نصاب الدين

[walaa farouk]

تعريف النصاب هو من "ينصب" شبكة ليصطاد بها فريسته،
و يتفنن فى إخفاء هذا الفخ لتقع فيها ضحيته
باكثر الطرق تحايل و خبث و دهاء ..

اشهر نصاب هو "نصاب" الفلوس ،
اللى بيستغل طيبة و سذاجة ضحيته
، ليسرق منها اكبر قدر من المال
، و بكامل وعيها و رضاها ، و فى وضح النهار
، عكس السارق اللى بيتخفى و يتدارى
و يتلصص لكي لا يكتشفه احد ..

اما أسوأ نصاب ، هو نصاب الدين .
. ده بيستغل ضحيته بالحيل النفسية و قوة الايحاء،
و سلطان الوهم ، مع الكثير من حلاوة اللسان
و مظاهر التدين الكاذب ليسيطر على عقول الناس
و يستقطب التابعين ليزداد شهرة و سلطان و نفوذ
، و ربما أموال و ربما أشياء اخرى يعف اللسان عن ذكرها ..

نصاب الدين ده زكى بخبث ، و بارع فى خداع عقول الناس
و السيطرة عليهم ، ناعم الحديث ،
شديد المهارة فى التلاعب بكلمات الدين
، يحفظ الكثير من المقاطع الدينية ليثبت للناس براعته
و مهارته و صدقه الكاذب ..

تعرفه او تفقسه ازاي ؟؟ من سلوكياته الخفية اللى غصب عنه ح تبان : عصبيته ، غضبه على اى راى معارض ، كبرياؤه و عنده
، حبه الكبير للاضواء ، ولعه السيطرة و المراكز الاولى
، ابتسامته الكاذبة اللذجة و وجهه الذى يشع مرار و هجوم
و تعالى على كل الناس ، هدؤه الكاذب الذى يتحول
الى هجوم كاسح على كل من يقف امامه ،
عشقه الشديد للمكسب المادى، حبه الرهيب للاطراء
و المديح مع تواضع مزيف به ليتوج سمعته الردية ..

و ربنا يكفيك شره ، و يرزقك بالصادق الامين ،
الطيب المخلص ، اللى بيخاف ربنا و تشوف فى عينيه
و حياته نور السما و جمال الملايكة و براءة الاطفال و نقاوة الأبرار..