ح يموت من غيرته

[walaa farouk]

ح يموت من غيرته

مريض بالغيرة ، عايش قايم نايم بيفكر ازاي يبقي زيك و احسن منك
.. و من كتر غيرته يتمني ان اللي عندك يروح و يبقي عنده ..
و لأن غيرته نار و مرار ما بيعرفش يتكلم غير عليك بالردي ،
و يقلدك في الخفا، و يقلل منك علشان يكبر هو
، و يسرق افكارك و أعمالك علشان يعلي عليك و يطفي نورك و يوطي نجمك..

كل ده ليه ؟؟
لانه مش عارف و لا راضي و لا حابب يبقي نفسه .
. و لأن قلبه مليان سواد مش قادر يتمني الخير لحد ..

اللي قلبه ابيض ياخد منك و من غيرك ، و يحب الخير للغير
، و دنيا النجاح واسعة ، تساعه و تساع غيره و تساع كل الناجحين ..
لكن تعمل ايه في قلب ما اتعلمش الرضا و لا القبول
.. و اتعلم انه لازم علشان يبان يدوس علي الكل
و يخفس بيهم الارض ..

فيه قلوب بيضا عمرها ما اتخانقت علي الكراسي و المناصب
، و لا اتكلمت علي اي حد غير بالخير
، و تمنت أن الكل يبقي فرحان و ناجح ، حتي لو انجح منها ..

بالعكس الكبير في نفسه يسيب الكرامة
و المناصب تجري وراه من غير ما يتمناها..

و اسالوا التاريخ : اللي حسد الناس و أشتهي مناصب
، المناصب عذبته و الناس لفظته لانها شافت حقيقته ،
و في الاخر عاش و مات محروم لا راضي و لا متراضي ، لا مريح و لا مرتاح ..

و اللي ارتفع و اتمنَع عن الكرامة ، الكرامة جريت وراه و الناس اتخانقت علي وجوده و اتمنت حضوره ..

[روزالين روز]

حقيقي جدااا جداااا

[walaa farouk]

ميرسى على مرورك الغالى

[روزالين روز]

والللللله حقيقي ومليون حقيقي

[walaa farouk]

ميرسى على مرورك الغالى