|
 |
 |
 |
|
|
|
رقم المشاركة : ( 1 )
15 - 07 - 2025, 11:30 PM
|
|||||||||||
|
|||||||||||
|
١- انك تستنى حقك يجيلك : الله هو العدل ، لكن انت فهمك محدود : حقك مش لازم يجي باللي انت متوقعه و عامله قالب "لحقك" .. حقك ممكن يجيلك في شر اتمنع عنك ، أو نضج اكتسبته من التجربة ، أو بركة تضاف لرصيدك ينفعك وقت ضيقة .. ٢-الرثاء الذاتى : لما تمر بتجربة مؤلمة اهرب تماما من فكرة الأسى و الشفقة على حالك .. ٣-الالحاح فى محاولة إقناع الآخرين : الآخر ح يقتنع لما يبقى مستعد و لما يعدي مراحل كتير تهز قناعته القديمة ؛ مش دورك إن تقنعه بكلمتين فى قعدة أو مكالمة .. ٤- أن تثبت إنك دايما صح : مش عيب إنك تبقي غلطان ؛ تقبل ده بصدر رحب .. ٥- أن تلعب دور الضحية : دور علي مسؤوليتك ؛ دورك ايه في اللي حصل؟ و مسؤوليتك ايه علشان تخرج منه؟ ٦-الشكوى للناس : اكشف نفسك أول ما كلامك يتحول شكوى . . صدق إنك مش محتاج تشتكي ، أو تثبت إنك اتوجعت أو اتظلمت .. مش محتاج تجمّع مؤيدين لجرحك .. فضفض لما تحتاج فضفة بدون شكوى .. ٧-إرضاء اللي يهمك أمرهم : اتحرر من الخوف الرهيب إن اللي بتحبهم يزعلوا أو يعترضوا .. رحّب بالاعتراضات والاختلافات و اعتبرها بتعمق علاقاتنا.. ٨- محاولة تغيير نفسك طول الوقت : انك ترصد الوحش فيها دايما وتركز على تغييره .. بدالها ركز علي الحلو اللي فيك وكبّره .. ٩-محاولة حل كل مشكلة : اتحرر من وهم إن كل المشاكل بتتحل ؛ فيه مشاكل بتتحل ، ومشاكل بنتكيف مع وجودها.. شوف ايه في ايدك اعمله ، واللي مش في ايدك سلّمه لربنا.. ١٠- الرغبة في المثالية : وإن كل حاجة تبقى صح ، تصرفاتك ، تفكيرك ، أولادك.. اقبل الحاجة اللي مش كاملة ، وقدّر المجهود اللي اتعمل حتى لو قليل .. ١١- تستني اللي غلط يصلّح غلطته : اتحرر من انتظار التعويض والاعتراف والاعتذار .. هو أصلا غلط لأنه مش عارف ، أو مش ناضج ؟ أو موجوع أو فاهم غلط أو مختلف عنك.. مش دورك تستناه يغير قناعته ويبقى عنده الشجاعة إنه يعوض عن غلطته .. ١٢- ان تتذمر دائما : اتعلم فن الرضي و الشكر لما عندك ، قبل ان تشكو من اللى مش عندك.. 
|
 |
|
العرض المتطور