لما تشوف الصورة كامله هتخرج من احباطك

[walaa farouk]

مرة وقف المسيح وقيِّم خدمته..
وخاصةً البلاد اللي خدم فيها معظم أوقاته
زي كفرناحوم.. "حِينَئِذٍ ابْتَدَأَ يُوَبِّخُ الْمُدُنَ
الَّتِي صُنِعَتْ فِيهَا أَكْثَرُ قُوَّاتِهِ لأَنَّهَا لَمْ تَتُبْ" (مت11: 20)
وده أكيد سبب إحباط للمسيح كإنسان وكخادم،
لإن حالتهم كانت أصعب من سدوم وعمورة. 💔
لكن بسرعة شاف المسيح الصورة من ناحية تانية..
"وَفِي تِلْكَ السَّاعَةِ تَهَلَّلَ يَسُوعُ بِالرُّوحِ وَقَالَ:
أَحْمَدُكَ أَيُّهَا الآبُ، رَبُّ السَّمَاءِ وَالأَرْضِ،
لأَنَّكَ أَخْفَيْتَ هذِهِ عَنِ الْحُكَمَاءِ وَالْفُهَمَاءِ
وَأَعْلَنْتَهَا لِلأَطْفَالِ. نَعَمْ أَيُّهَا الآبُ،
لأَنْ هكَذَا صَارَتِ الْمَسَرَّةُ أَمَامَكَ" (لوقا 10: 21).
فصحيح كان فيه رفض للبلاد دي للمسيح
(لأنهم كانوا شايفين نفسهم حكماء)
لكن من الناحية التانية كان فيه قبول لأفراد
مُخلصين بيه كأطفال ومن ضمنهم التلاميذ
فلما شاف المسيح الصورة الكاملة تهلل
وخرج من إحباطه ❤

أي أزمة أو مشكلة بتواجهك..
ليها جانب تاني مش شايفه، لكن موجود عند ربنا
أطلب منه بصيرة وشوف بعينيه الصورة الكاملة.