بعد وصول عدة تهديدات على الرسائل الخاصة
بعد تكملة الأسئلة فى الموضوع لـــ حواء
فقد قررت أن استمر ولا نخشى تهديدات حواء لنا
هههههههههههههههههههههههههه
تهديدات من مين بقى
ههههههههههههههههههه
الجزء الأخير من الأسئلة أدم فى استضافة حواء ....
ماهو اللون المفضل لديكى ؟
درجات الازرق ودرجة البنفسجى اللى فى صورتى الشخصية هنا
والتركواز
دول اكتر الوان بحبها
ماهو اليوم المفضل لديكى ؟ ولماذا ؟
اخر يوم فى السنه ( الكريسماس )
بيبقى ميلاد سنة جديدة بنبتديها بذكرى ميلاد المسيح
ماهو الشئ الغامض فى حياة سما وقررت ان تبوح به اليوم لنا ؟
مافيش غموض خالص
المرأة لغز !!! اذاً لماذا قالوا عنها ذلك ؟
علشان بتقدر تتحكم فى مشاعرها بسهوله وممكن تلاقيها مش بتبين اللى جواها بسهوله
هى دى حوا ههههههههههههه
لماذا المرأة دائماً تخشى ان تقول عن عمرها الحقيقى ؟
علشان بتحب تبان صغيره دايما قدام الكل
والسن بيفضحها ههههههههههه
كيف يكون أدم مميز فى نظرك ؟
ادم اللى بيميزه اهتمامه بالمرأة وحنانه عليها ورمانسيته حتى لو باقل الكلمات
ماهى الصفات التى يجب ان يميز بها أدم حواء لكى تكون مميزة فى نظرة ؟
الرقه فى اسلوب كلامها وتصرفاتها والصوت الواطى وانها تكون مرحة مش كئيبة واهتمامها بأدم وطريقة تفكيرها واحترامها لادم هو دة اللى يخليها مميزه فى نظره
اوصفى زوجك فى ثلاث كلمات ؟
حنون لدرجة ماتتوصفش - مرح - متفاهم
ماهو السر الحقيقى والنجاح فى الحياة الأسرية ؟
لو اتكلمت عن اسرار نجاح الحياه الاسرية عايزة مجلدات انا هههههههههه
اول حاجة ان يكون وسطنا ربنا فى كل حاجة بنمر بيها
اتكالنا على ربنا فى كل ضيقاتنا ومشاكلنا بالصلاة مع اجل بعض
بيخلى حياتنا تبقى مباركة وناجحة
واهم حاجة ان اسرار البيت ماتطلعش برة ابدااااااااااااا حتى لو للاهل او الاصحاب
وكمان التفاهم والصراحة حتى لو هاتزعل الزوج او الزوجة لازم مانكدبش
لان الصراحة بتخفف حدة المشكلة كتيييييييير جدا
و الكدب بيهدم الحياه الاسرية ودة اتفاق بيكون فى بدايه الحياه الزوجية بين الزوجين
والاهتمام مايقلش ان كان من الزوج او الزوجة علشان الحياه ماتبقاش مميته حتى لو فى اولاد لازم الزوجة تبقى حكيمة وبرغم تعبها مع اولادها ماتنساش زوجها
فى وسط كل دة
حنيتها دى بتخلى الزوج عايز يعمل اى حاجة علشان يريحها وبتلاقيه بيساعدها فى شغل البيت . وكمان ربنا بيفرح قلبها
ولو الزوجة بتشتغل فحاجة بسيطة منها باهتمام ومحبة كافيه جدا انها تفرح قلب زوجها
زى مثلا تكوى قميص ليه او كذا قميص يريحوه شوية طول الاسبوع وممكن تحط فى جيب القميص ورقة مكتوب فيها اى كلمه حلوة
او تلمع الجزمة بتاعته او تعمله فطار سريع وهكذا ....
