منتدى الفرح المسيحى  


العودة  

إضافة رد
 
أدوات الموضوع انواع عرض الموضوع
  رقم المشاركة : ( 1 )  
قديم 10 - 08 - 2019, 11:54 PM
الصورة الرمزية توتا كمال
 
توتا كمال Female
..::| مشرفة |::..

 الأوسمة و جوائز
 بينات الاتصال بالعضو
 اخر مواضيع العضو
  توتا كمال غير متواجد حالياً  
الملف الشخصي
رقــم العضويـــة : 123370
تـاريخ التسجيـل : Feb 2017
العــــــــمـــــــــر :
الـــــدولـــــــــــة : القاهره
المشاركـــــــات : 532

كلنا عارفين تفجير كنيسه مارجرجس بطنطا
اللى كان فيها 30 شهيد
لكن الحقيقه دول مش اول شهداء
يطلعوا من الكنيسه
البوست ده فيه حكايه اسرة بيتهم كان كنيسه و 3 شهداء معاصرين كانوا قبل دبح شهداء ليبيا ب حوالى 3 شهور الاسرة مكونه من خمس اشخاص الاب و الام و 3 بنات (كاترين و كارول و كارلا) كاترين كانت الكبيرة و كارلا الوسطانيه و كارول الصغيرة الحكايه بدءت ان الاسرة الجميله دى كانت ف ليبيا قبل الحروب و المشاكل و الارهاب ده كانت المنطقه بتاعتهم(جارف) مفيهاش غير كنيسه صغيرة او بمعنى اصح هى مش كنيسه هى كانت شبه بيت معمول كنيسه بيروحوا يصلوا فيها و يرجعوا بيتهم طبعا مفيش خدمه ولا اى حاجه كانت مامتهم بتعملهم مدارس الاحد ف البيت و تديهم كوبونات و يبدلوها كانوا بيألفوا ترانيم مع بعض كانوا بيعملوا الحفلات بتاعت الكنيسه ف البيت بعد الحروب و دخول الارهاب ل ليبيا كانوا البنات ف مدرسه و مكنش فيه غيرهم مسيحين ف المدرسه كلها كانت كاترين سعتها ف اعدادى الفصل كلو كانوا محجابات ف دايما المراقبين يضايقوها كتير و يتكلموا عن انها المفروض تتحجب البنت قالت ل باباها قالها لا طبعا ازاى و قالها تلبس بالطو طويل لان اكيد مش هينفع تتحجب و ف يوم كانوا برة البيت و بيلعبوا التلت اخوات بليل و فيه 3 حمامات بيضه وقفت على راس كل واحده فيهم مع ان مفيش حمام بيطلع بليل! بس مش ده الغريب لكن الغريب بجد ان كل حمامه وقفت على راس واحده فيهم تفضل معاها مهما جريت او اتحركت! و حصلت ظروف صعبة كتير ف منطقتهم خلت الكنيسه بتاعتهم الوحيده ف المنطقه كلها اتهدت و كانت اقرب كنيسه ليهم كنيسه فى (طرابلس) و طرابلس بعيده جدا عنهم بس برضو كانوا بيروحوا الكنيسه و يروحوا بيتهم يعملوا مدارس الاحد بتاعتهم و مكنش غيرهم مسيحين ف المنطقه كلها ف طبعا تهديدات كتير و كانوا بيدوروا عليهم كانوا ناس كتير يكلموا باباهم (مجدى) و يقلولوا فيه ناس هيأذوك خد اسرتك و اهرب و فضلوا فترة كبيرة جدا يتنقلوا من بيت ل بيت و فمرة كان فيه بيت فيه حيطه زى الازاز كانت كارلا بتشوف منها الارهابيين و هما ماسكين الرشاشات و برضو اتنقلوا لبيت تانى ف باباهم (مجدى) و مامتهم (سحر) ف اوضه و البنات ف اوضه كانت الاوضه فيها سرير بدورين كانت كاترين و كارلا نايمين جنب بعض و كارول نايمه لوحدها ف الدور اللى فوق و مع ان كاترين مش بتحب حد ينام جنبها لكن نادت اختها كارول قالتلها تعالى نامى معانا و ناموا التلاته جنب بعض كان قدام السرير فيه مكان لتكيف بس طبعا عشان هما مش مستقرين ف بيت معين ف مكنش لسا التكيف اتركب ف باباهم سد مكان الفتحه دى ب لوح خشب خفيف كدا و حطوا قدامه دولاب صغير صحيت كارلا على صوت صريخ كاترين لقت ان الدولاب بيقع ف صرخت معاها بس سعتها مخدتش بالها ان فيه إرهابى كان بيدخل من الفتحه دى دخل و هما الاتنين بيصرخوا ف كاترين قالتله انت مين قالها انا من فجر ليبيا (فجر ليبيا دى قبيله تبع داعش و الارهاب و كدا)و قعد يرمى اى اشرابات بتاعت الكنيسه ف الارض و اى حاجه ليها علاقه ب المسيحيه رماها ف الارض و بعدين الشخص ده طلع فتح باب الشقه و دخلوا اربع اشخاص شبه برشاشات برضو و بعدها دخلوا اخدوا باباهم برة والبنات سمعوا صوت ضرب نار عرفوا ان باباهم راح السما خلاص و بعدها مامتهم طبعا انهارت و قالتلهم انتو عايزين ايه قالها عايزين البنت الكبيرة (كاترين) ف الاوضه هنتكلم معاها قالتلهم لا خدونى انا و سبوها بعدين اتكلموا مع بعض بصوت واطى و واحد شاور على كارول و كارلا ف التانى قاله لا يعم دول صغيرين و خطفوا كاترين و ضربوا نار على مامتهم... البنتين اللى هما تقريبا 10 سنين و 9 سنين بقو لوحدهم ف البيت و مامتهم و باباهم ف السما و اختهم ميعرفوش عنها حاجه تانى يوم البنتين طلعوا برة البيت و فضلوا ماشين عشان يروحوا المدرسه يمكن حد يساعدهم (طبعا المسافه كبيرة جداا عشان يوصلوا للمدرسه لان ليبيا شبه صحرا ) لحد ماوصلوا هناك و قابلوا مدير المدرسه ف قالهم ايه فين بابا ف قالوله بابا راح السما و حكوله اللى حصل و طبعا اضايق جدا لانه كان صاحبه و وصلهم ل عمهم و بعد يومين عرفوا ان كاترين اضربت بالرصاص ف لما وصلولها و اخدوها للمستشفى شافوا مكان الرصاصه لقو رصاصه ف راسها و رصاصه ف صدرها و رصاصه ف ودنها طلعت من الودن التانيه يعنى صليب و قبل ماتروح السما بثوانى الصليب اللى هو مكان الرصاص طلع نور جامد ف الوقت ده كانت كنيستهم ف تسبحه و فجأه ابونا وقف الصلاة و قال الحمدلله كاترين وصلت السما بس سعتها كارول و كارلا كانوا لازم يرجعوا مصر بس مكنش ينفع يجو من اى طريق جوى او برى او بحرى ف كان لازم يروحوا تركيا و من تركيا جم هنا مصر ف طنطا
القصه منقوله عن كلام كارول و كارلا من مؤتمر الانبا تكلا هيمانوت ف اسكندريه

