أول صورة: منظورك من العربية اللي إنتي راكباها. إنتي مدركة إن العربية اللي بتدفعي في شكلها ولونها وحجمها وارتفاعها كمية فلوس رهيبة تقريبًا تقريبًا إنتي و٦٠٪ من كل اللي ماشيين حواليكي شايفين نفس المنظر: تابلوه عربية ودركسيون وإزاز والمحيط اللي بره عربيتك؟ إنتي نفسك مش شايفة عربيتك.
تاني صورة: منظورك من النظارة اللي إنتي لابساها. إنتي مدركة إن النظارة اللي بتدفعي فيها كمية فلوس وبتقعدي تلفلفي عشان تشتريها وتختاري شكلها ولونها وأد إيه هي لايقة عليكي، إنتي مش شايفة منها غير إطار ما يفرقش كتير ما بين نظارة والتانية؟ إنتي نفسك مش شايفة نضارتك.
ثالث صورة: منظورك للناس اللي بتتفرَّج عليكي وعلى لبسك والميك آب بتاعك. إنتي مدركة إن الميكب اللي إنت بتقعدي تشوفي عليه فيديوهات وتشتري منه كم رهيب من المنتجات وتقضي وقت تحطّيه قبل كل خروجة، وكمان اللبس اللي بتشتريه وبتقيسيه وبتصرفي عليه، إنتي مش شايفة منه غير نسبة ضئيلة جدًا ولوقت محدود جدًا (إلا إذا إنتي طول النهار بتبصّي في المراية، وهنا يكمن خطر تاني مش موضوعنا)؟
05 - 05 - 2022, 08:50 AM
العرض العادي
