منتدى الفرح المسيحى  


العودة  

إضافة رد
 
أدوات الموضوع انواع عرض الموضوع
  رقم المشاركة : ( 1 )  
قديم 09 - 01 - 2021, 02:36 PM
الصورة الرمزية walaa farouk
 
walaa farouk Female
..::| الإدارة العامة |::..

 الأوسمة و جوائز
 بينات الاتصال بالعضو
 اخر مواضيع العضو
  walaa farouk متواجد حالياً  
الملف الشخصي
رقــم العضويـــة : 122664
تـاريخ التسجيـل : Jun 2015
العــــــــمـــــــــر :
الـــــدولـــــــــــة : مصر
المشاركـــــــات : 233,225 [+]

عجيبه رحمتك يارب حتى الطفل بتسمعله


عادل شاب ٣٤ سنه متجوز وعنده طفل اسمه آدم ٦ سنين عادل بيشتغل عامل نضافه فى شركة أتوبيسات سفر يوم ٢٠ اكتوبر الساعه ٨ بالليل آدم كان ماشى مع بباه فى منطقة رمسيس ، فا شاف حلاوة المولد فجأه آدم ساب إيد أبوه ووقف قدام محل الحلويات ، عادل أتحرج جداً خصوصاً لما الراجل قاله ماتشتريله ياعم بدل مالواد محروم كدا آدم بص لأبوه وقاله " نفسى فيها يا بابا " عادل أبتسم للراجل وقاله بكره هاعدى عليك ومسك آدم ومشى آدم فضل يعيط جامد عادل وقف على جنب وقعدوا على الرصيف وقاله " انت مش بتثق فى ربنا انه سامعك ؟؟" رد عليه آدم وهو بعيط وقاله " ايوه ، بيسمعنى" فاقاله " خلاص ، يبقى انهرده بالليل قبل ما تنام تقوله ، يارب انا نفسى فى حلاوة المولد وهو هايسمعلك ويبعتلنا فلوس نجيب بيها " فرح قوى آدم بفكرة ابوه ، ورجع البيت متحمس جداً جداً ، واول ما دخل البيت ، اتعشى بسرعه وجرى على أوضته ، وفضلى يصلى اكتر من ساعه ونص ، لدرجة انه نام وهو راكع على الأرض وبيصلى عدى يوم واتنين وتلاته وادم كل يوم يبص من البلكونه باصص على ابوه عشان يطمن ربنا بعت الحلاوه ولا لا لكن للأسف كل يوم كان بيخيب ظنه وابوه يرجع فاضى 😔
لدرجة ان يوم ٣٠ أكتوبر الساعه ١٠:٢٠ بالليل ، عادل دخل البيت لقى آدم بيصلى وبيطلب من ربنا بصوت عالى قوى عادل دخل عليه وقاله ، ليه يا حبيبى بتعلى صوتك ، حد يكلم ربنا كدا ؟؟ بص له آدم وقاله" يمكن ماكنش سامعنى يابابا فا عليت صوتى عادل خبط على كتفه وقاله " يا حبيبى ربنا بيسمع صوت تفكيرك ، صوت قلبك واحتياجه ، مش صوتك العالى بس 😉، أطمن يا حبيبى ، ربنا سمعك هو بس بيجهزهلك حاجه حلوه قوى عشان تفرح بجد 😍، يلا بينا عشان نتعشى بقى عشان ماما جهزت العشا من بدرى 😉" عدت أيام كتير لغاية يوم ١٥ نوفمبر ، الساعه ١٢ بالليل ، اليوم ده عادل كان مفروض يروح الساعه ٩ لكنه اشتغل ساعات إضافيه لغاية الساعه ١٢ تساعده فى المرتب الساعه ١١:٣٠ وصل أتوبيس من السفر ، وبعد ما نزلوا كل الركاب ، كعادة عادل طلع عشان ينضف الأتوبيس لكن حصلت حاجه غريبه جداً لقى فى رف الإتوبيس من جوه ، كيس أسود مربوط ومكتوب عليه" هديه لمن يجده " وجنبه رقم تليفون عادل خد الكيس بربطته من غير مايفتحه حتى ، وعطاه لمدير المكتب ، اللى قام بالإتصال بالرقم المكتوب رد عليه واحد ، بعد ما عرف الحكايه ، قاله احنا مجموعة شباب ، قمنا بمبادره جميله ، كل نهاية شهر ، بنسيب هدايا فى اى مكان ، معتمدين على ان ربنا بيبعتها لاكتر حد محتاجها ، حلال على اللى لقاها خد عادل الكيس ، بعد ما عطهوله المدير ، اللى فتحه ولقاه ، علبة حلاوة مولد تلاته كيلو من أفخم الأنواع
😍 عادل من شدة التعجب اللى كان فيه ، حرفياً فضل أكتر من ربع ساعه ، حاطط علبة الحلاوه قدامه سرحان ومابينطقش بعد ما استوعب الموضع خد العلبه وجرى على البيت ، دخل على ادم اللى كان نايم ، صحاه وقاله " ربنا بعتلك الهديه وبيقولك تستحق انك تفرح " اَلْحَقَّ الْحَقَّ أَقُولُ لَكُمْ: إِنَّ كُلَّ مَا طَلَبْتُمْ مِنَ الآبِ بِاسْمِي يُعْطِيكُمْ.". (يو 16: 23-33)

رد مع اقتباس
قديم 09 - 01 - 2021, 05:03 PM   رقم المشاركة : ( 2 )
makaruos Male
فرحتى انى انضميت معاكم


الملف الشخصي
رقــم العضويـــة : 1163
تـاريخ التسجيـل : Mar 2013
العــــــــمـــــــــر :
الـــــدولـــــــــــة : مصر
المشاركـــــــات : 2 [+]

 الأوسمة و جوائز
 بينات الاتصال بالعضو
 اخر مواضيع العضو

makaruos غير متواجد حالياً

افتراضي رد: عجيبه رحمتك يارب حتى الطفل بتسمعله

اكثر من رائعة
  رد مع اقتباس
قديم 14 - 01 - 2021, 12:04 AM   رقم المشاركة : ( 3 )
walaa farouk Female
..::| الإدارة العامة |::..

الصورة الرمزية walaa farouk

الملف الشخصي
رقــم العضويـــة : 122664
تـاريخ التسجيـل : Jun 2015
العــــــــمـــــــــر :
الـــــدولـــــــــــة : مصر
المشاركـــــــات : 233,225 [+]

 الأوسمة و جوائز
 بينات الاتصال بالعضو
 اخر مواضيع العضو

walaa farouk متواجد حالياً

افتراضي رد: عجيبه رحمتك يارب حتى الطفل بتسمعله

ميرسى على مرورك الغالى عجيبه رحمتك يارب حتى الطفل بتسمعله
  رد مع اقتباس
إضافة رد

أدوات الموضوع
انواع عرض الموضوع

الانتقال السريع

قد تكون مهتم بالمواضيع التالية ايضاً
الموضوع
‏طرقك يارب احياناً غريبه و احياناً عجيبه
لتكن يارب رحمتك
يارب رحمتك
يارب من أجل كثرة رحمتك
يارب رحمتك !


الساعة الآن 12:07 AM


Powered by vBulletin® Copyright ©2000 - 2021