زوادة اليوم : قفص البرتقال

[souad jaalouk]

زوادة اليوم: قفص البرتقال

بيخبرو عن شب قرّر يحضر بيوم من الإيّام درس لشرح الكتاب المقدس.

راح ع الصف، وشو كانت صدمتو كبيرة لما شاف الاستاذ فايِت ومعو صندوق ليمون.
طلب الإستاذ من كل تلميذ ياخد ليمونة ويتأمّل فيها لمدّة خمس دقايق. وبعد خمس دقايق طلب منُّن يردّو الليمونات ع الصندوق. بس القصّة ما خلصت هون، رجع طلب منُّن يقربو ع الصندوق وكل واحد يتعرّف ع ليمونتو. لـمّا خلص الاختبار قلُّن الإستاذ: «الله بيستحق أكتر من خمس دقائق حتّى نتأمّل حضورو بحياتنا... بيستحق نحكي معو ونتعرّف عليه أكتر وأكتر».
الزوّادة بتقلّي وبتقلّك:
«ما بيكفّي نخلق بعيلة مسيحية، نتعمّد ونحمل إسم المسيح حتّى نتعرّف عليه، لازم نسجد قدّام بيت القربان ونتعرّف ع يسوع بقلوبنا حتّى نكتشف محبتو».

[Mary Naeem]

«ما بيكفّي نخلق بعيلة مسيحية، نتعمّد ونحمل إسم المسيح حتّى نتعرّف عليه، لازم نسجد قدّام بيت القربان ونتعرّف ع يسوع بقلوبنا حتّى نكتشف محبتو
ربنا يفرح قلبك

[walaa farouk]

«ما بيكفّي نخلق بعيلة مسيحية، نتعمّد ونحمل إسم المسيح حتّى نتعرّف عليه، لازم نسجد قدّام بيت القربان ونتعرّف ع يسوع بقلوبنا حتّى نكتشف محبتو».

ميرسى على زوادة اليوم

[souad jaalouk]

شكرااا لكما أختاي الحبيبتان مروركما أفرحني الرب يبارككما