|
 |
 |
 |
06 - 05 - 2025, 11:26 AM
|
رقم المشاركة : ( 195431 ) | ||||
|
† Admin Woman †
|
رد: وجبـــــــة روحيـــــ(†)ــــــــــة يوميـــــــــة
ربنا عمره مابينسى حد لكنه له توقيته المناسب جدا لينا طفل كان دايما يقول لابوه يابابا مش هاتحلى بوقى بقى ��.. ابوه يقوله حاضر .. بعدها بشويه يقوله الله يابابا حلوه اوى الشيكولاته دى هاتهالى .. يقولها لا دى مش حلوه يزعل الولد ويعيط جامد ويقوله انا عاوزها يقوله لا دى مش ليك .. يعيط جامد ������ وابوه يشوفه بيعيط يطبطب عليه ويمسك ايديه ويكمل معاه المشوار .. يقوم الولد يشوفى واحد بتاع حلاوه تزغلل عينيه .. يقوله الله يابابا دى اكيد ليا هاتهالى بقى انا بوقى مر جدا عاوز احليه يقوله لا اصبر شويه الحلاوه دى مش ليك مش هاتنفعك .. يعيط الولد كالعاده ���� لدرجه انه شد ايديه من ابوه وقاله .. انت ليه بتعمل معايا كدا حرام علييييك �� ، انا اكتر واحد محتاج الحاجه الحلوه وانت وعدتنى بكدا ليه انت مش بتحبنى وبتحب اخواتى اكتر���� ... ابوه يبصله �� ويطبطب عليه ويمسك ايديه تانى ويكمل معاه المشوار .. لغايه ما الولد نام من التعب قام ابوه شاله على كتفه لغايه ماوصلوا بالسلامه .. وجه الاب يصحى الولد ويقوله اتفضل يا حبيبى الحاجه الحلوه���� اللى وعدتك بيها دى احلى بكتير من اى حاجه انت كان نفسك فيها عشان تعرف ان ابوك عمره ما نساك او فرق مابينك وبين اخواتك لكن كل واحد فيكم له الحاجه المناسبه له فى الوقت المناسب له ���� ربنا عمره مابينسى حد لكنه له توقيته المناسب جدا لينا |
||||
|
|
|||||
|
06 - 05 - 2025, 11:30 AM
|
رقم المشاركة : ( 195432 ) | ||||
|
† Admin Woman †
|
رد: وجبـــــــة روحيـــــ(†)ــــــــــة يوميـــــــــة
ربنا عمره مابينسى حد لكنه له توقيته المناسب جدا لينا كنا اخر الشهر والصبح رايح الشغل وكان فى جيبى اخر ظ¢ظ*ظ* جنيه ورقه واحده وخمسه جنيه .. فا لاقيت واحده ست كبيره قالتلى ربنا يجبر بخاطرك ومايحرمكش ابدا ادينى اى حاجه ... قومت مطلع المحفظه وطلعت الخمسه جنيه وعطيتهالها ومشيت ... روحت اركب وبجهز الفلوس بطلع المحفظه لاقيت الظ¢ظ*ظ* جنيه مش موجوده .. اتصدمت ���� قولت بردو كدا يارب يعنى اعمل خير يحصل فيا كدا ..�� طيب اروح الشغل ازاى وانا ممعيش غير ال ظ¢ظ*ظ* دى حتى الفيزا صفر مافهاش مليم .. وقفت فى الشارع ومش عارف اعمل ايه ؟ طيب اروح ادور على الظ¢ظ*ظ* اكيد اتاخدتت طيب ارجع بيتنا طيب اقول لمديرى ايه؟؟ وفى عز وانا بفكر بقول يارب حل الموقف المحرج ده ���� فجأه لاقيت رساله جاتنى بظ¥ظ*ظ* جنيه كاش باك من البنك بتاعى ������ روحت سحبت الفلوس وركبت .. وانا قاعد وسرحان قولت ربنا عوضنى عن الخمسه جنيه بعشر اضعافها ياريتنى كنت عطيت الست الظ¢ظ*ظ* جنيه �� ربك عمره مايبات مديون ابداااا |
||||
|
06 - 05 - 2025, 11:32 AM
