طول ما انت عايشة بتتعلم....

[walaa farouk]

لما حد من اصحابك يطلع سكه متعممش و تقول مافيش اصدقاء لا ده في اصدقاء اكتر من الاخوات كمان ، و في جمله بتقولك ، اعرف صاحبك و علم عليه

لما تزعل من حاجه ماتروحش تغير صورة بروفايلك و تخليها حزينه لأ لما تحزن غيرها بصورة بتقول يارب او بدعاء عشان محدش هايحس بيك غير ربنا ، و عشان في ناس بتحبك فمبتحبش تشوفك حزين ، و الصوره اللي بتقول يارب هاتحسسك براحه نفسيه

لما تتصدم في حد كنت فاكره طيب و جدع و بيحبك و طلع و لا حاجه في الاخر ماتقطعش علاقتك بيه ، بالعكس خليك زي ما انت ، عشان هاييجي في دماغه نفس اللي جالك ، بانك اتغيرت ، فخليك زي ما انت و اتعلم

لما تقابلك مواقف وحشه ورا بعض بلاش تكتئب و تحزن ، اتعلم منها عشان مافيش حد بيتعلم غير لما بيتقرص

لما تتجرح من حد ، ماتقررش انك مش هاتحب تاني ، لا اتعلم انك تحب تاني عشان هتلاقي اللي ربنا شايلهولك ، و حافظ علي قلبك مش كل اللي يعجبه تدخله و يستحوذ علي حبك

طول ما انت عايش بتتعلم
و مش هاتتعلم الا اما تتألم