|
 |
 |
 |
10 - 05 - 2025, 11:18 AM
|
رقم المشاركة : ( 195981 ) | ||||
|
† Admin Woman †
|
رد: وجبـــــــة روحيـــــ(†)ــــــــــة يوميـــــــــة
إستجابة الله السريعه والحكم بالحبس .. انا شادى شاب عندى ظ¢ظ£ سنه ساكن فى قريه بمحافظة قنا ، ربنا رزقنى بجار من نار راجل ظالم ، مأجر منى المحل اللى تحت بيتنا وعقد إيجاره خلص ومش عاوز يسيبه ويخلى ، عاوز يقعد غصب عنى ، إكمنى يتيم الأب ووحيد ماعنديش اخوات وامى ست غلبانه كبيره فى السن مش عاوزه مشاكل ، اقوله ياسيدى انا اتخرجت ومحتاج المحل افتحه لحسابى يأكلنى عيش انا وامى ، يقولى لا المحل ده بتاعى ومش هاسيبه حتى لو أخر يوم فى عمرى .. وقفن ناس ومحامين ماحدش عارف ياخد معاه حق ، واضع يده على المحل، وقدمت فيه اكتر من بلاغ ، وفى أخر بلاغ جات الشرطه تنفذ قرار الطرد لاقيته طلع عقد ملكيته للمحل بيع وشرا من أمى وعليه ختم امى ، قولتلهم امى ست عاجزه وماخرجتش من البيت من أكتر من سنه ، طلعت امتى وباعته امتى .. اكتشفت انه سرق الختم بتاع امى وباع لنفسه المحل .. من شهرين لاقيت الشرطه قبضت عليا بتهمه انى تعديت عليه وضربته ، وانا ولا ضربته ولا جيت جنبه ، هو راح القسم ضارب نفسه وعمل فيا بلاغ عشان يلبسنى أى مصيبه وخلاص ، كل ده عشان يعمل صلح معايا وياخد تعهد بعدم تعرض .. الدنيا ضاقت فى وشى ومابقتش عارف أعمل ايه ، إحساس الظلم وحش ، انك تشوف ملك يضيع منك وانت فى اشد الحاجه له ومش قادر تعمل حاجه .. يوم ظ¦ يناير كانت ليلة العيد ساعتها كنت مخنوق قوى وماليش نفس حتى اعمل اكل .. طلعت قعدت فى السطوح وانا بأس بكلم ربنا يرضيك كدا؟؟ يرضيك الظلم ده ؟؟ يرضيك فى عيدك تدخل علينا واحنا مظلومين ؟؟ وامى الغلبانه بتموت كل يوم بحسرتها ؟؟ يرضيك الظالم يتمتع بالنعيم والصحه والفرحه والمظلوم بيموت من الوجع كل لحظه .. ساعتها كنت بتكلم وانا حرفياً حاسس انى مش على الأرض، كنت منعزل تماماً عن العالم وباصص بس للسما .. كان عندى اقتناع تام انى واقف قدام ربنا وشايفه وبشكيله وهو سامعنى .. تانى يوم بالظبط انا فاكر الميعاد ده كويس قوى كان يوم ظ§ يناير الساعهظ¦:ظ¢ظ¥ بالليل .. لاقيت حد بينادى عليا من الشارع ، انا ماعرفهوش .. المهم دخل عندى .. قالى انا فلان ، محامى جايلك من طرف رئيس المباحث .. المحضر اللى كان ضدك جه قدامه امبارح ، وعارف انك مظلوم ، وبعتنى ليك عشان أثبت حقك.. انا ساعتها بصيتله وأفتكرت الأيه اللى بتقول.. " أدعونى وقت الضيق أنقذك فتمجدنى " الراجل فعلاً كتر خيره وقف معايا جامد جداً عملنا محضر بسرقة الختم بتاع أمى ، ولف معايا على كاميرات الشارع اللى ورانا ، لأن ضهر البيت بتاعنا فى بيت مهجور وممكن أى حد بكل سهوله ينط علينا من خلاله.. وبالفعل لاقينا الفيديو اللى فيه بينط الراجل على بيتنا كان يوم ظ¢ظ* ديسمبر ظ¢ظ*ظ¢ظ، الساعه ظ£:ظ،ظ£ الفجر .. ورفعنا قضيه بنشكك فى صحة العقد معاه .. وانهرده وبعد معاناة جه الحكم فى صالحنا وربنا نصرنى ..������ |
