قلب مريض للبيع

[walaa farouk]

قلب مستعمل للبيع ٤ غرف ، يحتاج لصيانة شاملة و إعادة تجديد و إصلاح شامل .
. قلب مجروح من الاحباء قبل الغرباء، تعرض لحوادث كسرته حتت من زمان طويل ..

قلب طيب و ابيض، إنما مكسور ما لقاش اللي يداويه و لا اللي يحتويه..

قلب مهجور من زمان ، عدي عليه كل صاحب مصلحة و عوّر منه حته ،
قلب ما لقاش حد يسكن فيه و يريحه ؛

قلب نزف كتير لغاية لما قرب يموت .. كشف كتير عند دكاترة
و ما لقوش فيه اي سبب للمرض غير الكسرة و الحسرة..

قلب ما بقاش قادر يكمل كده ، قلب لقاش اللي يحبه و يحتويه
مستعد يخٍلص و يخدم و يتعب و يسهر و يسامح و يدي كل اللي عنده
، بس يلاقي اللي يفهمه و يريحه قلب ما لوش طلبات غير أن حد يحبه زي ما هو بيحب..

قلب زي كده معروض للبيع ، يا تري يلاقي حد يرضي بيه ؟؟

القلوب دي باسمعها كل يوم و بقابلها كل يوم ،
و ربنا بيشتري منها كل يوم بس اللي يرضي يبيع له همه و تعبه و مرضه .