🌿❤️ كنت فاكر إن بولس ، الرسول القوي ، ما يعرفش حاجة عن اليأس ؟ لكن شوف بيقول إيه :

[Dr-marina]

🌿❤️ كنت فاكر إن بولس ، الرسول القوي ، ما يعرفش حاجة عن اليأس ؟
لكن شوف بيقول إيه :

" تثقلنا جدًا فوق الطاقة حتى أيسنا من الحياة "( ٢ كورنثوس ١ : ٨ )

آه ، بولس نفسه قال : أنا يأست .
كل حاجة كانت فوق طاقته ، ومابقاش شايف أي أمل .

لكن المدهش … إنه ماقالش كانت إيه الضيقة ! ليه ؟
علشان يعلمنا إن نوع الضيقة مش هو المهم ،
المهم هو إزاي تتصرف جواها .

سواء مرض ، خوف ، اضطهاد ، وجع داخلي ، أو حتى إحساس إنك لوحدك …

بولس كمل وقال :

" الذي نجانا من موت مثل هذا، وهو ينجي، وسينجي أيضًا " ( ٢ كورنثوس ١ : ١٠ )

يعني : ربنا أنقذني ، وبينقذني ، ولسه هينقذني .

🪻🌷🌻 رجائي مش في ظروفي ،
رجائي في إله بيقوم الأموات .

رسالة ليك النهارده :
لو حاسس إنك وصلت للآخر … افتكر :
مفيش ضيقة أقوى من نعمة ربنا ،
ومفيش موت ( حتى موت الرجاء ) ربنا مايعرفش يقومه .