا بنتمنى للواد والبت إللي هيتجوزوا إن جوازهم يبقى جيزة نصارى يعنى جواز دايم علطول ما يتكسرش ولا فيش حاجة تعطله ومادام عمرت الدار وخلفت عيال ومادام تمر فيها المعروف وبقت تخاف على حاجة جوزها وماله وعياله لازم الجوازة هتدوم زي جوازات النصارى عشان كدة ما فيش غيرها في حنكنا لما بندخل على أي فرح على طول نهلل.. بالعمارة والتمارة وجيزة النصارى
رد مع اقتباس
إضافة رد

أدوات الموضوع
انواع عرض الموضوع

الانتقال السريع

قد تكون مهتم بالمواضيع التالية ايضاً
الموضوع
عبد الرحمن الابنودى يكتب عن عيد الغطاس ايام زمان
شاهد ماذا كتب عبد الرحمن الابنودى على تويتر الان
شاهد ماذا كتب عبد الرحمن الابنودى على تويتر الان
شاهد ماذا كتب الرائع عبد الرحمن الابنودى على تويتر الان
شاهد ماذا كتب الرائع عبد الرحمن الابنودى على تويتر الان


الساعة الآن 10:56 AM


Powered by vBulletin® Copyright ©2000 - 2022