|
رقم المشاركة : ( 195433 ) | ||||
|
† Admin Woman †
|
رد: وجبـــــــة روحيـــــ(†)ــــــــــة يوميـــــــــة
بسبب أمانته حياته أتغيرت ... عادل 29 سنه ، عامل فى شركة مقاولات ، كان شغال فى مشروع فى البحر الأحمر ، مرتبه لا يتعدى ال 3000 جنيه فى الشهر ولو فى حوافز أو مكافئات ممكن يكمل ال 3800 ، عادل كان راضى بنصيبه ودايما بيقول أحسن من مافيش وماحدش لاقى شغل وكويس قوى اللى انا فيه ده ، أول يوم فى شهر تسعه حس بألم شديد جدا جدا ، راح كشف ، الدكتور قاله المراره عندك ملتهبه جامد ، ولازم تتشال ، بس قبل ما نشيلها هاتاخد علاج لأخر الشهر عشان يخفف الإلتهاب ، وتكاليف العمليه 7000 جنيه. يعنى زياده عن ضعف مرتبه ، عادل شرح ظروفه للدكتور بإن مرتبه مش هايكفى تكاليف العمليه ، دا غير ان لسه فى مصاريف معيشه وعلاج ، خصوصاً ان عادل كل اللى كان محوشه بعته لأبوه فى البلد عشان يبنوا بيه البيت بعد ما كان مهدد بالسقوط لانه كان بالطين ، المهم الدكتور سمع ظروف عادل وقاله انا هاحاول اتفاوض مع المستشفى تنزلك المصاريف شويه ، ومن انهرده لأخر الشهر ربنا يحلها ... خرج عادل من عند الدكتور مخه مقلوب ، ويجيبها شمال يمين مش راضيه تتعدل أبدا ، مقفوله من كل حته ، جرب يستلف ويقسط السلفه على كذا شهر ماحدش من صحابه وافقوا لانهم نفس حالته الماديه ، وماحدش معاه المبلغ ده ... عادل من الشخصيات المرتبطه جدا بربنا ، بينه وبين ربنا علاقه شديده قوى ،برغم من ان ربنا مش واهبه أى ماديات ولا وسائل راحه فى حياته ولا حتى مكانه إجتماعيه كبيره ، لكنه واهبه أعظم شئ الرضا .... عادل كان دايما يقول الحمدلله ، كل مشكله وضيقه يقع فيها دايما يقول الحمدلله وواثق ثقه شديده فى ربنا ان كله للخير ... المهم بعد دوخه من عادل على أى صرفه يعرف يجمع بيها مبلغ العمليه بردو ماعرفش ، الدكتور اتصل بيه يوم 23 /9 وبلغه ان المستشفى رفضت تخفيض المبلغ ، سأله انت جمعت كام .. قاله انا مستنى المرتب هايكون 3000 وانا معايا 500 يبقى 3500 ... قرر الدكتور انه يسلفه باقى المبلغ 3500 جنيه ويقسطه براحته بعد كدا ، وكأن ربنا سمع صلاة عادل الحاره وحنن قلب الدكتور .. وحددوا معاد العمليه يوم26/9، بعد الكشف على حالة عادل.. يوم 24/9 نزل المرتب ، راح عادل سحبه كله وحطه فى المحفظه وراح البيت ... وصل بيتهم إكتشف ان المحفظه وقعت بالفلوس بكل حاجه ... حزن عادل حزن شديد جدا ، صراخ شديد منه لربنا وصلاه بدموع حاره بعتاب قوى يهز جدار التجربه الصعبه ... أنهى صلاته بكلمتين ... واثق فيك نام عادل وتانى يوم الموافق 25/9 نازل الصبح الساعه 7.30 رايح الشغل ، لقى محفظه واقعه فى الشارع فيها 10000 جنيه ورق فئة 200 ، ومافيهاش أى إثبات شخصيه لصاحبها ، طبعا أى واحد فى حالة عادل السيئه كان إفتكر ان ربنا بعتله المحفظه دى عوضاً عن فلوسه