||||
|
|
|||||
|
10 - 05 - 2025, 11:20 AM
|
رقم المشاركة : ( 195982 ) | ||||
|
† Admin Woman †
|
رد: وجبـــــــة روحيـــــ(†)ــــــــــة يوميـــــــــة
روحت الماركت اجيب علبة تونه اتغدى بيها ، اول ما دخلت لاقيت هرم كبير من الشبسى مكتوب عليه الخمسه بعشرين ، فكرت قولت اكيد هاحتاجه ، روحت جبت عربيه وخدت عرض ، كملت طريقى عشان اجيب التونه ، لاقيت العميد عامل باكو صغير كدا عامل زى العينه تلقيمه قهوه بظ،ظ* جنيه ، وقفت وانا مندهش ���� ، معقول العميد قومت واخد كيسين ، مع انى عندى قهوه بس ده العميد بردو ، كملت لاقيت عرض على شيكولاته كرونا ظ،ظ* علب بظ£ظ*ظ* بدل ظ¤ظ¥ظ* ، لا بقى دى كرونا مش اى حاجه يعنى اجيب عرض عشان لما نفطر .. المهم كل مامشى خطوه الاقى عرض .. مليت العربيه حاجات انا ممكن اعيش من غيرها عادى ، لكن استنى بقى شوف المفاجأه اللى جايه دى .. طلعت من الماركت وانا دافع حوالى ظ¨ظ¥ظ* جنيه .. طلعت لاقيت ازاز عربيه اللى من ورا ، مكسور على مية حته .. يمين شمال وراجع كاميرات مين اللى كسره مافيش فايده ، بكام بقى الازاز ده بظ¢ظ¨ظ*ظ* جنيه .. معايا منهم كام ؟؟ ظ،ظ¨ظ*ظ* جنيه ، لو حسبنا الحاجات اللى صرفتها على العروض اللى انا اصلا مش محتاجها ماكنتش اتحطيت فى موقف بايخ زى ده .. الخلاصه اللى عاوز اقولها ... عمرك اللى انت عمال تبعزق فيه يمين وشمال ومش عارف قيمته ،فى لحظه ممكن تحتاج لربع ساعه بس تتوب فيها ، وماتلاقيش دقيقه واحده حتى ، حقوق الناس اللى عمال تاكل فيها بالباطل ، والغلابه اللى بتظلمهم واخر اليوم تنام مرتاح ولا على باللك اى شىء ، انت ممكن تجيلك لحظه ماتلحقش تقول لحد سامحنى .. عزيزى القارىء عمرك دلوقتى ملكك لكن فى لحظه ممكن ماتبقاش ملك نفسك وتكون بين ايدين ربنا ، فكر كويس . طبعا العمر الطويل ليك |
||||
|
10 - 05 - 2025, 11:21 AM
|
رقم المشاركة : ( 195983 ) | ||||
|
† Admin Woman †
|
رد: وجبـــــــة روحيـــــ(†)ــــــــــة يوميـــــــــة
"سابت الام قميص الاب المتوفي معلقا فى الدولاب من ظ¨ سنين وتحط في جيبه الفلوس كل يوم . ولما حد من الولاد يطلب فلوس . تقوله خد من جيب أبوك حتى لا ينقطع ذكره... عندما تكون الأم مدرسةâ¤ï¸ڈâ¤ï¸ڈ |
||||
|
10 - 05 - 2025, 11:28 AM
|
رقم المشاركة : ( 195984 ) | ||||
|
† Admin Woman †
|
