بين تصفح وقراءة الكتب

[Mary Naeem]

"اكرز بالكلمة. اعكف على ذلك... عظ بكل أناة وتعليم"
(2تي 4: 2)







بين تصفح وقراءة الكتب ممكن موضوع الكلمة يكون في دماغك وتدور في كتب عن نقاط له، وممكن تتصفح كذا كتاب الأول وبعدين تختار موضوع بناء على فكرة ما شدتك في اللي قريته. ممكن تحتاج تتصفح ٥-٦ كتب ع الأقل عشان تحضر كلمة مهمة لعيد أو مناسبة. مش ضروري تقرأ كلمة كلمة ف الكتب عشان تعرف الموضوع اللي عايزه أو فايدة الكتاب بالنسبة للموضوع اللي انت عايزه، لكن ممكن تتصفح الكتب بسرعة. التصفح معناه أولا هاتبص ف الفهرس، أول أو ضهر الكتاب ومحتويات عشوائية منه أو محتوى فصل معين شدك عنوانه.. ممكن تقرأ أول سطر في كل فقرة أو تبص بعينك بسرعة على المحتوى وتشوفه مفيد ولا لا. لو في فكرة محتاجة تركيز منك ممكن تقراها بتأني، غير كدة مفيش احتياج لقراءة بطيئة عشان التحضير. كتر القراءة والتعود عليها بيخلي تصفح الكتب وفهم الافكار اللي فيها أسهل وأسرع.


مثال: لو في عيد القيامة عايز تحضر درس عن القيامة، فهاتروح المكتبة وتشوف اكتر من كتاب عن عيد القيامة، وتتصفحهم وتستعير أو تشتري المناسب منهم. نفس الحكاية ممكن تدور على الانترنت بكلمات بحث مفيدة، بس خد بالك إن مش كل محتوى الانترنت كلام موثوق فيه وممكن الاعتماد عليه تماما، لازم تتأكد انك واخد المصدر من كاتب مش من منتدى (بس ممكن تاخدوا من المدونة دي أكيد :D )

[بنت معلم الاجيال]

جميل اوي
ربنا يعوض تعبك

[Mary Naeem]

شكرا على المرور

[بشرى النهيسى]

جميل جدا
الرب يباركك