الكاهن القبطي الله ينيح نفسه

[walaa farouk]

...خرج من منزله كاهن القرية الجميلة
فى مكان ما بصعيد البلاد . قاصداً كنيسته.
صلى قداسه حريصاً على هدوء وإعتدال الصلاة
ومخارج الألفاظ وعدم إهمال اللغة القبطية
. قدم عظة القداس فى حدود الوقت المتاح
. أكمل قداسه وأشترك الجميع فى الوليمة السمائيه المقدسة
. وبعد البركة الرسولية وتوزيع الاولوجيا أنصرف الشعب
وبقى فقط الكاهن ومن يريده من المعترفين وأصحاب المشاكل والإحتياجات. وفى رحلته من باب الكنيسة إلى الهيكل
لتبديل ملابس الخدمة.
أوقف سيرة مرات كثيرة مستمعاً لإحتياجات البعض
وطلبات البعض الآخر . دخل مكتبه مستقبلاً معترفين كثر
. واحد تلو الآخر . وفي حرصة على وقت المنتظرين خارجاً.
جاهد أن يحصر المعترف فقط فى الإعتراف
وعدم التطرق لأحاديث ليس وقتها خاصة السيدات.
تناول إفطاره وذهب مصطحباً خدام المرضى
لزيارة مرضى وتحديد موعد للمناولة بالمنزل
. أنهى زيارة المرضى و استقل سيارته متاخراً على موعد بالمطرانية لمناقشة بعض الأمور . عاد إلى منزله بعد الرابعة
لتناول الغذاء وفاصل للراحة ..
ليعود إلى الكنيسة ليفرح بأولاده فى إكليل أو خطوبه ..
ثم متابعة الإجتماع المسائى لدرس الكتاب ..
ثم زيارة خاصة لأسرة أو لخدمة معينة
أو حل مشكلة أو إنهاء خصومة.
ولما قاربت العاشرة مساء عاد إلى منزله
ليجلس مع أسرة تنتظره طول النهار .

وأثناء اليوم .
...قال من حضر مبكراً. 👇🏻
👈🏻 المفروض نيجي نلاقيه مش يجي بعدينا .
دا ناموسيته كحلي.

...قال محبى اللغة القبطية .👇🏻
👈🏻 الله يسامحة ضيع القبطي معظم القداس بالعربي؟!؟
هو أصلاً تلاقيه ميعرفش قبطي .

...قال محبى العربية .👇🏻
👈🏻 يعنى هو لازم يورينا أنه عارف قبطى.
فهمنا إيه إحنا دلوقتي ؟

...قال بعض الشعب . 👇🏻
👈🏻هو بيجرى ليه وراه ايه؟

...قال البعض الاخر . 👇🏻
👈🏻 إيه البطء دا ؟

...والبعض قال .👇🏻
👈🏻 هى دي عظة قداس ربع ساعة ؟

... وآخرين قالوا . 👇🏻
👈🏻دا إحنا نمنا ؟

...أثناء التناول قال البعض .👇🏻
👈🏻 معقول كل دول يستحقوا التناول دا خلاها سايبة.

...وقال آخرون .👇🏻
👈🏻إيه التعصب دا هو ماله مستعد ولا مش مستعد هو اللى هيحاسبنا؟!؟
هنعدى على اللى بيتقال بعد رش المياه وتوزيع البركة .

...قال من قابله قبل تبديل ملابس الخدمة . 👇🏻
👈🏻هو مستعجل ليه؟!؟.
ما هو إحنا لو زى الناس كان كلمنا وقعد معانا؟!؟ .

...قال المعترفون .👇🏻
👈🏻 هو مستعجل ليه؟!؟ المفروض يسمعنا هي دى أبوة؟!؟ .

...قال المنتظرون .👇🏻
👈🏻 مش يعمل حسابه أننا مروحناش بعد القداس ؟

....قال بعض المرضى .👇🏻
👈🏻 لسة فاكر يزورنا ؟

...قال جيرانهم .👇🏻
👈🏻 راح بيت فلان وماجاش عندنا... ما هو ليه ناس ناس 🤨😏.

...قال من ذهب الى الكنيسة ولم يجده .👇🏻
👈🏻 بسرعة جري على بيته . هو موظف؟

....قال موظف المطرانية .👇🏻
👈🏻المفروض يحترم المواعيد..

....قال حضور الإكليل .👇🏻
👈🏻 اشمعني دول بيصلى إكليلهم بالراحة ؟

....قال أطراف المشكلة .👇🏻
👈🏻 هو جاي مع الطرف الثانى

....قال أولاده👇🏻
👈🏻 مش هتفضالنا شوية يا بابا .

... *"فى المساء"*
قُرأ علي أحدى صفحات أولاده هذه العبارات...
كثيرون كهنة .
قليلون اباء .
كان أب .
كان بيحبنا .
كان بيخدمنا .
علمنا كتير .
مقصرش مع حد .....
كل الكلام دا هيتقال ...
لكن .....
بعد جملة
...... *الله ينيح نفسه* .......

[Haia]

فعلا كلام من نوع اخر بعد الله ينيح نفسه

[Mary Naeem]

هي دي طبيعة البشر
شكرا يا لولو

[walaa farouk]

ميرسى على مروركم الغالى

[souad jaalouk]

ربنا يبارك تعب محبتك وخدمتك أختي الغالية

[walaa farouk]

ميرسي على مرورك الغالى