كارول و كارلا بنات ايمانهم قوى بيحكوا و ايمانهم قوى جدا و فرحانين انهم ليهم شفيع ف السما و مش شفيع واحد لا دول تلاته 💕💕
#الشهيده_سحر💕
#الشهيدة_كاترين💕
#الشهيد_مجدى💕
ياريت تعملوا للبوست شير... شهداء زى كداا لازم الدنيا كلها تعرفهم💕💕💪
دول كارول وكارلا و هما بيحكوا 💕💕
رد مع اقتباس
قديم 11 - 08 - 2019, 12:41 AM   رقم المشاركة : ( 2 )
walaa farouk Female
..::| الإدارة العامة |::..

الصورة الرمزية walaa farouk

الملف الشخصي
رقــم العضويـــة : 122664
تـاريخ التسجيـل : Jun 2015
العــــــــمـــــــــر :
الـــــدولـــــــــــة : مصر
المشاركـــــــات : 348,972

 الأوسمة و جوائز
 بينات الاتصال بالعضو
 اخر مواضيع العضو

walaa farouk غير متواجد حالياً

افتراضي رد: كاترين وكارول وكارلا

بركة صلاتهم تكون معنا امين
  رد مع اقتباس
إضافة رد

أدوات الموضوع
انواع عرض الموضوع

الانتقال السريع

قد تكون مهتم بالمواضيع التالية ايضاً
الموضوع
قصر كاترين
جبل سانت كاترين
غلق دير سانت كاترين
القديسة كاترين
انسحاب الشرطة من كمائن سانت كاترين ودير سانت كاترين


الساعة الآن 04:40 PM


Powered by vBulletin® Copyright ©2000 - 2024