اللى وقعت ومكافئه لتحمله التجربه وصبره .. لا عادل مافكرش كدا ، دا أخد المحفظه وقرر انه يسلمها لقسم البحر الأحمر .. دخل القسم وطلب انه يبلغ عن محفظه مفقوده .. الظابط شاف حالة عادل على قده ، فا قاله بلهجه شديده ،أركن بس على جنب، لانه كان مشغول مع رجل أعمال ذو شأن كبير .. بلاغ رجل الأعمال عباره عن ... فقدان محفظه تحتوى على 10000 جنيه ورق فئة 200.. سمع عادل وقام صارخ بفرح .. يابيه انا لاقيت محفظتك فى الشارع ، وكنت جاى اسلمها أهى . رجل الأعمال أستغرب جدا قاله انت اسمك ايه قاله عادل .. الظابط قاله عادل مين ، رد عادل بأسمه الثلاثى .. الظابط قاله انت ضاعت منك محفظه إمبارح ، قاله اه رد الظابط وقاله محفظتك اهى ، شاب لاقاها امبارح وجه سلمها وفيها مبلغ 3000 جنيه .. فرح عادل جدا ، ومابقاش عارف يشكر الظابط ولا يشكر الشاب اللى لقى محفظته ، ولا يشكر الحظ الحلو انه بعتله المحفظه دى فى طريقه عشان يلاقى محفظته ... لكن فى النهايه فرح جدا رجل الأعمال بتصرف عادل ، وأهداه 2000 جنيه مكافئه ، وبعد ما عرف ظروفه وان الفلوس اللى كانت فى محفظة عادل فلوس العمليه ، قرر رجل الاعمال بتحمل كافة مصاريف العمليه ، وعشان أمانته قرر تعينه أمين مخازن عنده فى الشركه بمرتب 6000 جنيه فى الشهر .. حكمة الله لا يعلمها سوى الله ، ولكن تأكد ان الله يحبك كثيراً ولا يفعل شئ ضدك ، فقد ثق به. |
||||
|
06 - 05 - 2025, 11:34 AM
|
رقم المشاركة : ( 195434 ) | ||||
|
† Admin Woman †
|
رد: وجبـــــــة روحيـــــ(†)ــــــــــة يوميـــــــــة
ربنا بيحس بانين اى حد حتى لو مانطقش بحرف واحد بوجعه كنت واقف فى الشارع قدام المحل فا فى عربيه وقفت قدام المطعم اللى جنبى ، جرى عليها ولد عشان يمسحها وياخد اى حاجه من صاحبها ، فا لاقيت صاحب العربيه زعقله لدرجة انه كان هايضربه وقاله " عارف لو لمست العربيه هاكسر دماغك " الولد زعل ، وزعل جداً كمان وقعد على الرصيف وهو مكسوف قوى من نفسه وعمال يمسح هدومه فى محاوله منه انه يحسن من مظهره عشان يثبت لصاحب العربيه انه نضيف .. الراجل بعد ما ركن عربيته ودخل المطعم ومعاه مراته ، بعدها بحاولى ساعه ، لاقيت الراجل ده طالع وحرفياً كان هايبكى زى العيال الصغيره .. محفظته وقعت ، ويدور عليها يمين شمال وتحت العربيه وينام عالارض عشان يدور عليها وهدومه اتبهدلت خالص.. كان محطوط فى موقف محرج جداً بعد ما دخل واكل لقى نفسه مش معاه ولا مليم .. لدرجة انى انا فضلت ادور معاه ، بعدها بحوالى عشر دقايق لاقينا صاحب المطعم خرج ونادى على الولد الصغير والراجل قاله انا مستعد اخليك تمشى وتجيبلى الفلوس فى اى وقت بس بشرط تعتذر للولد ده على اللى انت عملته معاه وتقوله انا اسف .. لانه بجد كويس ومحبوب من كل المنطقه .. الراجل ما ترددش لحظه انه يعتذرله لكن ساعتها حسيت بفخر عظيم جداً للولد لما الراجل اعتذرله ساعتها بجد حسيت ان ربنا بيحس بانين اى حد حتى لو مانطقش بحرف واحد بوجعه .. |
