حــواء فــى استضافــــة ادم والعكـــس

[sama smsma]

المشاركة الأصلية كتبت بواسطة ناصر أمير

ايه ده حصل حاجة غريبة اوى
انت متأكدة يا كاتى انك كتبت باللون الأحمر لانك انت قولتى انك كاتبة باللون الأحمر والكلام عندى باللون الأخضر ده حتى كلام هانى طالع عندى باللون الأخضر..أكيد فى معجزة حصلت ههههههه
مفيش داعى يا كاتى حكاية اللون الأحمر ده...ده حتى سما بتقول ان اللون ده بيضايقها
ازيك يا هانى
معلش أنا معاك ان انتصارات الزمالك على الأهلى أقل لكن الفرق بين الزمالك والأهلى كلمة واحدة هى(الادارة)والزمالك من زمان موعود بالادارات الفاسدة اللى ضيعته كتير وحرمت منه البطولات
ومتنساش ان الأهلى قعد 10 سنين(1962-1972)مش عارف يكسب الزمالك
بجد يا سما اجاباتك جميلة جدا وكلماتك رائعة جدا ومفيش بعد كده واجاباتك على بعض الأسئلة فيها استفادة لناس كتير وأنا عن نفسى عجبتنى جدا الاجابة على سؤال(الشعور بالسلام)وحاسيت انى استفدت بالاجابة وهابتدى من النهاردة هاطبق الكلام اللى قولتيه فى حياتى وخصوصا لما قولتى اننا لازم نعيش حياة الفرح وسط الضيق والتجارب ونسلم الأمور للرب يسوع
وكمان الحاجة اللى كلها تعزية انك لما قولتى انك بتحلمى بالسما
وكمان لما تنبأت لمصر ان فى عجائب كتير قريب جدا من رب المجد
وكمان الأكلات اللى انت قولتى انك بتحبيها أنا كمان باحبها ماعدا أكلة واحدة انت قولتيها مش قادر أكتب اسمها علشان ما أول ما شفت اسمها على الشاشة وأنا عندى ألم جامد فى بطنى
هههههههههههه

هههههههههههههههه كوسة كوسة كوسة
اوعى ترجع فى وشنا طيب رجع بعيد شوية

وأنا سعيد اوى ان الكتابة هاتبقى باللون الأزرق
بجد اجابات راقية جدا وبعض الاجابات دروس مستفادة لينا كلنا

لا خالص بجد انا اللى بستفاد منكم

ونبتدى أسئلة اليوم التانى
المجموعة التانية(16 سؤال)
17 ايه هى الترنيمة اللى بتحبى دايما تسمعيها وبتتأثرى بيها؟
ماتعولش الهم وماتخافشى ربنا موجود

18 ايه هى الألوان اللى بتحبيها؟
الوان السما كلها ( درجات اللون الازرق )

19 ايه هى الدول اللى تتمنى تزوريها؟
قبرص و اليونان

وكمان ايه هى المحافظة أو المحافظات داخل البلد اللى تتمنى تزوريها؟
نفسى اروح اديرة الصعيد
20 من مثلك الاعلى فى الحياة؟
البابا كيرلس والبابا شنودة

21 أفضل يوم تحبيه فى الأسبوع وليه؟
بحب يوم الجمعة علشان احضر القداس الصبح

وكمان أفضل شهر فى السنة بتحبيه وليه؟
شهر ديسمبر بيبقى ختام للسنة واستعداد لسنه جديدة وفيه بنودع حاجات كتير فى حياتنا وبيبقى فيه صوم جميل هو صوم ميلاد الرب يسوع واحتفالات الكريسماس
وشهر اغسطس علشان صوم العدرا بحبه اووووى

22 هل تؤمنين بالحظ؟
لا مافيش حاجة اسمها حظ

23 ما هى هواياتك؟
الرسم وترميم الاثار ( دة كان فى مجال شغلى )
تصميم صور بالفوتوشوب
كتابة الترانيم والتأملات
اختراعات فى المطبخ هههههههههه

24 أى فريق مصرى تشجعين فى كرة القدم؟
الاهلى
بس عموما بحب اللعبة الحلوة
معروف ان احنا فى شهر يونيو داخلين على بطولة كأس العالم لكرة القدم عام 2014 والبطولة تقام كل 4 سنوات وستقام العام القادم فى البرازيل والبرازيل أكبر دولة فازت بكأس العالم(5 مرات)والعالم كل 4 سنوات ينتظر هذا العرس العالمى
هاقولك أسماء بعض الدول وياريت تقوللنا مين اللى هيفوز بكأس العالم(البرازيل-ألمانيا-اسبانيا-انجلترا-الأرجنتين-هولندا-فرنسا-ايطاليا)
يارب البرازيل تكسب

وكمان هاقولك 4 أسماء من اللاعبين مشهورة وتقوللنا مين فيهم اللى هيكون نجم كأس العالم وهل هانشوف بيليه ومارادونا مرة أخرى اللى تألقوا فى البطولات السابقة
أسماء اللاعبين(ميسى(الأرجنتين)-نيمار(البرازيل)
رونالدو(البرتغال)-ريبيرى(فرنسا)
ههههههه لا ماعرفش انا بس ياريت ميسى