رد: وجبـــــــة روحيـــــ(†)ــــــــــة يوميـــــــــة
مره كنت رايح اصطاد ، فا واحد قالى انت مستعجل ومش هاتقدر تستحمل انك تستنى الصناره تغمز .. قولتله اجرب هو انا هاخسر حاجه ، مش يمكن تصطاد من اول مره... المهم قعدت ورميت الصناره وانا كلى حماس رهيب انى هارجع بغنيمه انهارده ، لكن للاسف تلات ساعات ماطلعتش ولا سمكه حتى .. والراجل اللى جنبى طلع كتير .. قولتله ازاى مش دى صناره وبتاعتك صناره ونفس الطُعم بنرميه سوا .. راح قالى انا ليا اكتر من 18 سنه بصطاد ، هاتيجى انت يابن امبارح عاوز تصطاد من اول يوم .. الخلاصه اللى عاوز اقولها ، ان ابنك او بنتك مش معنى انه خلص تعليم يبقى من حقه انه يتجوز وعقله نضج ، بالعكس .. فى جوازات كتيييير فى العصر ده بتبوظ وحالات طلاق كتير بتحصل .. طيب ده ليه ؟؟ ماتجوزش بنتك لمجرد انه عريس جالها بيكسب وشغال ومن عيله .. وانت ماتتجوزش اى واحده لمجرد انك شايفها بتحبك .. لازم الراجل يكون عقله ناضج لدرجه انه يقدر يعدى ببيته من عاصفه قوى بتهدد امن واستقرار البيت .. لازم الست كمان تكون فاهمه طبيعة الراجل وشخصيته بحيث انها تعرف تتعامل معاه كويس جدا وقت غضبه .. لو العند دخل مابين الراجل ومراته وثابتين على موقفهم ، ومافيش اهل يوعوهم كويس ، اعرف كويس جدا ان البيت ده نهايته قريبه جدا .. ماتتجوزش او ماتتجوزيش غير اللى والديهم حياتهم ناجحه جدا مع بعض ، لان اولادهم بيطلعوا بخبره عظيمه منهم يقدرو يفتحو بيت .. |
||||
|
10 - 05 - 2025, 11:29 AM
|
رقم المشاركة : ( 195985 ) | ||||
|
† Admin Woman †
|
رد: وجبـــــــة روحيـــــ(†)ــــــــــة يوميـــــــــة
الجاكت ده اشتريته باول مرتب اخدته من اول شغل اشتغلته ، فكان بالنسبالى اغلى جاكت طبعا وافضل جاكت بلبسه ، فا سالت الراجل اللى باعهولى قولتله احافظ عليه ازاى عشان مايبوظش بسرعه ، قالى اهم حاجه ماتغيلوش فى مايه سخنه ولا مع هدوم الوانها فاقعه ... اهتميت به اول شهرين ، وبعدين بقيت اروح به اى مكان بعد ما كان مخصص للخروجات المهمه بس ، واغسله بأى مايه ومع اى هدوم .. لدرجه انى مره غسلته فى سكن الشغل فى غساله عاديه القديمه دى بتاعت زمان لو حد فاكرها ، فا شبك فى مروحة الماتور بتاعها واتقطع ... زعلت عليه جدا جدا لكن خلاص مستحيل يرجع زى الاول. اللى عاوز اقوله هنا ان شريك حياتك مهما كان اصيل ومعدنه ممتاز ومتربى وابن اصول ، ماتفكرش انك مهما تزعله وتيجى عليه وتهمله وتظلمه معاك ، فا مستحيل انه هايفضل مستحمل كل ده ، صدقنى هايجى يوم وتلاقيه اتحول واتغير للأسوا معاك تماما .. ساعتها هاتعرف قيمته بس لما يضيع من ايديك .. الخلاصه اللى عاوز اقولها ، لو معاك حد كويس فا دى نعمه من ربنا بلاش تسىء استخدامها لغاية ما تضيعه من ايديك .. |
