اسكت ..ابكم

[walaa farouk]

عواصف الذهن و هجوم الأفكار حرب شديدة القسوة ..

ندم علي اللي فات ، و اجترار الأحداث، و "ليه عملت او قلت كده" ،
و "لو ما عملتش كده كان أفضل " ، و "يا ريتني كنت خدت بالي"
، و "ليه غلطت" و "ليه ربنا سابني و ما نبهنيش" و "اشمعني انا و غيري لأ " ، و "خايف لا الموضوع اللي قالقني ما يتمش و الأمور بكرة تتعقد " ..

و غير كده من آلاف الأفكار اللي بتنهش الفكر و تكويه ..

وسط كل المحاولات اللي بلا فايدة ، تسقط النفس في بحر هايج يبتلعها،
و من موجة لموجة تغرق النفس في دوامة الحزن و اليأس المرعب ..

لما كل محاولاتك لإيقاف الفكر تفشل ، قول لربنا "انتهر فكري و قوله اسكت ، ابكم " ..

الامر الاول "اسكت " يعني يهدي شوية ، و مع استمرار الصلاة ييجي الأمر التاني "ابكم" يعني اخرس ، يعني و لا فكرة متعبة تعدي علي عقلك من أصله ، فيصير هدوء و سلام و فرح عظيم ..

هنا يأمر ملك الكون افكارك "علي لسانك"، فتهدأ مشاعرك و عقلك و روحك ، و يملأ العزاء و السلام قلبك ..

"فَحَدَثَ نَوْءُ رِيحٍ عَظِيمٌ، فَكَانَتِ الأَمْوَاجُ تَضْرِبُ إِلَى السَّفِينَةِ حَتَّى صَارَتْ تَمْتَلِئُ. .. فَقَامَ وَانْتَهَرَ الرِّيحَ، وَقَالَ لِلْبَحْرِ:«اسْكُتْ! اِبْكَمْ!». فَسَكَنَتِ الرِّيحُ وَصَارَ هُدُوءٌ عَظِيمٌ" (مرقس ٤ : ٣٧ ، ٣٩) ..

الفكر الهائج كالموج الغادر ، لا يوقفه الا امر الهي ، امر ملك الملوك..