اللي في إيده عمري عمره ما يسيبني

[walaa farouk]

وسط الدوشة والقلق والأسئلة اللي مش بتخلص
، في إحساس واحد ثابت جوايا زي جبل ما بيتزحزش…
إني في حضن ربنا.
يمكن الظروف تتقلب، والناس تتغيّر، والخطط تتعطّل
، لكن عينه عليّا، وحمايته حواليّا.

الراحة الحقيقية مش في إن الدنيا تمشي
زي ما أنا عايز، لكن في إني أعرف إن حتى لو الدنيا وقفت
، أنا لسه في إيدين أبويا السماوي،
واللي في إيده عمري عمره ما يسيبني.