ملناش غيرك يارب نريد ان نبرأ

[walaa farouk]

أَجَابَهُ الْمَرِيضُ:«يَا سَيِّدُ، لَيْسَ لِي إِنْسَانٌ يُلْقِينِي فِي الْبِرْكَةِ
مَتَى تَحَرَّكَ الْمَاءُ. بَلْ بَيْنَمَا أَنَا آتٍ، يَنْزِلُ قُدَّامِي آخَرُ».
إنجيل يوحنا7:5
السنادى وانا بقرا عن المخلع قولت مش معقول كل الزحمة الى جنب البركة دى
ومفيش حد يساعد الراجل ده حتى لو مرة من 38 سنة غريبة اوى !!
دورت وقريت تفاسير انجيل يوحنا للاباء
لقيت ان المخلع ده كان شخص صعب والناس بتنزعج منه جدا
عشان كده مكنش حد بيساعده
على عكس المفلوج الى اصحابه ساعدوه يوصل للمسيح
من حبهم ليه
يارب الحب شفاء لو احنا مش قادرين نيجى ليك من كتر قساوة قلوبنا وعجزنا
يا تيجى انت لينا زى المخلع
يا تبعت لينا حد يحبنا يقربنا ليك
المهم نخف نبقى كويسين
غيرنا يارب للافضل
ادينا قبول وسط الناس يمكن نلاقى الى يشلنا ليك ونخف
ملناش غيرك يارب نريد ان نبرأ....💙🤲