مستغلبني

[walaa farouk]

يستضعف الناس لأنه عارف انهم مش قده و لا قد سوء ادبه و لا لسانه المسموم و عجرفته و بطشه ..
شايف قوته علي الناس و بيستبيح لنفسه كرامتهم و راحتهم و امانهم ..
لا بيراعي سن و لا مقام .. يتسلط و يتكبر و يتجبر و يستقوي و يستعفي..
لسانه و عجرفته و سوء أدبه هو سلاحه مع المؤدبين المحترمين.. و لأنه عارف ان ما حدش من الطيبين دول ح يقف له ، يتمادي و يتعالي و يكمل و يدوس علي كرامتهم اكتر ..
و تلاقيه من ناحية تانية يخاف من اللي أقوي منه خوف الذليل الجبان ؛ عامل أسد علي اللي يستغلبهم و فأر قدام اللي اقوي منه ، اللي يهينه و يقل بيه ..

اخلاق الكبير اخلاق الملوك ، يكّبر الكل و يِكبر بيهم لانه شبعان و مليان ..
الكبير ما عندوش صغير و كبير ، يدي الكل كرامته و مكانته..

و قليل الاخلاق بتستضعف و يستغلب غيره ، يمكن يكون كبير في نفوذه و سلطانه لكن عمره ما كان كبير في أخلاقه ..

و الايام دوارة .. تغلب يوم ، و اليوم التاني يجيلك اللي يقلبك و يغلبك و يتعبك و يوجعك ..

اصل اللي استغلبته مسنود علي الله ابو الضعفاء و ناصرهم ..

هو حقيقي مش قادر عليك ، لكن سلم ضعفه للي أقوي منك و من الكل ..

[روزالين روز]

حقيقي واللللله الللللللللله

[walaa farouk]

ميرسى على مرورك الغالى