|
 |
 |
 |
|
رقم المشاركة : ( 1 )
06 - 02 - 2018, 09:49 PM
|
|||||||||||
|
|||||||||||
 المقال ده ليكي إنتي، ياللي غالبا مش فاهمه إنتي جرالك إيه ؟!... ليكي يا إبنه "الأم النرجسيه ".. اللي للأسف بتبقي يتيمه من يوم ميلادك .. لكن ولا بتحزني ولا بتاخدي عزا في الغالي اللي فقدتيه.. وإعرفي إنه للأسف الموت الحقيقي في مثل حالتك واليتم بيبقى وقعه أرحم من؛ موت الأحياء... انا مش بكتبلك عشان نعد نعيط سوا...مع أن البكاء في مثل هذه الحالات مطلوب ... بس بكتب عشان أوعيكي بقى, داخل العيادات بيجي يوميا ستات بمشاكل لا نهائيه .. مشاكل طلاق ، علاقات ، إكتئاب، إدمان ، وأصل الموضوع هوا هذه الأم..وكنا بنوصل لده بعد فتره من العلاج ... مش كل ولاد الست دي بيجو يتعالجو... غالبا ال "الكبش الفدا" هيا اللي بتطلب مساعده أولا؛ لازم نفهم تركيبه العيله اللي" الام النرجسيه" بتبقى جواها.. غالبا بتبقى ، "أم نرجسيه "متجوزه من "أب سلبي" ... الأب ده مضطر يمشي كلام الست دي عشان الجوازه تمشي على حساب نفسه ،وحساب ولاده ... (فيا حسره اللي في البيت ده.... لا بيلاقي لا أم، ولا أب ) الأم دي ؛ طريقها هوا الطريق الوحيد اللي الكل لازم يمشي عليه.، أهم حاجه عندها "المظهر العام" ...مش مهم أبدا احتياج ولادها المهم "يشرفوها"..قدام أبله ظاظا وطنط توتو ,وكلاب السكك ... فبناء عليه بتدي شويه أدوار لولادها يلعبوها ؛ طفل بيبقى (الطفل الذهبي) ... ده أكتر طفل مطيع ليها وماشي تماما على خطاها مبيقلش ليها لأ، لأن شايفها عظيمه ومفيش زيها !! ..وهيا بتغمره بكل حب وبتتعمد تقارن بينه وبين أخواته وتحطه في مكانه أعلى منهم وتزرع بينهم الغيره ...ولوبنت تتغزل في جمالها طول اليوم وبتبقى هيا دائما الاجمل الاحلى مصدر الفخر واخواتها لا...وده من ضمن سياساتها الشهيره "فرق تسد".. الطفل ده مبيجيش العياده ...لكنه أكتر حد بيتشوهه من الام دي وبيتعلم منها...أن قيمته بما يعمل ...وغالبا يطلع نسخه منها (الطفل الضائع ) ده مبتركزش معاه بتتجاهله بتطنشه ...وده طبعا بيتأذي أوي الطفل ال (الكبش الفدا) دي بقى البنت اللي دايما في العياده...دي الطفل ...اللي بتختاره الام .وبالتبعيه كل افراد العيله..تسقط عليها كل ماهو سيء في العيله ..الأم دي مينفعش تشوف نفسها أقل من "برفكت"..فلازم طول الوقت تلاقي شخص يبقى السبب ...لو حصل أي حاجه لازم تلومه...هيا بتختار بشكل لا واعي حد معين من ولادها تشيله الدور ده بتختاره لأسباب كتير اولا؛ بيبقى اكتر حد في البيت عنده تعاطف وبيحس ..فهتحب جدا تحسسه بالذنب وتشيله كل شيلها...لو جالها برد..هيا السبب..لو حد في البيت عمل غلط هيا السبب ثانيا ؛الام دي بتشوف عيالها مصدرلاشباع احساسها الداخلي بالنقص ..فالطفله دي بتبقى باين انها مميزه وهتبقى حاجه ..فلازم طول الوقت تحط منها لانها متستحملش أن يبقى في البيت حد احسن منها هيا نجمه الحدث الاولى والاخيره ثالثا ؛.البنت دي بيبقالها شخصيه مختلفه وغالبا بتبقى غير مطيعه لها زي الباقي ...فبيتصب عليها كل الغل والكرهه ايوه الكرهه..الام دي للاسف مبتحبش نفسها ولا بتحب حد ... لكن بالرغم أن الطفله دي أخدت أكبر قدر من التعذيب النفسي الا انها الوحيده في البيت ده اللي عندها فرصه حقيقيه في النجاه 
|
|
07 - 02 - 2018, 10:28 AM
|
رقم المشاركة : ( 2 ) | ||||
|
† Admin Woman †
|
رد: الام النرجيسية
موضوع مهم يا لولو |
||||
|
|
|
07 - 02 - 2018, 08:27 PM
|
رقم المشاركة : ( 3 ) | ||||
|
..::| الإدارة العامة |::..
|
رد: الام النرجيسية
ميرسى على مرورك الغالى مرمر  |
||||
|
|
 |
| أدوات الموضوع | |
| انواع عرض الموضوع | |
|
العرض العادي
