|
 |
 |
 |
|
رقم المشاركة : ( 1 )
28 - 07 - 2022, 06:20 PM
|
|||||||||||
|
|||||||||||
|
اجمل ما قرأت اليوم : ================  جرس الشقه رن راح يفتح ، وبعدها دخل لمراته قالها الاخ اللي بياخد مننا ظرف اخوة الرب واقف بره قالتله اعتذر الشهر ده ، انت شايف الي باقي معانا مايعيشناش عير يادوب يومين مش حتى لاخر الشهر قالها يعني الغلبان المتعود على خير بيجيله ، يتفاجئ انه جايله ناقص ! طالما قررنا ندي ها ندي وربك يدبرها وراح قاسم اللي معاه وحطهم في الطرف واداه للراجل وقفل الباب مراته قالتله طيب محتاجين طلبات للغدا انزل هاتلي كيس رز وكيس شعريه وفرخه صغيره وشوية طلبات محتاجينها صروري هاكتبهالك في ورقه قالها اعملي الرز من غير شعريه ، والفرخه ممكن نجيب ورك للواد ياكله واحنا مش لازم لحد ماشوف هاتصرف ازاي قالتله طب ياخويا فيه ماركت كبير اوي فتح على الطريق العمومي من بره ، اتعب واتمشى لحد عنده بيقولوا عامل عروض بمناسبة الافتتاح والحاجه بنص التمن الراجل خد بعضه ونزل يتمشى للسوبر ماركت وصل بعد نص ساعه مشي دخل يشوف الاسعار لقاها زي بره ، الخصم على كتر المشتريات اتضايق من المشوار اللي مشيه والعجله اللي جاررها مافهاش غير يادوب كيس رز وفجأه راجل لابس ملابس فخمه وبرفانه واصل لاخر المكان من طريقة كلامه واضح انه مش مصري جري على صاحبنا يسلم عليه وهاتك يا احضان طلع صاحبه من ايام الجامعه ، كان بيذاكر معاه ايام ماكان مغترب وبيدرس هنا وهو صاحب الماركت الضخم ده قاله مانساش والدتك واللي كانت بتعمله معايا كانت بتعاملني كاني ابنها وياما احتضنتني وكنت حقيقي بعتبرها امي واول ماجيت مصر سألت عليك ومعرفتش اوصلك وبعد ترحاب عظيم جدا امر مدير المبيعات يملى خمس عجلات رز ولحمه وفراخ وسمن وعصاير وفاكهه وخضار وسمك وكل ما تتخيله وطلب منه انه يجي ويشتغل معاه كمان صاحبنا رفض وعيونه كلها دموع محبوسه ولكن بعد اصرار خدهم الباشا اصر يوصلهم لحد العربيه صاحبنا قاله انا راكن بعيد بعت معاه حد يطلعهمله بره وقف تاكسي وحمل الحاجه ودفع للتاكسي الفلوس اللي كان هايشتري بيها دخل على مراته بكمية شنط طلع السلم ونزل ١٢ مره علشان يطلعها مراته اتصدمت ، وقالتله ايه ده ! انا عارفه انه عامل خصومات بس مش للدرجادي قالها قولتيلي الفلوس اللي معانا تقضينا يومين لكن ربنا كان ليه رأي تاني - ربنا رغم انه قال في الكتاب المقدس لا تجرب الرب الهك جه على العطاء بالذات وقال اعطوني العشور وجربوني ❤️ شكرا ليك يارب ع القليل قبل الكتير 🙏 
|
 |
|
| قد تكون مهتم بالمواضيع التالية ايضاً |
| الموضوع |
| شكرا يارب على سترك طول السنه 🙏🏽 |
| شكرا يارب 🙏 إن أول ما بنندهلك بنلاقيك🤲 |
| شكرا يارب 🙏 على كل صدمة وجعتنا |
| شكرا يارب 🙏 على العلامات اللي في الطريق |
| شكرا من قلبى يارب🙏❤️ |
العرض العادي
