زوّادة اليوم: أحبّوا أعداءكم
بيخبرو عن تيتا ختيارة متعودة تصلّي المسبحة هيّي و حفيدتها قدّام الصليب. هيّي و قاعدة عم تتأمّل بالمصلوب قالتلها لحفيدتها: كل ما شوف الجرح اللي بجنبو ليسوع بدعي عاللي شكّو الرمح فيه. و كمّلت و قالت: شو انّو قلبن قاسي كيف قدرو يعملو هيك!؟ انا بعد الوف السنين ما عم فيّي اغفرلن و شو بستغرب كيف هوّي سامحن بنفس اللحظة!! بهاليوم تعلّمت الحفيدة درس مهم انّو القوي مش اللي عندو عضلات و لا اللي بيستغل موقع قوّة حتّى يؤذي و لا القوي هوّي اللي بينتقم...القوي الحقيقي هوّي اللي بيقدر يسامح قد ما تعرّض للظلم و الأذيّة! يا رب عطينا نقوى فيك و نقدر نحب متلك بتجرّد و نمشي حسب وصيتك احبوا اعداءكم...الله معكن
31 - 03 - 2019, 03:12 AM
العرض الشجري