الأمان النفسي مش بند في عقد

[walaa farouk]

اللي يحبك بصدق..
يكون لوجوده تأثير يهدِّي قلبك مش يعكّره
.. يكون حضوره مرآة أمان ترد لك ثقتك بنفسك بدل ما تزيد شكوكك..

القلب اللي اتعلّق بحد صادق، يلاقي في كلامه لحن يطمنه.
. وفي فعله غطاء يحميه من عواصف التفكير
اللي بتسرق الراحة.. مش كل دفء يُقال صدقاً هو كافى.
. لكن اللي بيظهره بالثبات وبالنية الطاهرة
هو اللي يبني أمان نفسي حقيقي..

ما تطلبش من الناس الكمال..
لكن اتمسّك باللي وجوده يقلل قلقك
.. اللي يوقف جنبك وقت ضعفك..
اللي يسمعك وانت ساكت.
. واللي صلاته لك قبل ما تطلب،
ده عمله نادرة وتحافظ عليها..
لأن الأمان النفسي مش بند في عقد،
ده عطية تُمنح من قلب يعرف قيمة الضَعف ويقبلها..