مراهنين علي ربنا(المتوكلون)

[walaa farouk]

الثقة في ربنا يعني وانت بتسلمله حياتك تبقى واثق انه هايعرف يمشيها بأحسن اسلوب وبأكتر خير ليك
، فا ماتحطش من وراه خطة بديلة أو plan B
لو باظت منه يعني.. لا مش هاتبوظ منه
فا وفر قلقك وخططك الكتير.

الثقة في ربنا هي انك متقررش قرارات مبنية على الخوف..
خوف من مستقبل.. من مجهول.. من قلة فلوس..
من غياب ناس.. من عُمر بيعدي.. الخايف مابيقررش صح.
. الخايف بيضيع عمره حتى لو من بره بينجز..
الخايف بيمشي طول الوقت يجرح في نفسه وفي الناس.

اما “المتوكلون على الرب” فالكتاب يسميهم كدة.. “جبل صهيون لا يتزعزع”.
هاديين مطمنين، مراهنين بس على ربنا وكل يوم يشوفوا عجايب في حياتهم تثبت أن رهانهم كان صح..

الخلاصة..
استثمر في الله وراهن حياتك عليه هو مش على افكارك وخططك،
وهو هايعديك من كل التغيرات والظروف
(والمجهول اللي معقدك ده) زي جبل صهيون كده.. “لا يتزعزع”.

المتوكلون
#مراهنين_على_ربنا