25 هل تفضلى ان المرأة تنزل الى العمل أم تبقى فى البيت؟ ولماذا؟
لو البيت محتاج لعمل المرأة من ناحية الماديات والزوج عايز كدة
يبقى تنزل مافيش مانع وتساعده وخصوصا ان ظروف الحياه مش بسيطة وسهله
بس فى زوجات بيحبوا ينزلوا الشغل علشان يحسوا بكيانهم و دة بيبقى على حساب بيتهم واولادهم
بس انا عن نفسى احب ان الام تقعد فى البيت لان البيت والاطفال محتاجين اهتمامها اكتر
فاكيد لازم تهتم ببيتها اكتر من شغلها


26 متى يكون الكلام حكمة والصمت حكمة؟

كثرة الكلام لا تخلو من معصية
فالحكيم لا يصمت حين يجب الكلام ، ولا يتكلم حين يجب الصمت


27 ما هى أكبر عيوب الشباب المصرى من وجهة نظرك؟
التقليد الاعمى للموضة وللكلام السىء

وما هى النصيحة التى توجهيها للشباب المصرى؟
خليك عندك شخصية مستقلة وماتعملش حاجة غلط علشان ترضى بيها اصدقائك وماتنساش انك الاه انك ترضى ربنا وترضى نفسك


28 ما هى الشخصية العالمية(سواء موجودة بيننا أو رحلت)
كنت تتمنى انك تقابليها أو تشوفيها؟
الدكتور مجدى يعقوب

وما هى الشخصية المصرية(سواء موجودة بيننا أو رحلت)
كنت تتمنى تقابليها أو تشوفيها؟
البابا شنودة كنت اتمنى اشوفه قبل رحيله

ما هو القديس اللى كنت تتمنى انك تقابليه شخصيا أثناء حياته على الأرض؟
البابا كيرلس

ما هى القديسة اللى كنت تتمنى انك تقابليها شخصيا أثناء حياتها على الأرض؟
القديسة مارينا

29 مع ملاحظة أنه مفيش فترة حكم كلها ايجابيات أو كلها سلبيات
(جمال عبد الناصر-السادات-حسنى مبارك)
مين من الزعماء الثلاثة كان فعلا زعيما لمصر وللعرب وافريقيا
وله احترام على مستوى العالم من وجهة نظرك وايه هى الأسباب؟
جمال عبد الناصر

30 ما هو المرنم اللى بتحبى تسمعى صوته وتحسى ان صوته جميل جدا فى الترانيم؟
رومانى رؤوف
وما هى المرنمة اللى بتحبى تسمعى صوتها وتحسى ان صوتها جميل؟ فاديا صوتها ملائكى
وهايدى منتصر وايرينى ابو جابر ونيفين شكرالله بحب احساسهم اوى

31 كيف نعالج مشكلة السقوط المتكرر عند الشباب؟
بالاصرار من جواه انه يكون عايز فعلا يبعد عن الخطية اللى ماسكاه
والالحاح فى الصلاة كل يوم بانه يطلب المعونة من ربنا انه يقويه عليها ويبعدها عنه بالحاح و بدوووووووون ملل

32 معروف ان القديسة العذراء مريم هى شفيعتك
والعذراء احتملت آلام كثيرة فقد قال عنها سمعان الشيخ:يجوز فى نفسك سيف..والعذراء تعلمنا كيف نسلم ذواتنا لله وكيف نتحمل من أجل الخدمة وكيف نتنازل عن أى شروط مسبقة
ياريت تقوللنا بعض التأملات عن آلام العذراء من أول ما كانت طفلة حتى نياحتها مرورا بآلامها تحت الصليب
بركة صلوات أم النور فلتكن معنا...آمين

ام النور العذراء مريم لو تاملنا فى الامها بدايه من طفولتها فنجد انها تحملت الكثير من اجل خدمه الرب وهى فى سن صغيره جدا لانها اهتمت فى قلبها بخدمة الرب وليس لنفسها
مرورا بصمتها امام نظرات يوسف النجار لها وقت حملها بيسوع
والامها وقت هروبها الى مصر وطلب العطف من كل الناس حتى تختبىء بطفلها وان تطعمه
الى الامها وقت الام ابنها الوحيد وكان قلبها كاد ان يتمزق من كتر الحزن على فلذة كبدها
كل الالامات دى كانت هى متحملاها فى صمت و بمحبه وتسليم لعمل الرب فى حياتها
يعنى ألام ام النور تعلمنا منها الصبر
والاحتمال بمحبة وفرح دون تذمر
وان نخدم الرب بكل ما عندنا من قوة بمحبة
وتسليم كامل لمشيئة ربنا فى حياتنا ونتركه هو يقود خطواتنا


وباذن الله بكرة آخر مجموعة من الأسئلة

ولية كدة يا ناصر ماتخليك شوية كمان النهاردة
ميرسى بجد على الاسئلة الحلوة دى ياناصر
ربنا يفرح قلبك دايما
ومنتظرة باقى الاسئلة بكرة