هو دة الاهتمام ولو بأقل الاشياء
ولازم تكون الزوجة مرحة وبشوشة مش كئيبة ونكدية حتى لو شايله هموم الدنيا تسيبها على ربنا وتصلى دايما من اجل كدة
مش بقول ان مايكونش عندها احساس وتفضل مبتسمة علطول لكن هى ممكن تخلص شغل البيت الصبح بدرى وتخلص الاكل بدرى برضه وتبقى فاضية ورايقة طول اليوم ومستعدة انها تقابل زوجها بالبشاشة ولو بتشتغل هى تقدر تنظم وقتها لان الزوجة حكيمه
وعلى فكرة هى ممكن تعمل اكل يومين ورا بعض او مثلا تعمل اكل وتحفظة بالفريزر واول ما ترجع يا دوب تعمل حاجات بسيطة ماتخليهاش تعبانه طول الوقت على الاقل
ودايما تهتم بشكلها جوة البيت اكتر من برة البيت دى اهم حاجة
تكون متغيره فى شكلها دايما ومظهرها يعنى مرة تنكش شعرها ومرة تخليه ناعم وهكذا
علشان مايكونش فى روتين جوة البيت ممكن تغير مكان اساس البيت
يعنى الانترية مثلا تغير مكانه كل فترة وتخلى الكراسى مكان الكنب وهكذا
دة بيعمل تجديد جوة البيت حتى لو بحاجات بسيطة تفرح قلب زوجها بيها
فى حاجة كمان مهمة ودى تيجى من الزوجة اكتر ولازم تاخد بالها منها
لما الزوج يكون متعصب وبيزعق وصوته على وقت مشكلة معينه لازم الزوجة تهدى وتسكت وتستنى لما هو يهدى الاول وبعد شوية تيجى تتناقش معاه بحكمة
او تانى يوم الصبح تكتبله ورقة وفيها كل اللى ضايقها منه
علشان وقت النقاش الحاد هى بتكون عايزة تقول حاجات كتير بتعدى عليها ومش بيوصلوا لاى حل
المراة معروفة بحكمتها الجبارة وطريقة الورقة دى حلوة لحل كتير من المشاكل
وكمان كل فترة مثلا وانتى بتعملى السندوتشات لزوجك ممكن تكتبى ورقة صغيرة وسط السندوتشات تكتبى فيها هاتوحشنى او تدعيله ربنا يقويك ياحبيبى وهكذا ....
لازم الزوجة تهتم بزوجها جوة البيت وبرة البيت وتهتم بمظهره وبملابسه هو كمان
وكمان الزوج يهتم شوية ببيته وزوجته لان الاهتمام حتى ولو بوقت قليل او بموقف صغير بيخلى الزوجة طايرة من الفرح وحياتهم بتكون مليانه حب وفرح وسلام وبركه
ماهى علاقة اسرتك وارتباطها بالكنيسة ؟
نشكر ربنا علاقة حلوة
هل للكتاب المقدس دور فى حياتك وحياة أسرتك ؟
اكيد بنستفاد منه كتير فى حياتنا
ماهو أكثر شئ يسعدك فى المنتدى ؟
لما اعمل حاجة حلوة تفرح اى حد
ماهى ملاحظتك فى المنتدى ؟
ان المنتدى مبنى على اساس صلب وهو المحبه وكتير عدو الخير كان بيحاول يهدم المنتدى باكتر من طريقة بس فشل بنعمه ربنا
ماهو أفضل قسم لكى فى المنتدى ؟
قسم التصميمات
واقسام الصور عموما
واكترهم قسم صور القديسين والقديسات
وصور العدرا
وقسم حظك اليوم
الاقسام دى انا ببقى مش عايزة اطلع منهم خالص
واخيراً عاوزين تصميم منك يمثل الفرح المسيحى
ماشي يا ادم باشا
هههههههههههههههههههههههه
هاعمل التصميم النهاردة اوك وهانزله هنا
14 - 02 - 2014, 10:55 AM
العرض المتطور