|
 |
 |
 |
|
رقم المشاركة : ( 1 )
16 - 07 - 2022, 11:08 AM
|
|||||||||||
|
|||||||||||
 اجتماع الخدمه من اهم الاجتماعات اللي بتبقي ممله وفيها فتور وبعض الخدام مبتحبش تحضره واللي بيحضره بيبقي غصب عنه 🙃 ⬅️بعض الاقتراحات لعلاج فتور اجتماع الخدمه ✊ 1- تعيين خادم منتظم (يكون مسؤل مسؤليه كامله عن الاجتماع ) تحت اشراف الاباء 2- افتقاد اخواتنا (فكره مقترحه ) 👈تعيين بعض الخدام مسؤليه وخدمه الافتقاد في الاجتماع بكشف حضور وغياب وارقام للافتقاد وعناوين للزيارات (ويكونو جروبين جروب خدام لافتقاد الخدام وجروب خادامات لافتقاد الخادمات ) وكتابه ملاحظات في الافتقاد ومحاوله علاج سبب الغياب 3- برنامج شيق للاجتماع (بعض الاقترحات )👇 *ترانيم مجهزة * الصلاه بالاجبيه (وبعد الصلاه ممكن نقف 5 دقايق ارتجالي نصلي من اجل "البنات الضايعه. المرضي.المجروحين.المتالمين.المنقطعين.التعبانين نفسيا.......) كل اجتماع نحدد مع بعض النهارده هنصلي من اجل كذا وكل اللي يعرف اسم يقوله لربنا في صلاته هتفرق كتيييير * ايه اسيوعيه نحفظها مع بعض * قصه بهدف نتعلم منها حاجه * فكرة السنكسار الاسبوعي ودى نعملها ازى ركز معاى لو اجتماعك مثلا الخميس بنبدا في السنكسار بالجمعه لحد الخميس كيف برضو يعنى بقول ان بكرة الجمعه عيد فلان والسبت فلان وهكذا بطريقه عرض حلوة طبعا انت وشطارتك وافكارك وبعد كده بتختار من قديسين الاسبوع قديس منعرفش عنه كتير او لو قديس معروف للخدام انت ممكن تقوله معلومه عنه مش معروفه قوى انت وشطارتك برضو ولو في وقت ممكن نعمل تمجيد لاحد قديسين الاسبوع او لو مفيش وقت ممكن تتفقوا كخدام ان اليوم الفلاني عيد فلان هنعمله تمجيد كل واحد في مخدعه والشاطر اللي يفكر اخواته علشان محدش ينسي *فكرة سموها باي اسم بس هي عبارة عن تبادل الخبرات والمواهب بمعنى ان في خداااام كتيييير ميعرفوش يعملوا وسايل ايضاح وافكار حلوة طب ليه الخدام اللي يعرفوا ميعلموش الخام اللي ميعرفوش يعنى اللي بيعرف يعمل عرايس وبيعرف يلقي الدرس بطرق مختلفه يعلموا الخدام هتفرق كتيييير ساعتها * فقرة نتكلم فيها عن احتياجات المخدوم ومرحتله (بواقعيه شويه ومواقف عمليه ) وازاى انا كخادم اتعامل معاه برضو بمواقف وحاجات عمليه اقدر فعلا انفذها مش كلام محاضرات وخلاص * فقرة خادم امين نتكلم في دقايق محدود عن احدى الشخصيات ان كانت في الكتاب المقدس زى (جدعون ..شمشون ..بولس ....... الكتاب مليان شخصيات ممكن اتكلم عنهم كخدام ) او في الخدام المعاصرين اللي سبقونا للسماء كنمذج يشجعنى في الطريق * مشكله وحل طرح احدى المشاكل اللي بتتكرر في خدمتنا بدون طبعا ما اقول اسماء لكن اطرح المشكله واسمع حلول الخدام علشان الكل يتعلم لان مثلا في خدام بتكون الخبرة قليله فنتعلم من اللي ليهم خبره الخدمه 
|
|
03 - 02 - 2023, 01:55 AM
|
رقم المشاركة : ( 2 ) | ||||
|
سراج مضئ | الفرح المسيحى
|
رد: ⬅️بعض الاقتراحات لعلاج فتور اجتماع الخدمه ✊
يعطيك العافية
|
||||
|
|
 |
|
| قد تكون مهتم بالمواضيع التالية ايضاً |
| الموضوع |
| أن يدخل الرب يسوع إلى قلبك ⬅️❤️ |
| لولا ان الرب كان معنا ⬅️ كنت ضعت |
| لست أريد شيئًا من العالم ⬅️ |
| الإحساس بالملكوت السماوي ⬅️ |
| ستة أشياء يتطهر بها العقل ⬅️ |
العرض العادي
