كلام بسيط بس فيه حضن

[walaa farouk]

مشهد جميل ،،، لحظة مفيهاش خطبة، ولا وعظة،
لكن فيها روح… وروح نقية أوي.
الطفل كاراس قال للبابا تواضروس:
“يا بابا تواضروس… أنا بحبك.”
فالبابا سأله بابتسامة دافية:
“اسمك إيه؟”
رد وقال: “كاراس.”
فقال له البابا:
“أنا قالولي إنك هتقابل طفل جميل اسمه كاراس… هو إنت؟”
قاله: “أه، أنا.”
كلام بسيط بس فيه حضن.
رسالة حب لطفل صغير مش هينسي الموقف مهما كبر
رد وتعامل بسيط مفيهوش وعظ… بس فيه حب واحتواء.
مشهد بسيط، بس خلاني أفتكر إن أعظم حاجة ممكن تقدمها لحد…
هي إنك تحسسه إنه “مرئي”، وإنك شايفه وبتقدره
وبتروح لحد عنده وتتكلم معاه.
اللي عنده محبة نقية، مش محتاج يشرح كتير.
نظرة واحدة، وابتسامة، تكفي.
واجمل شئ ممكن انت توصله مهما كنت كبير
او عظيم هو البساطة اللي فيها محبة…
لان ممكن كلمة بسيطة تكون بمثابة حضن،.
ومفيش أصدق من حب طفل…
ولا أحن من قلب يعرف يطبطب بالكلمة.
دي اللحظات اللي بنفتكر فيها إن لسه فيه خير…
ولسه في روح حلوة