منتدى الفرح المسيحى  


العودة  

 
 
أدوات الموضوع انواع عرض الموضوع
  رقم المشاركة : ( 1 )  
قديم 13 - 09 - 2017, 10:35 PM
الصورة الرمزية walaa farouk
 
walaa farouk Female
..::| الإدارة العامة |::..

 الأوسمة و جوائز
 بينات الاتصال بالعضو
 اخر مواضيع العضو
  walaa farouk غير متواجد حالياً  
الملف الشخصي
رقــم العضويـــة : 122664
تـاريخ التسجيـل : Jun 2015
العــــــــمـــــــــر :
الـــــدولـــــــــــة : مصر
المشاركـــــــات : 348,972

#كلمتين و بس


كلمة صغيرة لأى 2 مرتبطين أو داخلين على إرتباط
** عندك توجيه او تعديل على تصرف قوله بحب لكن الإسلوب الجارح فى التوجية دة بلاش منه مش هيجيب فايدة
** إياك تقارن بين شريك ( شريكة ) حياتك و اى حد تانى فى الدنيا .... المقارنة دة سكة اللى يروح ميرجعش عاملة زى الدوامة اللى يقرب منها و يدخلها بتشدة و بيبقى صعب يطلع منها .... الخروج منها بيشوهك انت و شريك حياتك نفسيا .....
** لو هتتكلم ⬅ يبقى بلاش كلام بايخ ركز دايما على المزايا قبل العيوب .... و لو الناقد اللى جواك نفسة يطلع فى صورة نقد لأكلها أو تصرف عملتة. ..... و انتى عاوزة تعلقى على موقف عمله و معجبكيش ⬅ يبقى بحب من غير كلام جارح....
** لو حاجة بسيطة و ينفع تعدى من غير ما تطلع المعلق الرياضى و المحلل السياسى الساكن جواك يبقى ياريت
" #كبروا_دماغكوا "
** لما يرجع من الشغل ياريت تستقبلية بابتسامتك الحلوة مش بقصيدة بتذلية فيها باحتمالك للعيال و تعبك طول النهار بين توضيب و تنضيف و تجهيز أكل و فض خناقات و مظاهرات العيال
** جاى جايب معاة شوية حاجات للبيت قولى شكرا ... ميرسى ....... تعبتك ......... بلاش اسلوب الحاجات دى وحشة أو البياع ضحك عليك أو انت اتنصب عليك فى السعر بس لمجرد ان عم أيوب البواب 👳 إشترالك السنة اللى فاتت بارخص نص جنية ..... كلامك الحلو مش هيجيبلك جلطة .....
** لو كل حاجة حلوة بس فى جزء بسيط ناقص ⬅ مثلا لو راجعة من الشغل تعبانة و حضرتلك ما لذ و طاب من الاكل بس الملح ناقص أو نسيت تحط كوباية المية بلاش تقلب وشك و تقعد تعدد فى مزايا أكل الست الوالدة و قد اية هو مظبوط .... عديها مش هيحصل حاجة
** حضرتك أبتديت تاكل مفيش مانع من كلمة حلوة .... تسلم ايديكى .... الله الاكل طمعة يجنن ..... الأكل شكله تحفة ....اى كلمة لطيفة تنسيها تعبها فى حر المطبخ قدام النار و الفرن مش هيحصلك حاجة .... بلاش الكلام من عينة ماشى .... يعدى ... بس دة مش زى أكل فلانة .....
افتكر دايما ان الكلمة الحلوة سبب سعادة فى البيت
#الكلمة_الحلوة_مش_بتجيب_شلل
** لو حصل و لقيتها تعبانة زى اى بنى آدم طبيعى بيتعب لانها مش المرأه الحديدية طبطب عليها و ساعدها و مفيش مانع تقوم تعمل لنفسك كوباية الشاى🍵 أو فنجان القهوة ☕ و ياريت تيجى على نفسك و تعملها معاك
المساعدة فى شغل البيت مش هتكسر ايدك أو تخلى جلدك يتقشر و يقع
** مفيش مانع و انت راجع من الشغل تجيبلها حاجة حلوة زى ما بتجيب لعيالك ..... شوكلاتاية 🍫 ايس كريم🍦🍨 بوكيه ورد 🌷🌷🌼🌸🌹🌹 انشالله حتى ورداية 🌹 دى حاجات حلوة بتفرح بأمانه 😀😀
عدوا لبعض و #هونوها_علشان_تهون
كلمتين اتقالوا كتير و هيفضلوا يتقالوا يمكن نتعلم
رد مع اقتباس
 

أدوات الموضوع
انواع عرض الموضوع

الانتقال السريع

قد تكون مهتم بالمواضيع التالية ايضاً
الموضوع
كلمتين
كلمتين وبس 12
كلمتين وبس 14
كلمتين وبس 13
كلمتين وبس


الساعة الآن 05:48 PM


Powered by vBulletin® Copyright ©2000 - 2024