|
 |
 |
 |
|
رقم المشاركة : ( 1 )
14 - 11 - 2018, 05:31 AM
|
|||||||||||
|
|||||||||||
|
تعالي اقولك شوية أسرار و تكات وحركات عشان اكلك يبقي احلي☺
١_وانتي بتسوي الاكل سوية علي نار هادية هيفرق جدا معاكي في الطعم يعني بمجرد أنه يغلي هدي النار و غطي الحلة وسيبي الأكل يستوي براحته عالاخر وشوفي طعمه هيبقي ازاي هتاكلي صوابعك وراه.......... ٢_خلي بالك وانتي بتحطي البهارات عشان كل اكله وليها بهاراتها المخصوصه مثلا الكمون مينفعش تحطيه مع اللحمه العصاج دائما حطي البهار المناسب للوصفة والكمية المناسبة بدون مبالغة عشان متفقديش الطعم الأصلي و اللذيذ للطبق .......د ٣_جربي حطي ملعقة صغيرة سكر للملوخية و البسلة و الرز بالبصل هيديها طعم رائع وكمان هيظهر الطعم ...... ٤_وانتي بتعملي الأرز بالشعرية دايما حطي الشعرية نصف مقدار الأرز عشان تديكي طعم لذيذ زي بتاع المطاعم ....... ٥_إدعكي بصل السلطة الخضراء بملح و ليمون وسبيه علي جنب و يترك ولما تيجي تقدميه حطيه مع باقي المكونات لييييية بقي عشان بيكسر حدة طعم البصل و يقضي علي رائحته الغير مستحبة بالفم ..... ٦_عيزة السلطة الخضراء بتاعتك تبقي زي بتاعت المطاعم ، ضيفي شرائح بصل ، كزبرة جافة ، ملح ، ليمون ، خل ، كمون ، كزبرة خضراء و بقدونس و شبت بجانب الطماطم و الخيار و أي خضار تاني انتي عيزة تزوديه...... ٧_اوعي تسيبي صلصة الكشري تتسبك كتييير هما مجرد غلوتين للحصول علي القوام المضبوط وبس عشان طعمها ميغيرش....... ٨_بصل الكشري البني قبل ما تحميره حطيه في ملعقة دقيق و نفضي الدقيق الزائد و اقليه لغاية متوصلي للون اللي عيزاه وكده مش هيشرب زيت وهيقرمش........ ٩_وانتي بتسلقي الفراخ والارانب شوحيها الاول في السمن مع شوية من المستكة و الحبهان وورق اللورا و الفلفل الأسمر الحب كويس وبعدين صبي عليها مايه مغليه واعملي احلي شوربة وادعيلي ........ ١٠_وانتي بتشتري البهارات اشتريها حبوب و نقيها وبعدين اطحنيها و بالنسبة للكزبرة و الكمون حمصيهم الاول علي النار قبل ما تطحنيهم وشوفي فرق الطعم بنفسك...... ١١_اعجني المعجنات و المخبوزات باللبن الرايب و شوفي بقي هيخلي العجينة ازاي هشة و طرية و لذيذة وكلي منها وادعيلي بردة........ ١٢_عيزه ستيك اللحم زي المطعم بالظبط تبليه بملح و فلفل بس........ ١٣_زودي معلقة خل او بيكنج صودا(بيكربونات الصوديوم) وانتي بتعملي الكيك هتبقي هش جدا وهتعجبك........ 
|
|
14 - 11 - 2018, 06:47 AM
|
رقم المشاركة : ( 2 ) | ||||
|
..::| الإدارة العامة |::..
|
رد: نصائح لمطبخك شيف نجلاء
ميرسي على مشاركتك الجميلة
ربنا يفرح قلبك |
||||
|
|
|
14 - 11 - 2018, 09:08 AM
|
رقم المشاركة : ( 3 ) | ||||
|
† Admin Woman †
|
رد: نصائح لمطبخك شيف نجلاء
شكرا على النصائح ربنا يباركك |
||||
|
|
 |
| أدوات الموضوع | |
| انواع عرض الموضوع | |
|
| قد تكون مهتم بالمواضيع التالية ايضاً |
| الموضوع |
| نصائح مفيدة لمطبخك |
| كيف تكوني إمرأة جميلة؟ نصائح تساعدك لتكوني أكثر جاذبية وجمال |
| 10 نصائح لنضارة البشرة وجمال الشعر في رمضان |
| قمه الابداع لمطبخك !!! |
| ديكور لمطبخك |
العرض العادي
