أعطانى علامة النجاح

[بنت معلم الاجيال]

الاسم : د . و

تقول : انا طالبه بكليه السياحه والفنادق الفرقه الثانيه وكان عندي ماده صعبه جدا ومعروف انها من اصعب المواد اسمها النظم السياسيه , وكنت اخاف من هذه الماده طوال السنه لدرجه انني فبل الامتحان ب ثلاث ايام وصلت لمرحله انهيار وكنت خايفه اطلع بالماده دي , وفي يوم كنت اقرا في كتاب معجزات للبابا كيرلس وبالصدفه قرات معجزه بعنوان الوعد بالنجاح وكان صاحب هذه المعجزه يعاني من صعوبه في ماده ما وطلب من البابا كيرلس علامة ليطمئنه بها وفعلا طمانه البابا كيرلس بصوره ارسلها له مكتوب عليها المقوله الشهيره لقداسته " كن مطمئن جدا جدا ولا تفكر في الامر كثيرا بل دع الامر لمن بيده الامر " وبعدما قرات هذه المعجزه قلت يا بابا كيرلس انا كمان عايزه علامة لاطمئن بها لاني كنت في حاله توتر شديد , وكنت انتظر العلامه من البابا كيرلس وبعد يومين و تقريبا كانت ليله الامتحان لقيت بابا داخل عندي وبيقولي خدي الصوره دي معاكي الامتحان .. وعندما نظرت للصوره وجدتها صوره للبابا كيرلس ومكتوب عليها ( يعطيك الرب مثل قلبك ويتمم كل مشوراتك نعترف لك يا رب بخلاصك وباسم الهنا ننمو , يكمل الرب جميع سوالاتك ).. وبجد احسست حينها بفرحه لا استطيع وصفها واطمئنيت جدا ان الامتحان هاييجي حلو .. وفعلا جاء يوم الامتحان وتوقعت انني مش هاعرف اكتب ولا كلمه ولكن عندما دخلت الامتحان لقيت الامتحان جاي كله كويس وعرفت احل فيه وكان عندي ثقه كبيره اني علي الاقل هانجح في الماده دي ومش هاطلع بيها , وعلي فكره الامتحان ده كان النهارده بتاريخ اليوم 20 / 6 / 2010 وانا في انتظار النتيجه وواثقه جدا اني هانجح فيها بشفاعه البابا كيرلس

بركة صلوات القديس العظيم البابا كيرلس تكون معنا كلنا إلي الأبد
أمـــــــــــــــــــ+ــــــــــــــــــين