وعد إنه هيكون قُرب المكسورين

[walaa farouk]

فيه ناس كتير ماحدش شايف وجعهم…
بيتحركوا في الدنيا بابتسامة هادئة، لكن جوّاهم معارك مش بتخلص
. اللي بيتألموا من المرض، واللي تعبت قلوبهم من المحاولات،
واللي الأمل اتسرب من بين إيديهم،
واللي فقدوا الشغف وكأن ألوان الحياة بهتت قدامهم.
فيه اللي بيصارعوا لوحدهم لأن مفيش حد يسندهم،
واللي مش قادرين يكملوا من كتر الحمل، واللي الحزن ساكن فيهم بقاله زمن
… لكن صدقني، عين ربنا عمرها ما غفلت عن حد فيهم.
ربنا شايف كل تنهيدة، سامع كل همسة صلاة
، وحاسس بكل وجع حتى لو ماقلتش لحد.
هو الوحيد اللي يقدر يلم شتات القلب، ويحوّل الدموع لقوة،
واليأس لرجاء، ويخلق بداية جديدة من وسط الرماد.
لو إنت واحد من دول… امسك بإيده. سيبه هو يشيلك لما رجلك تعجز عن المشي
. لأنه وعد إنه هيكون قُرب المكسورين،
ويجبر قلوبهم واحد واحد.