||||
|
06 - 05 - 2025, 11:39 AM
|
رقم المشاركة : ( 195435 ) | ||||
|
† Admin Woman †
|
رد: وجبـــــــة روحيـــــ(†)ــــــــــة يوميـــــــــة
لو مش قادر تاخد حقك اتاكد ان ربنا هايجيبهولك روحت اجيب لحمة العيد قالى فى نوعين سوبر وعادى قالى العادى هاحطلك فيه سمين قولتله بس انا مش بحب السمين ولا باكله قالى خلاص خد سوبر ، قولتله تمام اقطعلنا من السوبر ، بعد ما قطعت اللحمه قولتله معلش خلى الحاجه عندك فى التلاجه عشان لسه معايا لفه طويله وخايف اللحمه تبوظ ، وهارجع اخدهم منك قالى براحتك تمام ... المهم خلصت مشاويرى كلها ورجعت خدت منه الحاجه وروحت البيت بفتح الاكياس لاقيت اللحمه كلها سمين ومش هى دى اللحمه اللى انا قطعتها ، لاقيت الوقت اتاخر والراجل اكيد قفل ، قولت اروحله بكره ، تانى يوم روحتله قالى الحاجه دى مش من عندى ، قولتله ازاى دانا قاطعها من عندك امبارح قالى ايوه فاكرك وعارفك وانت اخدت حاجتك لكن اللحمه اللى انت جايبها دى مش بتاعتى وانا عارف انا بعمل ايه والحاجه دى مش هاتطلع منى ومستحيل اخسر زبون ، المهم زعقت وهو زعق والناس دخلت تحوش ، وكانت خناقه كبيره قوى بينى وبينه .. دخل راجل كبير مسكنى من دراعى وخدنى على جنب وقالى .. انت اول مره تقطع من عنده ؟ قولتله اه قالى طيب احسنلك خد الحاجه وامشى عشان الراجل ده مش هاتاخد منه اى حق ، ده راجل شرانى وبيعمل الحركه دى دايما .. وماحدش عارف يعمل معاه حاجه .. بصراحه انا لاقيت نفسى لوحدى وهو عيله بقى .. وفى نفس الوقت مش قادر امشى وانا مش عارف اخد حقى .. قولتله بص المثل بيقول الكتره تغلب الشجاعه ، وانا لوحدى لكن معايا ربنا وشاهد ان لى حق عندك واكيد هايجبهولى ومشيت سيبته .. الكلام ده كان يوم الاتنين اللى فات ... انهارده الصبح ماشى جنب محل الجزاره لاقيته متشمع ، بسال ليه ؟؟ قالولى لجنة صحه دخلت ولقيو عنده لحوم فاسده ، ده غير الغرامه اللى دفعها .. خلاصة الكلام لو مش قادر تاخد حقك اتاكد ان ربنا هايجيبهولك . |
||||
|
06 - 05 - 2025, 11:42 AM
|
رقم المشاركة : ( 195436 ) | ||||
|
† Admin Woman †
|
رد: وجبـــــــة روحيـــــ(†)ــــــــــة يوميـــــــــة
لو مش قادر تاخد حقك اتاكد ان ربنا هايجيبهولك واحد منزل الصوره دى وكاتب الأرنب مبسوط أكتر منى .. الصوره عباره عن حفره فى قلب الجبل وفيها عنقود عنب وارنب .. الطبيعى ان الارنب لازم يبقى مبسوط بالوضع ده ، عارف ليه ؟؟ لانه بيبسط نفسه باكل الامكانيات ، مش محتاج عربيه موديل جديد عشان ينبسط ، مش محتاج يطلع رحله بمبلغ عشان ينبسط ، مش محتاج يشترى لبس بمبلغ كبير عشان اركان الإنبساط تكتمل عنده ويحققها .. مش محتاج ايربود ولا ساعه سمارت ولا ايفون برو ماكس والحوارات دى كلها. . مش محتاج ده كله عشان ينبسط هو عاوز يقعد بعيد عن التهديد من اى حيوان مفترس تحت شطره ضله او حفره فى ارض ومعاه اكله وخلاص مش محتاج اكتر من كدا ، مش معقد الدنيا زينا.. ماتعقدوش الدنيا يا جماعه ابسطو نفسكم باقل الامكانيات كيس لب على الكورنيش مع شويه شاى وابسط نفسك باللى معاك مش لازم تستلف ولا تعمل جمعيه ولا تسحب قرض عشان تتبسط ماتصعبوش الدنيا عليكم .. . |
||||
|
06 - 05 - 2025, 11:43 AM
|
رقم المشاركة : ( 195437 ) | ||||
|
† Admin Woman †
|
رد: وجبـــــــة روحيـــــ(†)ــــــــــة يوميـــــــــة
فى ناس اساتذه فى دس السم فى العسل خلى باللك وماتعملش زيى.. انهرده نزلت السوق لاقى كل الناس كاتبين على الطماطم بظ¥ لكن لاقيت واحد بس كاتب على الطماطم بظ¢ جنيه قولت ايه ده استغربت جداً.. خصوصاً انها طماطم حلوه جداً ومعروضه بشكل منظم ويفتح النفس .. قولت اروح اشوف الراجل ده .. داخل عليه وانا قلقان بردو مش مصدق ازاى فى كل حته بظ¥ وهو ب ظ¢ .. قولتله انا هاخد منك بس لو حاجه بايظه هابدلها ، لاقيته بيكلمنى بكل احترام واللى انت عاوزه ياباشا .. خدت منه ظ¥ كيلو بعشره جنيه ، وفعلاً طماطم تحفه ومافيهاش غلطه.. لكن لما جيت هنا البيت حصلت المصيبه اللى ماكنتش متوقعها تماماً.. الطماطم من جوه مليانه دود ، كل الطماطم بايظه من جوه برغم شكلها الجميل جداً.. بحثت عالنت وعرفت ان ده مرض بيصيب الثمره من جوه ومايبانش عليها من بره نهائى .. الخلاصه اللى عاوز اقولها.. مش كل واحد قالك كلمتين حلوين وقدملك كام خدمه من غير مقابل يبقى ابن ناس وتديله عينيك بالعكس.. فى ناس اساتذه فى دس السم فى العسل .. |
||||
|
06 - 05 - 2025, 11:45 AM
|
رقم المشاركة : ( 195438 ) | ||||
|
† Admin Woman †
|
رد: وجبـــــــة روحيـــــ(†)ــــــــــة يوميـــــــــة
حتى الافعال الحلو اللى بنشوفها بقيت مزوره سبع غرز فى الكف اليمين .. نزلت انهرده عشان اجيب خضار لاقيت واحد عارض خضار حلو جداً ونضيف جداً جداً لدرجة انه لما كان بيرص البضاعه كان بيغسل الخضار قبل ما يحطه على العربيه ودى حاجه لفتت انتباهى قوى بس كان فى حاجه خوفتنى ، ماكنش حاطط تسعيره وعمال بيقول ببلاش ببلاش ببلاش .. اللى خوفنى ان مافيش حد كان بيروحله طيب ليه ؟؟؟ قولت اروح واشوف الدنيا ايه .. روحت بكام الطماطم ياعمى قالى بره بظ¦:ظ¥ظ* عندى بظ¥ قولتله تمام بس انا اللى هانقى .. قالى حقك ياباشا خد الكيس ونقى اللى انت عاوزه المهم انا استغليت الموقف وجبت منه حاجه كتيره قوى .. قولت اجيب خزين الشهر كله بالمره ماحدش عارف الظروف ايه .. خدت الحاجه ووقفت توكتوك والراجل فيه الخير ساعدنى وحطلى الحاجات فى التوكتوك وحط تحت كلمة ساعدنى وحطهملى مية خط عشان هانرجعلها تانى .. اول مادخلت البيت وزنت الحاجه كعادتى لاقيت كل كيس ناقص نص كيلو ، ساعتها الراجل قالى انا ماعنديش غير كفه ظ¢ كيلو بس فا هوزنلك اتنين اتنين ، يعنى لو محتاج ظ¦ كيلو هايوزنهم على ظ£ مرات احسب بقى فى الكميه الكبيره اللى اخدتها هاتلاقيه ناصب عليا فى مبلغ محترم … رجعتله وانا شايط ودبيت معاه خناقه كبيره قوى انتهت بإصابتى بسبع غرز فى ايدى والحمدلله انها مادخلتش فى اوتار الصوابع .. عزيزى القارىء الحياه صعبه ، لأن اقل قلم منها ممكن ياخد روحك الحياه مش عاوزه الطيشان والتهور ، اهدى وركز وفكر مليون مره قبل ما تاخد اى خطوه فى حياتك ، لان التزوير بقى فى كل حاجه حتى الافعال الحلو اللى بنشوفها بقيت مزوره .. |
||||
|
06 - 05 - 2025, 11:48 AM
|
رقم المشاركة : ( 195439 ) | ||||
|
† Admin Woman †
|
رد: وجبـــــــة روحيـــــ(†)ــــــــــة يوميـــــــــة
ياريت نتعلم الحب البسيط منهم كنت راكب القطر انهرده الصبح ورايح المحافظه عشان اخلص شوية ورق ، وانا فى القطر لاقيت راجل كبير فى السن قصير ولابس جلابيه سوده وشال تقيل ، شعره ابيض ودقنه طويله ، ماسك سبحه ومعاه ظرف كبير ودايماً بيبص فى الساعه .. الراجل ده قعد جنبى ، وكل شويه يسالنى .. المحافظه قربت؟ وانا اقوله لسه يابويا .. فضل يسأل كتير .. قولتله انا نازل المحافظه يابويا اول مانزل هاقولك .. فضل يدعيلى جامد وملامح وشه باين عليها التعب والإرهاق الشديد وكأنه بيستعطف ربنا لشىء معين فى دماغه .. طول ما هو قاعد عمّال يتمتم بصلوات .. قولتله خير يابويا سيبها على ربنا .. قالى .. يارب ياولدى بس إزاى!! هاتتحل إزاى بس ؟؟ كان بيقولها وهو مغلوب على أمره وعينه لمعت وكأنه هايبكى.. قولتله خير يابويا فى ايه ؟؟ إحكيلى يمكن أقدر أساعدك .. قالى .. الأشعه دى بتاعت مراتى ، من شهر حست بوجع فى بطنها ، راحت لدكاتره كتير وكل واحد يقولها مرض شكل ويطلعلها علاج ومايجبش نتيجه ، الإسبوع اللى فات روحنا لدكتور فى المحافظه بيقولو شاطر قوى وبيروح يدى محاضرات فى مصر فى الجامعه هناك .. قالنا انه إشتباه بنسبة كبيره إنه ورم ، لأن كل الأعراض والعلاجات اللى مش جايبه نتيجه بتثبت انه ورم .. طلب اننا نعمل أشعه عشان يحدد نوع الورم ويبدأ معانا رحلة العلاج .. الراجل وهو بيتكلم كان بيبكى .. قالى دى مش بس مراتى دى كل حاجه بقيالى فى حياتى ، إحنا ربنا مارزقناش بعيال ، وانا وهى مالناش غير بعض ، لو حصلتلها حاجه انا هاموت ، مش هاعرف أعيش من غيرها ، ده يوم ماحجزوها فى المستشفى من شهر ، خوفت أروح البيت ، كنت بنام جنبها على الأرض وهى على السرير .. قاطعته فى الكلام وقولتله .. وأستحملت نومت الأرض!! قالى ياولدى وجع الأرض ونفسها جنبى ، أهون بكتير من انها تكون بعيد عنى . دى قلبى اللى عايش به .. من شدة كلامه وتأثره كانت عينيه بتبكى وانا عينا دمعت لا إرادى ، الراجل كان عامل زى الطفل اللى تايه من امه .. راجل كبير قوى فى