|
 |
 |
 |
|
رقم المشاركة : ( 1 )
23 - 02 - 2021, 11:14 PM
|
|||||||||||
|
|||||||||||
 كان فيه سؤال بيجي تملي على بالي كل لما اسمع قصة يونان ازاي الحوت بلعه وماتهضمش ازاي فضل في معدة الحوت كده عادي ! دي المعدة كفيلة تحول جسده من جسد يونان لعصير يونان طب ازاي كان بيتنفس وهو جواها ! طيب لو مكنش في بطن الحوت ، يبقى كان فين ! طب هل على كده تعبير بطن الحوت تعبير خاطئ !! بحثت عن كلمة بطن في معجم المعاني لمعرفة كل معانيها ، فالقيت بطن = تجويف بطن الحوت = تجويف الحوت ( جوف الحوت ) ✅ - وليس المعنى الحرفي اللي بنفهمه من كلمة بطن يعني كرش او معدة ❌ حتى الكتاب بيقول فَصَلَّى يُونَانُ إِلَى الرَّبِّ إِلهِهِ مِنْ جَوْفِ الْحُوتِ ( يو ١:٢ ) مقالش من معدة الحوت والجوف ده عبارة عن مكان فاضي ( تجويف ) لانه لو في معدته كان اتهضم ولو فوق المعده بشوية كانت العصارة الهضمية كفيله تفتته بالاضافة الى انه كان هايتخنق لعدم وجود اكسجين وكنت في مرة بسمع عظة لابونا داود لمعي كرر فيها المعلومه فبدأت الخيوط تتربط ببعض - وبعد البحث عرفت ان الحيتان الكبرى امثال الحوت الازرق طوله بيتخطى ال ٣٠ متر ، يعني اطول من عمارة ١٠ ادوار ليه اكتر من تجويف منهم تجويف كبير في الرأس ، فيه اكسجين وممكن يحتفظ بكائن حي فيه لفترة طويلة وقريت معلومه انه كان حوت بدون اسنان ، حتى لا يمزقه اثناء البلع وكأن الله اعد ليونان قلايه خاصة داخل حوت ضخم علشان يقدم لله توبه من خلالها ، ويتعلم منها الدرس ابونا داود قال كلمة جميلة قال المعجزة في قصة يونان مكنتش في بحر هاج واصبح هادي بعد القاء يونان ولا حوت بلعه ورجع رماه على الشط المعجزة كانت في شعب وثني لا يعرف الله رجع عن شره بكلمه ❤ خلاصة الكلام ان ربنا بعت ليونان حوت بمواصفات خاصة لتأديبة وتهيئته لعمل عظيم وَأَمَّا الرَّبُّ فَأَعَدَّ حُوتًا عَظِيمًا لِيَبْتَلِعَ يونان ١٧:١ 🔹️وده لا يقلل من قيمة المعجزة او اننا بنشوفلها مبررات علمية ، اطلاقاً ... الله قادر على كل شئ ، من هذا الذي يقول كن فيكون والرب لم يأمر ده مجرد توضيح بناء على تفسيرات حول اشكال واحجام ومواصفات الحيتان حول سؤال ليه ماتهضمش !! نكمل كلامنا .. - وقتها كل اللي ظهر لركاب المركبة اللي رموا يونان في المايه انه اتبلع من الحوت ومات - وهنا نتعلم ان مش كل المتشاف صحيح - ولا كل التجارب المميته ، بتكون فعلا مميته • ربنا لما بيسمح بتجربة ثق انها معمولة على مقاسك بمواصفات خاصة مش من اجل هلاكك ، لكن من اجل هدف معين هاتعرفه بعدين الله يعدك لنينوى جديده يجوز نينوى دي شغل جديد بيأهلك ليه دراسة جديدة هاتستفاد منها زيجة صالحه هاتتبارك بيها رزق كتير هاتتمتع بيه حياة جديده هاتعوضك عن مُر اللي فات الخ ...... فلا تكن كيونان الهارب ، بل كن كيونان التائب الشاكر 🙏❤ 
|
 |
| أدوات الموضوع | |
| انواع عرض الموضوع | |
|
العرض العادي