||||
|
10 - 05 - 2025, 11:33 AM
|
رقم المشاركة : ( 195986 ) | ||||
|
† Admin Woman †
|
رد: وجبـــــــة روحيـــــ(†)ــــــــــة يوميـــــــــة
الراهب القس كبريانوس السرياني.. حياته كانت قصيرة، لكنها مليانة حب وعطاء! شاب اسمه "فادي عادل عزيز"، اتولد يوم 6 يونيو 1986 في قليوب البلد، القليوبية. درس في كلية الزراعة بجامعة القاهرة، وبعد التخرج اشتغل في شركة mcv لصناعة وسائل النقل. لكن رغم انشغاله، كان قلبه متعلق بالخدمة.. خدم وسط الشباب في كنيسة الشهيد مارجرجس بقليوب، وكان دايمًا قريب منهم، يسمع، يشجع، ويزرع فيهم حب ربنا. في 2012، أخد أعظم قرار في حياته.. ساب كل حاجة واختار طريق الرهبنة. دخل دير السريان يوم 12 يوليو، وبعدها بأيام اتحسب طالب رهبنة. سنتين بس، وكان راهب رسمي باسم "كبريانوس" يوم 11 نوفمبر 2014. ماكانش مجرد راهب عادي.. كان قلبه مليان بمحبة وخدمة كل اللي حواليه. اشتغل في تجهيز طعام الضيوف، وصناعة القربان، وزرع في أرض الدير، وكان مسؤول عن الكانتين.. شغل كتير، لكن كله بحب ورضا. وفي 2023، اترسم ككاهن.. تكليل لسنين الخدمة والطاعة. لكن الرحلة على الأرض كانت أقصر من المتوقع.. يوم 8 يوليو 2024، ساب عالمنا عن عمر 38 سنة بس، بعد ما عاش 10 سنين في حياة الرهبنة.. 10 سنين من الحب، العطاء، والخدمة اللي لحد النهاردة بتشهد عنه. رحلته قصيرة.. لكن نوره عمره ما هينطفي! |
||||
|
10 - 05 - 2025, 11:37 AM
|
رقم المشاركة : ( 195987 ) | ||||
|
† Admin Woman †
|
رد: وجبـــــــة روحيـــــ(†)ــــــــــة يوميـــــــــة
 ياربِ أجعل حياتنا إشراقة محبتك وحقيقتك لأولئك التائهين في الظلال الباحثين عن منارة الأمل. آمين |
||||
|
10 - 05 - 2025, 11:38 AM
|
رقم المشاركة : ( 195988 ) | ||||
|
† Admin Woman †
|
رد: وجبـــــــة روحيـــــ(†)ــــــــــة يوميـــــــــة
ياربِ في سعينا وراء الحكمة والفهم عبر الصلاة نُقرّ بحدودنا ونفتح قلوبنا لللانهائي. آمين |
||||
|
10 - 05 - 2025, 11:39 AM
|
رقم المشاركة : ( 195989 ) | ||||
|
† Admin Woman †
|
رد: وجبـــــــة روحيـــــ(†)ــــــــــة يوميـــــــــة
ياربِ أجعل التواضع والإيمان يُغيّر حياتنا ليس نحن فقط بل من حولنا أيضًا. آمين |
||||
|
10 - 05 - 2025, 11:41 AM
|
رقم المشاركة : ( 195990 ) | ||||
|
† Admin Woman †
|
رد: وجبـــــــة روحيـــــ(†)ــــــــــة يوميـــــــــة
ياربِ ذكرٌنا بأن الحكمة الحقيقية غالبًا ما تأتي في لحظات هدوءٍ من التأمل والاستعداد لرؤية العالم بعيني الله. آمين |
||||
العرض العادي
