أبجدية التربية - ابونا داوود لمعى - الصفحة 2

sama smsma · 25 - 06 - 2018, 11:58 AM

- الروحانية عايزة مجهود وتركيز
وعايزة حياة روحية حقيقية من الأب والأم عشان تنعكس على العيال ..
- أحزروا من التزمت والحرفية لئلا نطلع عيالنا فريسيين مش قديسين
لأن في بعض الآباء والأمهات الدنيا بالنسبة لهم حرفيات ..
الزوج يخرب الدنيا لو مراته حطت نقطة سمنة بدل الزيت يوم الأربعاء
لكن هو عمال يشتم ويعيب في الناس ..
أنت هتطلع أبنك حريص أوووي على الأربعاء والجمعة
لكن هيكره الناس ومش هيعرف يحب حد
لأنك قدمت له صورة مشوهة لتدين مزعج .. !!
أبجدية التربية
ابونا داوود لمعى

sama smsma · 25 - 06 - 2018, 12:00 PM

- الأم البشوشة تطلع عيال نفسيتهم سوية
حتي لو كانت جاهلة
والعكس ممكن تكون الأم معاها دكتوراة ووشها كشري
تطلع عيالها نفسيتهم ملخبطة.
- لما الطفل يشوف وش أبوه مكشر ..
أول ترجمة توصل للطفل هي :
(( أنا السبب في تعب أبويا ))
لأن الطفل يميل إلى أن يستذنب نفسه.
- لما الطفل يلاقي أمه غضبانة
(( بيكره نفسه ))
لأنه مش قادر يكرهها لأنه مفكر إن هو السبب في غضبها.
أبجدية التربية
ابونا داوود لمعى

sama smsma · 25 - 06 - 2018, 12:02 PM

- علشان تكون ثقة أبنك فيك
ماتقولش كلمة متعملهاش ومتقولش كلمة مش قدها ..
- من الحاجات اللي تبوظ الثقة خاااالص في التربية
إن الأب يقول لأبنه :
(( إياك أشوفك تكذب هأقطعك .. ))
وبعدها بساعة على التليفون يحكي روايات كلها كذب ..
الطفل ده هيكذب ويغش ويلخبط الدنيا
لأنه فقض الثقة في شخصية مهمة جداً بالنسبة له .. !!
أبجدية التربية
ابونا داوود لمعى

sama smsma · 25 - 06 - 2018, 12:04 PM

- الروحانية يعني كل ما الأولاد يكبروا نناقش المبادئ
لأن أحنا كمسيحيين لازم نفضل مختلفين ..
- فأي طفل بيبقى عايز يقلد ومش عايز يبقى مختلف
لأن الأختلاف تحدي وأسهل أنه يبقى ذيه ذي أي حد في جيله ..
- فلاااازم أغرس في الطفل الأختلاف .. أنت مسيحي -
أبوك ربنا - أنت أتعمدت - أنت بتتناول ..
فأنت مختلف وأختلافك مش يكسفك ولكنه مصدر فخر وثقة
وليس كبرياء لأن أنا أبويا ربنا ..
أبجدية التربية
ابونا داوود لمعى

sama smsma · 25 - 06 - 2018, 12:07 PM

- الثقة تُنَمَى على مراحل فلازم تثبت لأبنك أنك واثق فيه
بس تدي له مهمة يقدر يعملها لأني لو أديت لأبني مهمة
يعجز عن فعلها فأنا ضريته وهزيت ثقته بنفسه ..
- الأهتمام المبالغ فيه على الطفل هيخليه دايما دلوع ..
فلازم يجي لحظة أني (( هأرميه ))
هي مش سهلة نفسياً على الآباء والأمهات
لكن لازم أوصل (( للفطام ))
عشان يعتمد على نفسه ويثق بنفسه ..
أبجدية التربية
ابونا داوود لمعى

sama smsma · 25 - 06 - 2018, 12:10 PM

- نظرتك للناس وأحترامك لكل الفئات بينعكس على أولادك ..
- الروحانية الطفل بيشوفها :
1- لما الطفل يلاقيك أنت بابا بتحترم أصحابه
وبتحترم البواب والفراش وحتى وأنت بتحكي عن شغلك
مش بتشتم شتيمة ولا بتعيب في حد ..
2- لما بتستقبل الناس والبشاشة في وشك
وتكرمهم وتحترمهم ومش من ورا ضهرهم
تقول عليهم كلمة لأن الطفل ذكي وبيلقط ..
أبجدية التربية
ابونا داوود لمعى

sama smsma · 25 - 06 - 2018, 12:12 PM

التشجيع بيبان وأنت بتتكلم عن ولادك
سواء بتعرفهم بحد أو بتتكلم عنهم ..
وأنت بتقدم ولادك بيبان في لغتك
(( هل أنت فخور بيهم ولا أنت مكسوف منهم .. ؟؟ ))
- لو الطفل حس إن أبوه خجلان منه ده
دمر كل حاجة جواه ..
فما أصعب على نفسية طفل أن اللي بيسخر منه أبوه
اللي كان المفروض يفتخر به
أبجدية التربية
أبونا داود لمعي

sama smsma · 25 - 06 - 2018, 12:25 PM

سؤال: كيف أتغلب على ممشكلة الكسل في الصلاة
(ماليش نفس أصلي!)؟؟
افتكر حاجتين يشجعوك على الصلاة.. الصليب و السما ..
- على الصليب افتكر ربنا اللي بيحيك
و اللي ياما تعب و بيتعب علشانك..
على الأقل قدر حبه و واقف قوله بحبك...
- ركز على السما لأن من غير صلاة مفيش سما...
ابونا داوود لمعى

walaa farouk · 26 - 06 - 2018, 11:26 AM

مواضيع مهمة لحياتنا
ميرسي على مجهودك يا سمسمة

مورا مرمر · 11 - 07 - 2018, 04:33 PM

مجهود رائع جدااااا
ربنا يجعل كل بيت كنيسة صغيرة
ربنا يفرح قلبك