|
 |
 |
 |
|
رقم المشاركة : ( 1 )
17 - 01 - 2023, 06:02 PM
|
|||||||||||
|
|||||||||||
 بيقلب في اللبس الشتوي لقى بنطلون مالبسوش من سنتين تلاته جه يلبسه لقاه صحيح مريح لكن حس انه واسع شوية ومحتاج يتضيق نزل للترزي وقاله ضيق من كل جنب 2 سم قاله مش كتير ؟ فرد وقال لا انا قيسته قبل مانزل ولقيته محتاج 2 سم من كل جنب المهم سمع الكلام وضيق البنطلون بعدها لقى القماش اللي اتضيق مكلكع جوه البنطلون قاله سرفله علي الماكنه فالترزي قاله خسارة علشان لو احتاجت توسعه من تاني فقاله لا ماعتقدش اني هاحتاج اوسعه ، الترزي قاله طيب ادخل قيسه الاول قال لا هو كده تمام قص علي كده الراجل سمع الكلام وشال الزياده صاحبنا راح البيت بيحاول يدخل رجله في البنطلون مادخلتش نزله جري وهو بيقول الحقني ، البنطلون مش داخل فيا قاله مانا قولتله قيسه فصاحبنا قاله مش وقت تأنيب ، اللي حصل ... ايه الحل قال للاسف انا عملت اللي قولتلي عليه ، شيلتلك الزياده وظبته علي كده علشان مايبقاش فيه حاجه مكلكعه من الجناب وانت لابسه طب والعمل ؟ للأسف اديه لحد ارفع منك بقي او حاول تخس علشان تعرف تلبسه رجع زعلان وهو بيقول ياما كانت محبتنا واسعه ومهروله علي ناس كتير وللأسف مكانوش يستاهلوا المحبه دي ، قابلوها بكل تناكه وكره وقلة اصل فضلوا يقصوا فيها بعمايلهم ، مع كل موقف سلبي منهم كانوا بيقصقصوا فيها من غير مايحسوا مع كل نكران جميل كانوا بيكملوا قص مع كل عدم اهتمام او تقدير ، كانت بتصغر وتكش وفجأة لما احتاجونا ، لقوا قدر المحبه صغر مابقاش يناسبهم ولا مكفيهم وللأسف مش بأيدينا نرجع معاهم زي الاول لأنهم قصوا ورموا بأيديهم اي محبه زايده كانت موجوده ممكن ترجع من جديد كانوا دايماً شايفنا مكلكعين في حياتهم ، لكن للأسف مهما عملوا ، مش هاننفعهم ولا هاننفع غيرهم لاننا لا ينفع نكون استبن ولا بنتركن على الرف - احنا نتيجة مش سبب والنهاية .. علاقة سطحيه بدون طعم او لون 
|
 |
|
العرض العادي
