أهو كاس وداير

[walaa farouk]

المثل بيقول: "أهو كاس وداير"
… يعني الحاجة الوحشه هتلف علينا كلنا، ومافيش مفر!!

لكن الكتاب المقدس ورانا إن فيه مواقف الكاس وقف فيها
، وفيه ناس بالإيمان
قالت: "لأ… مش هييجي عليّ" ✋🔥

موسى، في أيامه، فرعون أمر بقتل كل المواليد الذكور
من العبرانيين. لكن أمه خبّته
، وربنا رتّب إنه يتربى في بيت فرعون نفسه (خروج ٢).

الرب يسوع، لما هيرودس أمر يرضه بموت كل أطفال بيت لحم
، لكن الملاك حذّر يوسف، وهربوا لمصر ( متى ٢)

دانيال، القانون كان "داير" على كل اللي يصلي
ويسجد لغير الملك، والعقوبة كانت جب الأسود.
لكن دانيال ما خضعش، فضل متمسك بصلاته
، وربنا قفل أفواه الأسود..(دانيال ٦).

عايز اشجعك وأقولك...
مش كل لعنة لازم تلمسك..
مش كل مرض لازم ييجي عليك..
مش كل كارثة لازم تبقى جزء منها..

بالإيمان، وبقيادة الروح القدس، تقدر تقول:
أنا وأهلي وكل ما ليّ ساكنين في ستر العلي

قوة المسيح فيك تخليك تكسر الدائرة، وتوقف الكاس عندك.
مكتوب:
"اِقَاوَمُوهُ رَاسِخِينَ فِي الإِيمَانِ" (1 بطرس 5:9)
يعني قف، وارفض، واعلن: ده مش نصيبي...