السن لا يعرف يقرا ولا يكتب ، مايعرفش يعنى ايه اغانى رومانسى ولا مسلسلات تركى ، ولا فيس وقلوب وكل الكلام ده، إزاى حبه لمراته شديد قوى كدا .. ده كفايه كلامه أقوى من ألف قصيده .. أستاذنت منه اجى معاه عند الدكتور عشان أطمن ، كان عندى فضول عجيب انى أطمن على حالة مراته وبدعى من كل قلبى ان الورم يطلع حميد وتخف منه حتى لو بإستئصال .. الراجل الأول رفض عشان مايتعبنيش لكن انا إتحججت بأنه فى طريقى .. المهم روحنا ، ودخلنا عند الدكتور ، والراجل كان من شدة صلاته ودعواته كان جسمه كله بيتنفض .. بص الدكتور على الأشعه وفضل مركز جامد ، بعد كده حطها فى جهاز ينورها أكتر ، وبردو كان مركز .. بعد كده اتصل بالمركز اللى عمل الأشعه عشان يتأكد من معلوماتها .. بعد طول تركيز منه ، قعد على المكتب وقلع النضاره وقاله يابويا .. المدام مافهاش حاجه هم شوية إلتهاب وهاتخف مع العلاج .. الراجل من شدة الفرح ماكنش مستوعب ، لدرجة ان الدكتور قاله نتيجة الأشعه أكتر من خمس مرات عشان يستوعب ، ماكنش مصدق نهائى .. الدكتور فضل يضحك ضحة فرحه وقاله .. حبك ليها صنع معجزه ، ربنا سمع صلاتك يابويا �� الدكتور بص ليا وقالى ياريت نتعلم الحب البسيط منهم �� |
||||
|
06 - 05 - 2025, 11:52 AM
|
رقم المشاركة : ( 195440 ) | ||||
|
† Admin Woman †
|
رد: وجبـــــــة روحيـــــ(†)ــــــــــة يوميـــــــــة
 الله الآب الخالق والمحافظ على جميع المخلوقات! انعموا بأولادي المساكين بروحكم القدوس ، فليوقد فيهم الخوف الحقيقي من الله ، الذي هو بداية الحكمة والحصافة المباشرة ، التي بموجبها يسير مدحها إلى الأبد. أسعدهم بالمعرفة الحقيقية عنك ، واحفظهم من كل عبادة الأصنام والتعاليم الباطلة ، واجعلهم ينمون في إيمان حقيقي وخلاصي وكل تقوى ، وقد يثبتون فيهم باستمرار حتى النهاية. امنحهم قلبًا وعقلًا مؤمنًا ومطيعًا ومتواضعًا ، حتى ينمووا في السنين وفي نعمة أمام الله وأمام الناس. غرسوا في قلوبهم حبًا لكلمتك الإلهية ، حتى يكونوا محترمين في الصلاة والعبادة ، محترمين لعباد الكلمة ومع كل شخص مخلص في الأفعال ، خجولون في حركات الجسد ، عفيفون في الأخلاق ، صادقون في الأقوال ، مخلصون في الأعمال ، مجتهدون في دراستهم. ، سعداء في أداء واجباتهم ، عقلانيون وصالحون لجميع الناس. راقبهم من كل إغراءات العالم الشرير ، ولا يفسدهم المجتمع الشرير. لا تدعهم يسقطون في النجاسة والفساد ، ولا تقصر حياتهم ولا تتركهم يسيئون للآخرين. احمهم في أي خطر ، حتى لا يتعرضوا للدمار المفاجئ. اجعلها حتى لا نرى فيها عارًا وعارًا ، بل شرفًا وفرحًا ، حتى تتكاثر مملكتك بها ويزداد عدد المؤمنين ، وليكونوا في السماء حول وجبتك ، مثل أغصان الزيتون السماوية ، ومع كل المختارين يجازونك. الإكرام والتسبيح والتمجيد بيسوع المسيح ربنا. آمين. |
||||
العرض العادي
